NDAWI ENGGA 1:1 - Nanduk Ngget Tul Pidnak Wene

¹ Meya yugwi nap-nen yidnak yidnak mondok kwarugwi buk nap min meya yugwi nap-nen kwarugwi mende kwarugwi buk nap min Mbal Pem Nagawan enlengenma nggal tak pugwi nap ereba na-nen kwarugwi mende kwarugwi buk nap iri-ge enalen kujwag-o.

NDAWI ENGGA 1:1 ပူးပေါင်းရင်းမြစ်များ

NDAK WIRIDNAK WENE 49:6

Ir-e insilepma yili iri bem-net ap ondogolat ondomok inndi alen yurak pem nak lembu wam emengen mbara tu mbururak meya rak pogolat yugwi me, an-e it ndok wutluk wene mbarogola na enne erep wanimin pug-o. It ndok worogola na ennggendumu nggwimin pug-o.

NDAK WIRIDNAK WENE 5:24

Eid Mbal Pem Nagawan imin panggarak woraso me-ge, Mbal Pem Nagawan-nen wanosolat, lak agaij-o.

1 NAGAWAN NAGAWAN-NEN KWARIDNAK WENE 16:31

Ar-e Nagawan Yerobeam-nen meya kwat tenak woragid iri na nggal meya kwarosolar-et nde, ereba na-ge ebem lobuk ala, Siron nagawan Etmbaal ara Isebel iri na wanosolug-e, kugwi Mbaal erembel wanosolat woragij-o.

AYUP 31:5

An-nen mondok owak mbarusu-o: An-e lugud tak mondok kwaroso bug-o. An-e ap enmberam na mondok laso bug-er-o.

NDAWI ENGGA 1:6

Nde, lud tak nak kwarugwi nab-e Nagawan Indo-nen nggetlel unpuruk, ndemel unpuruk nuwa-t nde, meya yugwi nap-nen mbitli tula iri-ge lak tak unpurak sa mbitli-o.

NDAWI ENGGA 112:1

Nagawan Indo-nen ”Iri nggal kwarurag-o” yidnak ereba na bem inndi kundugu woragolat, at indi aye worak worali nab-e enalen kagolat wolmag-o.

NDAWI ENGGA 119:115

Meya yugwi nap wa-e. An neram-nen mberer-o! An-e an Nembal Pem Nagawan-nen nebem pidnak ndak ndak irit kwarosolat woramin-o.

NDAWI ENGGA 146:5

”An yongga noroso-nen yusu-o” luk Yakup Embal Pem Nagawan iri na winde luk woralat, Nagawan Indo at Embal Pem Nagawan ebem indi wat tak puruk worasu nab-e mondok alen kasolat wolmag-o.

NDAWI ENGGA 146:9

Nagawan Indo iri-ge ap sal nggetlel unpuruk woralat, kweyap togwe min li mul ineid iniya lak min-e yongga ondosolar-et nde, meya yugwi nap-nen kwarurak yemndak pidnak ereba na-ge yugwi rugwi rak poso-nen yusu-o.

NDAWI ENGGA 2:12

Nagawan Indo isilepma-ge mimo yoso me, Nagawan Indo isilepma yosolat ereya na-net lak tak kunpuwa naru, kwiye min-et Nagawan Indo eram tebe yer-o. Nde, Nagawan Indo indipma worali nab-e mondok enalen kagolat wolmag-o.

NDAWI ENGGA 34:8

Nagawan Indo konak nak woraso iri-ge kondomok-nen kwara ker-o. Nagawan Indo eram kurak tak worali nab-e enalen kagolat wolmag-o.

NDAWI ENGGA 84:12

Nagawan Indo Mondok Kamawi Worak wa-e. Kat kebem inndi wat tak puruk worali nab-e enalen kagolat irit wolmag-o.

NGGOMO WENE 1:15

Iri nggal yak korogola-ge, nambara wa-e. Ap ereba nggal-e mondok inmin mbururak pug-o. Mondok inggi mbara karig-et wolmomtag-o.

