NDAWI ENGGA 1:2 - Nanduk Ngget Tul Pidnak Wene

² Alat nde, it ereba na-ge Nagawan Indo-nen ”Iri nggal kwarurag-o” yidnak wene nak enalen min kwarogolar-e, Nagawan Indo-nen ”Iri nggal kwarurag-o” yidnak iri bem kubu-nen lengge-nen yebet yebet tak woragwi iri-ge

NDAWI ENGGA 1:2 ပူးပေါင်းရင်းမြစ်များ

NDAK WIRIDNAK WENE 24:63

misik tarem-e keyama nggwe o lije ma-nen waring kil eyapmu ereba na me nosolat-nen erengen yik kagaidnggal-e unta wam ereba lobok yosola, yik kagaij-o.

ESERA 7:10

Nde, Esera-nen-e Nagawan Indo-nen ”Irit kwarurag-o” yidnak wene min it-nen kwat tenak woragwi wene min oboksa iri na at-nen kwarosolat, ereba na Isarael nap mul ondosolat kwarurak pem-e Nagawan Indo-nen idnak imiri mbarak pidnak engga iri na-ge mondok kwara-t mbenarosolat woraso-o.

NDAWI ENGGA 104:34

At nak-nen nindi alen tak posolat woraso me, an nendawi-nen-e at alen tak posolat wolmag-o.

NDAWI ENGGA 112:1

Nagawan Indo-nen ”Iri nggal kwarurag-o” yidnak ereba na bem inndi kundugu woragolat, at indi aye worak worali nab-e enalen kagolat wolmag-o.

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

YEREMIA 15:16

Kat-nen an nimin wene yosola-ge, kat-nen yusu wene oboksa-ge an-e kuligi-o. Nagawan Indo, Mbal Pem Nagawan Mondok Kamawi Worak wa-e. An-e kat karengge-nen yusu-o. Iri bem-e, kat-nen yidnak wene-nen nalen tak posolat, nindi yek tak posolat kwarij-o.

LUKAS 18:7

Nde, at lenak inpidnak nab-e kubu-nen lengge-nen at emengen mbal tenak wolma nap iri-ge Mbal Pem Nagawan-nen wene kona wok unduwa buk kali-a? It yongga ondosolar-e, ndan-et yongga unduwa nde kali-a?

LUKAS 2:37

kwe togwe woralar-e, olengen depalan pulu empat (84) woraidnak me, kwe indi worak yidnak irit woragaij-o. Kwe na-ge Mbal Pem Nagawan ama-nen mbepme mboroso buk, kubu-nen lengge-nen mburu keya buruk, tepan nak kundugu yosolar-e. Mbal Pem Nagawan nak erembel wanosolat woraso-o.

OROMA 7:22

Nde, an nindi arem-nen-e Mbal Pem Nagawan-nen idnak imiri mbarak pidnak wene wanurag-e nindingen-et nde,

1 TESALONIKA 2:9

Nennggamirak wa-e. Nir-e nondomok neneyabu wanogolat siri mbige iri-ge kir-e yebet yebet tak worali-o. Nir-e Mbal Pem Nagawan-nen idnak aid wene yak kondogolat woragolar-e, angin tak kunpul naru, lengge-nen kubu-nen neneyabu wanogolat woraige nar-o.

1 TIMOTIUS 4:15

Kat-nen konak nak kwaroso kebage terak mena nggal lasu ap oboksa-nen kujwaklug-e, iri mende pidsa iri-ge mondok kwara kwarosolat wolmin-o.

2 TIMOTIUS 1:3

Nanduk nonmborak-nen Mbal Pem Nagawan ndegel ibiga na nggal-et an-e yebet kaso nindi mbek tak pem-et ndegel oboso Mbal Pem Nagawan iri na wa yak toso-o. Kubu-nen na, lengge-nen na, an-e pempa kamanggim tepan yoso-o.

YOSUA 1:8

Nde, imiri mbarak pidnak engga iri-ge kar-e pempa an nilirak ereba wonat ondosolat wolmin-o. Nde, kat-nen engga iri arem mbarak worasu mende ereba oboksa kwarosolat worayeklug-e, kubu-nen lengge-nen kwara mbenarosolat wolmin-o. Kat-nen nde ereba oboksa kwarosolat worala-ge, kar-e ukwe lak, kalen pem woralat, konak nak irit woragun-o.

1 YOANES 5:3

Mbal Pem Nagawan abuwa kagolar-e, at-nen yidnak yidnak nak kwarurag-o. Nde, at-nen: ”Iri kwarer-o” yak nindidnak wene iri-ge nit nenmanggim-e angin worag-e lag-o.