NDAWI ENGGA 102:13 - Nanduk Ngget Tul Pidnak Wene

¹³ Kat abok ndirik yosolar-e, Sion abuwa yugun-o. Nde, at ubud kudtak tarem-e panggorak worasu-o.

NDAWI ENGGA 102:13 ပူးပေါင်းရင်းမြစ်များ

NDAWI ENGGA 135:13

Nagawan Indo wa-e. Kat kobog-e pem irit wigal tenak woragolat, kat kunu-ge ap pem lud irit woragolat yebet yebet tak wolma-o.

NDAWI ENGGA 51:18

Mbal Pem Nagawan wa-e. Kat-nen konak kwat onposo elem pem Sion iri kwat ibi-o. Iri kwarosola, Yerusalem kerep pak leget iri na-ge tuguruk wiri-o.

NDAWI ENGGA 90:2

Ndobo ndak wirigit lak ma, nggweyak min o yu min kwarak pigit lak ma-ge, kar-e woroksiyem na lak, tel kwiridnak na lak, kar-e pem irit woraso-nen yusu-o.

MBIRIGA WENE 3:15

Kat-nen it yak ondosolar-e: Nagawan Indo an-e it onmborak Enmbal Pem Nagawan, Abarakam min Isak min Yakup min Enmbal Pem Nagawan an nak-nen it endam wirik kubusu-o. An nunu Nagawan Indo iri-ge pem-et woralik nalik irit wolma-o. Nde, an nunu Nagawan Indo iri-ge ap enlem oboksa nen ap pem lud pem yogolat wolma-o.

YESAYA 40:2

Kit-nen Yerusalem nap inndi wi yabogolat-nen yak ondogolar-e: ’Ininggiyapma rak kunpuruk woragwi mende-ge lak yij-o. Kit-nen meya kwarugwi mende-ge an-nen nemberam tak pigi-o. Kit-nen meya kwarugwi oboksa ereba na bem-et Nagawan Indo an-nen angin worag-e mberen pem nambena kenpem pigi-o’ luk yij-o” yak ender-o.

YESAYA 60:1

Yerusalem wa-e. Kar-e men yosolat, yaya kwat min-o. Kat kimiri yurak yaya-ge lobok yarik, Mbal Pem Nagawan abinal-nen yaya rak, kubusu-o.

YEREMIA 31:23

Nagawan Indo Mondok Amawi Worak, Isarael nap Enmbal Pem Nagawan-nen yosolar-e: ”An nilirak nde tuguruk nanduk-nen woragwi nggal kek tak unnu worak tak pumu-ge, o Yewura min Yewura siri oboksa min ereba na me-nen-e ap-nen yogolar-e: ’Nagawan Indo-nen-e at arig-et nak woraso ondoro Yerusalem ndobo marak iri na imbiringgat tak puwag-o’ yogola kuluwa-o.

NDANIEL 12:9

Iri yosolukmu, at-nen onggo yak norosolar-e ”Ndaniel wa-e. Wene yeba-ge kura teberak nak irit worasoma iri-net i worok tak puwa tarem wok yurak me, kar-e yawo-t mbiri-o.

YIDNAK YIDNAK WENE 1:7

Yogolikma-ge, at-nen engga yak ondosolar-e: ”Yi tarem ndi tarem iri-ge an Neid ondomok amawi bem-nen lud tak pidnak iri-ge kit tet kenaru momtag-e lag-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,

2 PETERUS 3:12

Iri nggal kwarogolar-e, Mbal Pem Nagawan-nen idnak Tarem yik karok woragolat, ndaget nak lobok yuwag-o luk tu mbarogolat wolmer-o. Iri Tarem-e mbal na kan-nen nuruk, lak tak puwa-o. Nde, mbal pem woraso mende na kan embem-nen tamuk kan ninggidnak nggal lak ma-o.

2 PETERUS 3:8

Alat nde, nanggamirak kenabuwa worak wa-e. Wene misik yu-ge meme rak purak pug-o. Nde iri-ge Nagawan Indo erengen pem-e o misiget nda yidnag-e olengen seribu (1,000 tahun) nggal-nen yusu-o. Nde, olengen seribu (1,000 tahun) iri-ge o misiget nda yidnak nggal-nen yusu-o.