NDAWI ENGGA 102:12 - Nanduk Ngget Tul Pidnak Wene

¹² Alat nde, Nagawan Indo wa-e. Kar-e nagawan pem irit woralik nalik woraso-nen yusu-o. Pem ap pem lud irit woragolat inndi yebet keyagolat wolma-o.

NDAWI ENGGA 102:12 ပူးပေါင်းရင်းမြစ်များ

AYUP 14:2

Engen isi nggal engen isi wosoksa peralug-e, tuguruk terabet yoso iri nggal-nen yusu-o. Pemsa woragwi bug-o. We enamorok nggal nak woraruk, lak yugwi-o.

NDAWI ENGGA 135:13

Nagawan Indo wa-e. Kat kobog-e pem irit wigal tenak woragolat, kat kunu-ge ap pem lud irit woragolat yebet yebet tak wolma-o.

NDAWI ENGGA 90:6

kuplila-ge tup luk isi pusu-t nde, keyama-ge terabet yusu iri nggal-nen yili-o.

MBIRIGA WENE 3:15

Kat-nen it yak ondosolar-e: Nagawan Indo an-e it onmborak Enmbal Pem Nagawan, Abarakam min Isak min Yakup min Enmbal Pem Nagawan an nak-nen it endam wirik kubusu-o. An nunu Nagawan Indo iri-ge pem-et woralik nalik irit wolma-o. Nde, an nunu Nagawan Indo iri-ge ap enlem oboksa nen ap pem lud pem yogolat wolma-o.

YESAYA 44:6

Nagawan Indo Mondok Amawi Worak Isarael nap nggetlel onposo Nagawan Indo iri na-nen yid wene-ge yu-o: ”Mbal Pem Nagawan misiget an narik nak tel koroso min woroksiyem min-nen yusu-o. Mbal pem nagawan erep mbi mondok worasu bug-o.

YESAYA 60:15

Kar-e keya kobogolat, insili rak kobogolat ma bug-o. Keya kubuwama, o wa woragun pug-o. Kar-e pem inndi kebem mbung mbung tak nak woragwi rak kobosolat, pempa enalen kebem nak woragwi rak kibimin-o.

TUGURUK YIDNAK WENE 33:27

Mbal Pem Nagawan-e pem kit nggetlel kunpuruk woraso-nen yusu-o. Pem woraso erabit pem kit yogo kunpuruk worasu-o. At-nen kunuwim nap kenndam-nen maga wirik onposolar-e, ”Mondok lak tak enper-o” yak kindij-o.

IBERANI 13:8

Yesus Kerisut-e tono-n na irit, yawo-n na irit, abok woralik nalik worasolat-nen na irit, nin yoso buk, iri na-t woraso-nen yusu-o.