NDANIEL 9:7 - Nanduk Ngget Tul Pidnak Wene

⁷ Nagawan Indo wa-e. Kat-nen kwaroso-ge pempa ndemeret mot mot lud tak nak kwaroso-nen yusu-o. Alat nde, nit-nen-e nondomok ninnggiri rak purak mende nak kwatli-o. Nde, iri kwarugwi iri-ge nit Yurea woragwi nap oboksa min Yerusalem woragwi nap min nit nenlem nap oboksa-nen tugup lak kat-nen yidnak yidnak kwarigit lak yidnak pem kat-nen-e o erepma min koroga min ndibi ndi rak inpigen irir-o.

NDANIEL 9:7 ပူးပေါင်းရင်းမြစ်များ

ESERA 9:13

Nenmbal Pem Nagawan wa-e. Nir-e kat-nen idnak imiri mbarak pidnak wene iri na kwid togolat, meya kwarogola-ge, kat-nen-e onggo angin worak nenpem pigen-o. Nit meya kwarat kwarige ndak ndag-et angin worak mende nggog-et nenpem purag-et nde, kat-nen angin worak nenpem pigen iri-ge we te-t nenpem pigen-o. Nenpe na yawo ninmiri yigen-o. Iri kwat ninpigen iri-ge nir-e nenaru-o.

ESERA 9:15

Nagawan Indo Isarael nap Nenmbal Pem Nagawan wa-e. Kar-e mondok lud tak nak kwaroso me, nit-nen kwarugwi bem nundurag-et nde, kat-nen-e nunluk keya nunpusu-o. Nit-nen meya kwarugwi-ge kimbiri bem patli-o. Nit-nen kat kerare bem wok momtag-e mondok meya-o” luk yij-o.

NEMIA 9:33

Kat-nen-e mot mor-et kwarosolat, nit meya kwarogola-ge, onggo angin worag-et nenpem pusu-o. Nir-e meya nak kobong tak woragola-t nde, kar-e mondok tugup lak irit kwaroso-o.

NDAWI ENGGA 119:137

Nagawan Indo wa-e. Kar-e ndemeret mot mot kwaroso me, kat-nen idnak imiri mbarak pidnak wene-ge ndemeret mot mot-net yusu-o.

NDAWI ENGGA 51:14

Nimiri yoso Mbal Pem Nagawan wa-e. Wat yugwi elem inggiyapma-nen mengga keya nibi-o. Iri yugunmu, an-e nalen min-et kat-nen mot mot kwaroso wene-ge wigarimin-o.

NDAWI ENGGA 51:4

Ndemeret kat kimin, kat kimin nag-et meya kwarigi-o. An-e kat-nen meya-o luk yik kaso mende irit kwarigi-o. Iri bem-e kat-nen ap enpem wene konoso-ge mot mor-et mbenaroso me, kat-nen nebem angin worak pugun iri-ge il pem-et pugun-o.

YESAYA 45:16

Ininggi-nen kugwiwak ut memerak ndak witli nap oboksa-ge nggweyera innggiri wosa keya buwa-o.

YEREMIA 23:6

Nde, at-nen o tena worala-ge, Yewura nab-e inmiri yosolat, nde, Isarael nab-e kona yamuksa wolma-o. Nagawan iri na imin yogolar-e: ’Nagawan Indo iri-ge nit Ninmiri Yoso Nap-nen yusu-o’ luk yuwa-o” luk yij-o.

YEREMIA 7:19

Alat nde, iri kwatli iri-ge ndemeret an nindi kala keya bili-ge lag-o. It enambikpebe inndi nde kala keya bogolar-e, it nde innggiri kali-o.

YESKIEL 36:31

Kit-nen-e kit kenpage meya kwarugwi min kit-nen lugud tak kwarugwi min ereba na kinndi-ge yebet kagolug-e, kit-nen meya kwarugwi min meya emben to rak mende kwarugwi ereba na min kit kondomok kenambikpebe yik karug-e, sok wururak nggal yugub-o.

NDANIEL 9:14

Nagawan Indo Nenmbal Pem Nagawan wa-e. Lak tak onposo mende kat-nen lid lud tak pigen ereba na bem angin worak nenpem pigen-o. Kat-nen kwat ninpigen-e il pem lud tag-et kwat ninpigen-et nde, kat-nen yidnak wene-ge nir-e kwara kuligit lak yige-o.

NDANIEL 9:18

Mbal Pem Nagawan wa-e. Nit nenne kwara kuli-o. Kat-nen kwara yik neneyaruk, nit-nen andi bandi kali yeba-ge kwara lombot nonposolat, o siri kat kunu luk ’Kwendeknak uwi siri-o’ yugwi siri iri min-et kwara lombot pi-o. Nit-nen tepan kat kemengen mbatli-ge nit-nen konak kwaridnak pem-e lag-et nde, kat-nen kwara nunpud kaso iri na bem-net keram tepan yili-o.

NDANIEL 9:8

Nagawan Indo wa-e. Nit-nen idnak nagawan nagawan min nit-nen enne kulugwi nap min nonmborak min-nen-e it ondomok innggiri rak purak mende nak kwarogolat, kat kimin meya kwarogolat woragwi-o.

AMOS 9:9

An-nen ’Iri kwarurag-o’ luk wene wirik pumu, nggandum mbato ebe min abapno min lunugwi nggal, pil kagwi mende bem-nen Isarael nab-e pil kujwa-o. It ennggendumu ebe lak mende ereba na oboksa lena keya bosolar-e, it ereba na-ge nin nap ennggendumu naruk karuk tak inpimin-o.

OROMA 6:21

Nanduk kwarugwi bem iri nggal kwarige-o luk yawo kinnggiri kali na bem-e, onggo-ge no mende nde lesa wanigeb-o? Lag-o. Iri mende kwarugwi onggo-ge wat yugwi elem-nen yusu-o.

TUGURUK YIDNAK WENE 32:4

Nagawan Indo yongga kondoso amawi worak, yabu-ge mondok iminep mbarak nak wanosolat, at-nen kwaril mboroso oboksa-ge mot mot nak kwaroso. Mbal Pem Nagawan iri-ge mondok mot mot nak kwaroso, ap enmberam laso buk-nen yusu-o. Ar-e ndemeret mondok konak nak kwaroso.

TUGURUK YIDNAK WENE 4:27

Nagawan Indo-nen-e kir-e nin nap ennggendumu ndibi ndi rak konposolat, kit kennggendumu-ge ap mariget nak kunluk woragub-o.