NDAWI ENGGA 101:3 - Nanduk Ngget Tul Pidnak Wene

³ Nde, meya elem iri-ge an-e mondok lak tak pimin-o. Indi angin tubu yidnak mbo bidnak nap-nen kwarugwi iri-ge an-e nisili-nen yusu-o. An-e it inmin kundimin pug-o.

NDAWI ENGGA 101:3 ပူးပေါင်းရင်းမြစ်များ

AYUP 31:1

An-nen mondok watsa owak mbarosolar-e: ”Kweyap ndugum yik eneyasolar-e, mondok nindi-nen nok inpimin pug-o” luk owak mbarigi-o.

NDAWI ENGGA 119:113

An-e kat-nen idnak imiri mbarak pidnak wene-ge mondok nindi kundik irit worasu-o. Nde, ap mondok kat-nen yidnak yidnak kwarugwi buk nab-e nisili rak unpusu-o.

NDAWI ENGGA 139:22

It iri-ge mondok nisili rak unpuruk, an nuwim nap nggal-et yik eneyasu-o.

NDAWI ENGGA 14:3

it oboksa mot mot kwarurak iri na keya buruk, lugud tak nggwe nak mbitli-o. Ap misiger-o luk mbi-nen konak mbi kwatli bug-o.

NDAWI ENGGA 40:4

Nagawan Indo ebem inndi wat tak puruk woralat, kugwiwak erembel wanugwi buk nap min inndi-nen kek yugwi nap inmin ”Yongga nender-o” yugwi buk nap min-e enalen kagolat wolmag-o.

MBIRIGA WENE 20:17

Ap misik arengge: uwi min ogwe min ndegel ubugwi min owam min egelerai wam min at arengge mende oboksa min ukwe yurak pug-o” yij-o.

MBIRIGA WENE 32:8

Ir-e an-nen yidnak wene-ge keya buruk, lugud tak nggwe mborogolar-e, emas omok wosa sapi wam mbi ndak wutluk, kek tak pogolar-e, amanggim wam wosa pogolat-nen yogolar-e: ’Yu-ge Mesira-nen lit nunpuruk lobok yid Mbal Pem Nagawan iri nar-o’ luk yili-o.

NGGOMO WENE 6:12

Meya yugwi nap, mondok ebe lak mende ereba-ge nin me nan me ennesiget yil nili-o.

NGGOMO WENE 6:13

Ir-e ap enmberam lagolat-nen kwarogolar-e, enlengen sambok pem ininggi warok pem nak-nen enmberam lali-o.

NGGOMO WENE 6:25

It entare konak iri-nen kindi lak tak purak pug-o. It enlengen kebem puwa iri na bem-nen kindi enpem mbutlurak pug-o.

NGGOMO WENE 8:13

Nagawan Indo kek tak pogolar-e, meya kwarugwi elem iri na kinsili rak pogolar-o. Inndi-nen kek yugwi min enanggup kek yugwi min iri-ge mondok nisili rak pusu-o. An-e enpage meya kwarugwi min ap enmberam lagwi enne amburu min iri-ge mondok nisili-o.

YESAYA 30:11

Ndak kenpe-o. Ndegera mberer-o. Kir-e Isarael nap Enmbal Pem Nagawan mondok marak iri na owene pem ndak sil pal neneyerenak worali meyog-o” luk yili-o.

YESAYA 33:15

Kit-nen nde ndemeret wene nak yogolat, konak nak kwarogolat kwarogola-ge, iri arem-et lembe luk wolmomtak iri-ge ob-er-o. Kir-e no bem-nen lesa wanimin isilobulo lak nap enarengge ondoro rak purak pug-o. Lugud tak kwarogolat, uang wanurak pug-o. Kit-nen-e ap wururak pem wene mbatli nap ereba na inmin-e wene mbarurak pug-o. Iri-nen meya erep kwarurak pem wene erep na wanurak pug-o.

MIKA 2:2

Ereba na kwarogolar-e, it-nen nde yabu misik wanurak perarug-e, yabu iri na-ge mengga wanogolat, nde, it-nen nde o misik ukwe perarug-e, o iri na ndela nggogolar-e, iri me woragwi nap ereba na enarengge enmawi bem mengga wanogolat, enpe na lel mberel onpogolat, kwat tenak woragola, enarengge wanili nab-e yamuksa worali bug-o.

MATIUS 5:28

Alat nde, an-nen yak kendeyeg-o: Ap-nen-e kwe mbi yik karuk, indi-net kwe na ukwe eberasola-ge, at indi-nen kwe na yebusu-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

NGGALATIA 4:9

Alat nde, yawo-ge kir-e Mbal Pem Nagawan kenaru luk – are, yawo-ge Mbal Pem Nagawan-nen kit aru yij-o luk yurag-et nde – nggweyak ma kugi ndeyak, arengge lak kugi na kir-e tuguruk ndegel ubuwokluk, nden karuk eram mbururak kinndingen-a?

IBERANI 10:39

Nde, nir-e ninndi angin tubu yidnak keya bidnak pem lak tak nunpurak nab-e lag-o. Are, nit ninndi angin tubu yidnak pem ninmiri yidnak nap-nen yili-o.

2 PETERUS 2:21

It iri na-ge lud tak nak kwarugwi tula enaru buk woragolat nggal-nen-e ob-et nde, lud tak nak kwarugwi tula enaru lug-et nde, it yak indidnak imiri mbarak pidnak wene mbek tak iri keya bili iri-ge mondok meya lombog-o.

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.

1 SEMUEL 15:11

”Saul yu-ge an neram-nen nden karuk mborosolat, an-nen ebem pigi-ge kwarigit lak yidnak me, niri nera-nen Saul yu-ge nagawan tak ibigi-o” luk yak tij-o. Yosoloma, Semuel-e indi puru luk, Nagawan Indo emengen mbal tenak nene yij-o.