NDAWI ENGGA 102:14 - Nanduk Ngget Tul Pidnak Wene

¹⁴ Sion iri-ge tudsa nggilara ngguru ma-t nde, ndegel kubugwi nap-nen-e imin inndi kundugu irit wolma-o. At iri-ge mabe nggal yigisa labuk ma-t nde, it-nen-e ubud kagolat wolma-o.

NDAWI ENGGA 102:14 ပူးပေါင်းရင်းမြစ်များ

ESERA 1:5

Yosoloma-ge, enlem Yewura nap min Mbenyamin nap min ennggendumu enne kulugwi nap ereba na min tepan omborak min Lewi nap min iri-nen Nagawan Indo-nen enarem yabu wanidnak nap oboksa-nen-e Yerusalem mbutluk, tuguruk Nagawan Indo uwi wururak pem mija lele lid lud tak piga-o.

ESERA 7:27

Yosoloma, Esera-nen yosolar-e: ”Nit nonmborak-nen erembel wanugwi Mbal Pem Nagawan iri nak kek tak wolmag-o! Nagawan Indo-nen nagawan iri arem yabu wanosola-ge, nagawan-nen-e Nagawan Indo uwi Yerusalem iri amanggim nag-et nggok tak pusu-o.

NEMIA 1:3

Kin wanosola, it-nen yogolar-e: ”Ap Mbabel-nen tuguruk enma mbiriga nap ereba na-ge anggun panggun kagolat, ap erem nin nap it worali sa inggi inggi worali nap ereba na-nen pesel onpogolat worali-o” luk yak niriga-o. Nde, wene erep yak norogolar-e: ”O Yerusalem kerep pak leget iri na-ge ndamera nggilarak iri na-t worasu-o. Nde, pak tumende ereba na-ge konigit lak, nanduk kan pogolat meya rak piga iri na-t worasu-o” luk yak niriga-o.

NEMIA 2:17

Alat nde, abok nggwe an-nen it yak ondosolar-e: ”Yawo nit-nen anggun panggun worali yeba mbi ker-o! O Yerusalem yu-ge nggurusa nggweyak pem labuk yil yosolat, nde, kerep pak tumende ereba na kan-nen nuruk lak tak posolat kwat yidnak yeba ker-o. Iri bem-e naptag-o. Ap-nen tuguruk pesel nunpuwa naru, o Yerusalem siri pak yu-ge tuguruk wuruwog-o” luk yak indigi-o.

NEMIA 2:3

Wendet luk, an-nen onggo yosolar-e: ”Nagawan wa-e. Kar-e kuruk pem irit wolmin-o! Nde, nomborak yapma unpugwi sa o siri iri na ndamera nggururak woralat, iri-nen pak tumende ereba na kan-nen nuruk lak tak pidnak woralat, nde, ndegel koboso nap an-e nggesa-nen nindi puru yigit lak wolmomtag-o?” luk yigi-o.

NEMIA 4:10

Iri kwarogolar-e, Yewura nap-nen-e ndawi-ge yu nggal ngariga-o: ”Angin worak kud turag-e nenmawi lak yosola-t nde, eneyakngen mbo bidnak mende awo ligik worasu-o. O siri kerep pak leget yu nggal nit-nen wururag-e meya yusu-o” luk ngariga-o.

NEMIA 4:2

Iri yosolar-e, at imin yabu misiget erep wanugwi nap min Samaria nap san ombo ereba na min inmbiri bem yosolar-e: ”It Yawuri nap enmawi lak yeba nggal-nen-e no kwatli-o? ’O siri yu-ge tuguruk wurul-o’ luk perali-a? It inndi nen yebet kagolar-e: ’Mbal Pem Nagawan amanggim wam wosa kan pul iri bem nak-nen yabu iri-ge misik tarem nak-nen lak tak pul-o’ luk yebet kali-a? Nde, eneyakngen mbo bidnak kan ninggidnak isik logo logo ereba-ge kerep pak leget wururak kerep tak puwa-a?” luk pesel ninpij-o.

NEMIA 4:6

Irit yogola, nir-e kerep pak leget panggarogolar-e, ap oboksa-nen yabu kwara tebeksa wanogolat me, teram nggwe-ge wosa enggendumu si sa pil laige-o.

NDAWI ENGGA 119:126

Nagawan Indo wa-e. Ap-nen-e kat-nen idnak imiri mbarak pidnak wene kwid togola, kat-nen it kwat unpurak tarem-e abu wok yij-o.

YESAYA 40:2

Kit-nen Yerusalem nap inndi wi yabogolat-nen yak ondogolar-e: ’Ininggiyapma rak kunpuruk woragwi mende-ge lak yij-o. Kit-nen meya kwarugwi mende-ge an-nen nemberam tak pigi-o. Kit-nen meya kwarugwi oboksa ereba na bem-et Nagawan Indo an-nen angin worag-e mberen pem nambena kenpem pigi-o’ luk yij-o” yak ender-o.

NDANIEL 9:16

Kar-e o nanduk ereba-net nit nenambigit nak yoso me, kisilepma Yerusalem ebem-e posolat wolmomtak pug-o. Yerusalem iri-ge kat kondomok kuwi siri min kondomok kondobo marak min-nen yusu-o. Nit min nonmborak min-nen meya kwaridnak iri na-nen ndowaga, nit nendam inggi inggi worali nap oboksa-nen-e kat kilirak min Yerusalem min yik eneyagolar-e, no mende nggal nde yik eneyali-o.

URUT 1:6

Nde, siyak woraruk, Naomi-nen kulidnggal-e, ”Nagawan Indo-nen Isarael nap inmbiringgat tak pamu, nunggwi mende konak nak mbatli-o” yidnak wene kulurug-e, ilirak onkwela togwe mberen ya na inmin Moap-nen mburuwokluk yiga-o.