NDAWI ENGGA 103:1 - Nanduk Ngget Tul Pidnak Wene

¹ Nindi wa-e. Nagawan Indo erembel wani-o. Nindi ebis-et wa-e. At unu marak iri nak erembel wani-o.

NDAWI ENGGA 103:1 ပူးပေါင်းရင်းမြစ်များ

NDAWI ENGGA 103:22

Kit ndak worak pidnak mende, Nagawan Indo-nen tenagidnak wi oboksa woragwi wa-e. Nagawan Indo nak erembel waner-o. Nindi wa-e. Nagawan Indo nak erembel wani-o!

NDAWI ENGGA 104:1

Nindi wa-e. Nagawan Indo nak erembel wani-o! Nagawan Indo Nembal Pem Nagawan wa-e. Kar-e mondok nggok lombok-nen yusu-o! Kar-e kek tak yaya worak woragwi sum yutluk worasu-o.

NDAWI ENGGA 111:1

An-e at ilirak ndok worak ennggendumu-nen nindi ebis-et-nen Nagawan Indo nak wiwa-o yak timin-o.

NDAWI ENGGA 138:1

Nagawan Indo wa-e. An-e nindi misiget tak puruk, kat nak wiwa-o luk yak kurusu-o. Nin mbal pem nagawan ereba na imbiri bem-et kat nak kerembel wanosolat ndawi yusu-o.

NDAWI ENGGA 145:1

Nembal Pem Nagawan min an-nen idnak nagawan min wa-e. An-e kat nak kek tak kobosolat, kat nak kerembel wanosolat pem irit woramin-o.

NDAWI ENGGA 47:7

Mbal Pem Nagawan iri-ge yi wi ndi wi oboksa enanggul pem nagawan-nen yusu-o. Ndawi bem at erembel waner-o!

NDAWI ENGGA 63:5

Nunggwi mende undu konak inmbitsa ninggidnak nggal, an nindi yamuksa ndak tak pusu iri bem-nen an-e nene nggoksa nalen pem kat kerembel wanimin-o.

YESAYA 6:3

It-nen it nak enne nggoksa yak kerak mbogolar-e: ”Marag-o, marag-o, marag-o. Nagawan Indo Mondok Amawi Worak iri nak marak-nen yusu-o. Nggweyakma yu me oboksa-ge at abinal-nen yebet yusu-o” luk yiga-o.

YOANES 4:24

Mbal Pem Nagawan-e Indi-nen yusu me, at erembel wanogolar-e, mondok ndemeret inndi bem-net erembel wanuwag-o” luk yak tij-o.

1 KORINTUS 14:15

Iri bem-e ngge yimin-o? An nindi bem-net tepan yosolar-e, an-nen yebet kaso iri bem-nen na tepan yimin-o. An nindi bem-net ndawi yosolar-e, an-nen yebet kaso iri bem-net ndawi yimin-o.

PILIPI 1:9

An-nen kenmanggim tepan yoso-ge yu nggal kwarobokluk-nen yoso-o: Kit-nen ap enabuwa kagwi min kenaru yugwi min yebet kagwi mende pidsa min iri-ge irit tit, irit tit kwarat mag-o luk yoso-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

NAM PARA WENE 4:8

Untugup worak mende empat ereya-ge enambik tak insiyamu enam worag-o. Nde, unlugwe nggwe onmbol nggwe-ge enlengen nak kobong yidnag-o. It iri-nen-e lengge-nen kubu-nen ndawi kundugu nak yogolar-e: ”At nak kek tag-o. At nak kek tag-o. Amawi Mondok Kwarat Nagawan Indo Mbal Pem Nagawan at nak kek tag-o. Nanduk na woraso, yawo na worasu, abok na wolma-nen yusu-o” luk yogolat woragwi-o.