NGGOMO WENE 1:22

”Wid kinndi worak wa-e. Kir-e pempa iri nggal nag-et kwat tenak woragub-a? Nde, kit-nen enaru yugwi mende te rak pogolat, mul kindidnak wene ereba na-ge keya bogolat irit woragub-a?

NGGOMO WENE 13:15

Ap inndi worak nab-e entembel wanuwa-o. Nde, ap onmbol pem lagwi nab-e anggun panggun arem wolma-o.

NGGOMO WENE 13:20

Ap-nen nde ap inndi nggat nggat worak nap inmin are kondogola-ge, it na inndi nggat nggat worag-et ma-o. Alat nde, ap wid ereba na inmin are kundili nab-e enare buwa-o.

NGGOMO WENE 3:34

Nagawan Indo-nen-e ap indi kek tak woragwi nab-e isili rak onposo-o. Alat nde, ap inndi teberak woragwi nab-e at-nen inmbiringgat tak onposo-o.

YEREMIA 15:17

An-e enalen pem ndok wutluk woragolat, wene ngen ndakwi nap inmin-e ndok wutluk, it-nen kwarugwi kwaroso bug-o. Alat nde, an-e kat-nen yidnak yidnak nak kwarosolat me, narik ereba-t nisilepma min woraso-o.

MATIUS 16:17

Yosoloma-ge, Yesus-nen wene erep nggarosolar-e: ”Yunus ambara Simon wa-e. Wene iri-ge nggweyak ma nap-nen yak kiriga-ge lag-o. An Neid aid arem woraso-nen yak kiridnak me, kar-e kalen kasu-o.

LUKAS 11:28

Yesus-nen yosolar-e: ”Iri yigen-et nde, Mbal Pem Nagawan-nen yidnak wene na kuluruk, iri-nen yidnak yidnak kwatli nab-e enalen-e terak menna kagolat wolma-o” luk yij-o.

YOANES 13:17

Nde, kit-nen nde wene ya kenaru luk, kwarugup ala-ge, kir-e kenalen worak yugub-o.

YOANES 20:29

Yak tosoloma-ge, Yesus-nen at yak tosolar-e: ”Kat kerengen-nen an neyaruk, kat kindi angin tubu yigen-o. Nde, enlengen-nen an neyagit lag-et nde, an nebem inndi angin tubu yili nab-e enalen kujwa-o” luk yak tij-o.

OROMA 5:2

Nit ninndi angin tubu yidnak pem nir-e Mbal Pem Nagawan-nen idnak we wok ondoso elem pem worali-o. ”Mbal Pem Nagawan unu kek tak pogola, at ondok yul-o” luk iri kwarurak pem ninndi mbung mbung tak woragolar-e, nenalen kali-o.

EPESUS 6:13

Iri bem-e, kir-e Mbal Pem Nagawan-nen idnak wim puwokluk yurugwi mende oboksa yerer-o. Iri yurugup pem-e, meya mom tarem iri wok yosola-ge, mamak puruk woragolar-e, wim tembesa keya buruk, mondok tugup lag-et woragub-o.

TUGURUK YIDNAK WENE 33:29

Isarael wa-e. Kalen pem wolmin-o! Ap enlem ereb-e Nagawan Indo-nen kimiri yidnak worasu iri nggal mbi inmiri yidnak worali bug-o. Nagawan Indo iri-ge kat yongga korosolat, kat ombol nggwe rak kobosolat kwarosolar-e, keyalawi nggal, kundumno nggal-nen yusu-o. Nde, kat kuwim nab-e: ”Nenabuwa ki-o” luk kemengen mbaril lobok yogola-ge, kat-nen kuwok liri rak unpugun-o.

1 PETERUS 4:3

Nde, kit nanduk kwarat woragolar-e, Mbal Pem Nagawan enaru buk nap-nen indingen kagwi mende kwarogolat woraigeb-o. Iri kwarogolar-e, meya nak kwarogolat, kinndi-nen ukwe yugwi nak langgal luk mborogolat, anggut engen amburu nuruk, kinndi wawa yogolat, inik inik saguruk, mbabi yogolat, anggut engen amburu na ndonggosa nonggolat, erembel wanurak pug-o luk yidnak kugiwak erembel wanogolat woraigeb-o.

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.