NDAWI ENGGA 1:3 - Nanduk Ngget Tul Pidnak Wene

³ yi eyak pem yagidnak e misik yabosoma, engen poso tarem-net e na engen poso-o, angga na lera mboso buk e nggal-nen yili-o. It-nen kwarugwi mende iri-ge pidsa konak nak kwatli-o.

NDAWI ENGGA 1:3 ပူးပေါင်းရင်းမြစ်များ

NDAK WIRIDNAK WENE 39:23

Nde, o kubu me ombo iri na-nen-e yabu iri me-nen kwarurak mururak Yusup inggem pid ereba na-ge at-nen mbi siyak erep tenakit lak, Yusup inggem nag-et keya bij-o. Nde, Nagawan Indo-nen-e Yusup kwara yongga worosola, at-nen yabu wanidnak iri-ge mondok konak nak irit wanij-o.

NDAK WIRIDNAK WENE 39:3

Nde, at onggo ibid nap-nen yik kasolar-e, Nagawan Indo-nen Yusup yongga worosolat me, at-nen yabu wanidnag-e ebe nak irit kwat yosola kagaij-o.

AYUP 14:9

yi-nen piri rak posolar-e, isit iri na-ge mbutluk, ngget yagidnak nggal inggi angga poso-o.

YESAYA 44:4

Ir-e yi eyak pem yak yidnak tusuangge nggal arim irit lagolat, e nggandarusa yi eyak pem yak yidnak nggal irit wolma-o.

YESAYA 58:11

An-nen-e pempa lit kunpuruk nosolat, nggweyak le rak pem-et nde, kinmbitsa mak kondosolat woramin-o. Kenmawi min kenpem mbenag-et worabokluk yik keneyarok woramin-o. Kir-e yi worak ma engen amare worak yagidnak yabu nggal woragolat, yi ulusu eberek yoso buk nggal woragolat yugub-o.

WONARIDNAK WENE 24:6

Kat kuwi lije o lid yemarak nggal, yabu yi eyak pem nggal, Nagawan Indo-nen yagidnak e gagaru nggal, yi eyak pem tanggal yidnak e aras nggal woralar-e,

MATIUS 13:6

mo pil wasolar-e, terabet yij-o. Nde, iri yid iri-ge emengen kwara mbigit lak me, terabet luk umbuk yij-o.

MATIUS 21:19

Nde, e ara misik tu mbanggo ma karuk, e na elem pem mbiridnggal-e, engen pigit lak, engga nak ala-ge, at-nen e na yak tosolar-e: ”Kar-e mondok kengen yugun pug-o!” luk yak tosola ereya na-net e ara na umbuk yij-o.

MATIUS 21:34

Mberarik worasoma-ge, anggut engen ogore yosoma mbarugwi tarem panggo yosola-ge, yabu winde na-nen at ndegel pugwi nap wirik onposolar-e, at amanggim pidnak engen wok unduwakluk, it parugu worali nap endam wirik inpij-o.

MATIUS 21:41

Yosoloma-ge, it-nen wene erep nggarogolar-e: ”Meya iri nggal kwarugwi nap iri-ge ndemeret unduruk, anggut engen ogore yosoma mbarugwi tarem-nen mbarogolat, engen ereb-e mbara ombo iri na-t wok turak nap parugu wolmomtak nap nin irit wok unduwa-o” luk yiga-o.

YOANES 15:6

Nde, an narem puksa wolma buk nab-e e inggi yendera mbo bidnak nggal irit mbo bosola, le ma-o. Nde, inggi yendera mbo bidnak iri nggal-e ap-nen ndok wosa kan ma mbo bosoma, kan naso-o.

YURAS 1:12

Kir-e kenggamirak inmin kondogolat-nen nunggwi mende nggok saguruk nonggola tarem it inmin nonggola-ge, it iri-ge innggiri lak kasa kasa nili iri-ge kik tak konpogolat, it ondomok nak nggok tak pili-o. Nde, obube-nen puk kaso nggan nggan-et nde, talme waruk lobok yoso buk nggan nggan nggal, e engen poso tarem-et nde, engen poso buk e nggal, elem konak pidnak ma mondok umbuk yidnak e nggal-et it-nen yili-o.

NAM PARA WENE 22:2

o siri iri na tula ombolwak enggendumu nggwe-t mbirij-o. Nde, yi iri eyak ponok ponog-e unlug-et wolmomtak e irit ya-o. E ereba na-ge olengen misiget arem-e engen perenak woralar-e, duabelas pem poso-o. Iri posolar-e, waneya irit wosa perenak woraso-o. Nde, e ereba na angga bem-nen-e ap enlem oboksa ki rak unpugwi-o.