NDANIEL 9:26 - Nanduk Ngget Tul Pidnak Wene

²⁶ Angin worak tarem ereya woraruk, worok yosola-ge, Mbal Pem Nagawan-nen lena pil lobok yidnak ap lit unpuruk noso nap iri na-ge ar-e meya kwarigit lag-et nde, wuruwa-o. Worogola-ge, nagawan misik-nen idnak esan ombo lobok yogolar-e, Yerusalem iri na min Nagawan Indo wi iri na min-e mondok ondoro min abu lak tak puwa-o. Iri kwatluk ombol nggwe-ge Mbal Pem Nagawan-nen ’Iri nggal-et kwaruwa-o’ luk lud tak pid iri na ndak ndag-et wim nab-e yi ebe nggal irit lobok yogolat inmin wim mborogolat, yigisa lak tak unpuwa-o.

NDANIEL 9:26 ပူးပေါင်းရင်းမြစ်များ

NDAWI ENGGA 22:15

noronggolem-e abu le yosolat, nama-ge namanggaruk pem panggara labuk yusu-o. Nagawan Indo kat-nen-e ap lugwinik nggal mbo nak nubusu-o.

YESAYA 28:2

Nagawan Indo-nen-e ap mondok amawi, umbunu worak misik pil lobok yuwa-o. Nde, lobok yosolar-e, kwegemereya puk kil lobok yosolar-e, o ngen min-et lobok yosolat, talme nggok mbosolat yi ebe mabunuruk mboroso nggal-et lobok yuwa-o. Iri yosolar-e, o monmon-nen nggweyakma landera mbud tak onposo nggal, at-nen enpem mbud ma-o.

YESAYA 28:22

An-e yi wi ndi wi oboksa meya rak purak wene Mbal Pem Nagawan Mondok Amawi Worak iri na-nen mbaridnak wene-ge kuligi-o. Iri ala-ge, kit-nen-e an-nen kinndi yeberak pusu wene yu-ge pusururak pug-o. Pusurugupmu-ge, kit-nen mengga mbururag-e mondok meya nde kwat ma-o. 28:23–29:24 ereya arem-e Mbal Pem Nagawan-nen at ilirak enpem mbud yurak wene min at ilirak inmiri yurak wene min urul pidnak wene mbarak worasu-o.

YESAYA 53:8

Ar-e tenaguruk, ebem wene mbenatlug-e, waruk mbirigarik, wiriga-o. Ap misiger-o luk tet at ambigit yigit lag-o. Ar-e nit nenlem nap-nen meya kwarugwi bem-et wat yij-o.

YESAYA 8:7

Iri kwatli iri bem-e Nagawan Indo an-nen-e Asiut nagawan min at-nen idnak esan ombo inmin inpil lobok yumu, Yewura nab-e enpem kore yuwa-o. It iri-ge Yi Eperat-nen ebe wasolat ogorak yebet yusu iri na nggal kobong yil lobok yogolar-e,

NDANIEL 9:27

Olengen tuju ereya arem woragolar-e, nagawan iri na-nen-e ap kwarat inmin kondosolar-e: ’An-e kinmin kundik irit woramin-o’ luk kundik wolmomtak wene irit yak unduwa-o. Ereya na woragolat olengen enggendumu-ge Mbal Pem Nagawan amanggim wam wosa kan pogolat, amanggim pogolat kwarugwi ereba na-ge lak tak puwa-o. Iri kwarosolar-e, at-nen-e unu-ge unmunggum lera mboso mende unu-ge meya, enlengen lamburak nak kwarugwi mende iri na Nagawan Indo ama iri na me puwama, pempa iri me meya kwat tenak irit worakmu, iri-net meya iri iri me puwa nap iri na amanggim Mbal Pem Nagawan-nen lak tak onposo mende at lak tak uburak lid lud tak pidnak iri na ebem mberak puwa kuri-net lak ma-o” luk yij-o.

OSEA 1:9

Nagawan Indo-nen an yak norosolar-e: ”Isarael nab-e an nilirag-e lak. An na it Enmbal Pem Nagawan-e lak me, la iri unu-ge ’An nilirag-e lak’ yari-o” yak nirij-o.

AMOS 8:8

Nggweyak min lele yosolat, ap oboksa-nen unmud-nen yane worogolat, o oboksa-nen ye le mbogolat, Yi Nil-nen kwaroso nggal-et nden penden mbuwa-o.

AMOS 9:5

Nagawan Indo Mondok Kek tak, Amawi worak iri na nen o yu sil kasola, o yu lele yosolat, o yu ebem woragwi nap oboksa-ge unmud-nen yip tuwa-o. Yi Nil-nen ebe kobong luk, leyok luk kwaroso nggal o yu-ge laruk mburuk kwat tenak wolma-o.

MATIUS 22:2

”Mbal Pem Nagawan-nen tenagaidnak wi-ge yu nggal-nen yusu-o: Nagawan misig-e at ambara na kwe wanosola-ge, nunggwi mende nggulok sagaij-o.

MATIUS 22:7

Iri kwarogola karuk, nagawan iri na-ge isilepma mondok kwarat luk, at-nen san winde na wirik enpamu mbirigarik, ap indiga nap ereba na mondok lak tak unpuruk, it unuwi siri na kan piga-o.

MATIUS 23:38

Yu nde ki-o. Kat kama-ge keya buwama, o wa nde ma-o.

MATIUS 24:2

Alama-ge, at-nen it yak ondosolar-e: ”Ye. Kir-e o yu pidsa kwara ker-o. An-nen yak kendeyeg-o: O yu worogolat kona mendagil laidnak kerep yeba-ge ebem lud lud misiget tet iniksa wolma-ge lag-o. Pidsa mijarak puwa-o” luk yij-o.

MARAKUS 13:2

Yosoloma-ge, Yesus-nen at yak tosolar-e: ”Kar-e o nggulok wiridnak yeba nde kasu-a? Kerep kona mendagil laidnak yeba-ge iniksa kona wolma bug-o. Pidsa mijara lak tak puwa-o” luk yak tij-o.

MARAKUS 13:7

Wim ngarogolat san ene tup min wim kirimbi min kulurug-e, wendet yurak pug-o. Iri-ge ndemeret kwat ma-t nde, worok tak purak tarem panggo yosolat-nen kwat ma-ge lag-o.

MARAKUS 9:12

Kin wok obogolikma-ge, Yesus-nen it yak ondosolar-e: ”Elia-ge yi mende ndi mende lid lud tak purak pem ndemeret at nandug-et lobok yuwa-t nde, Mbal Pem Nagawan engga mbarak pem-nen-e: ’Ap Ambara iri-ge yane kwarat worosolat, ap-nen pesel obogolat ma-o’ luk yidnak iri-ge ngge kwarag-o?

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

LUKAS 21:6

”Kir-e o yu kali yu-ge abog-e o yu worogolat kerep kona mendagil laidnak yu-ge iniksa wolma-ge lag-o. Mijara lak tak puwa-o” luk yij-o.

LUKAS 24:26

Abok lobok yuwa Kerisut-nen iri nggal nandug-e andi bandi karuk-net kek tak ubuwa bug-a?” luk yij-o.

LUKAS 24:46

yak ondosolar-e: ”Mbal Pem Nagawan engga bem-nen mbaridnak wene-ge yur-o: ’Kerisut na andi bandi karuk, mberen nene luk, kenan tak purak pem wat yidnak nap ennggenggerak-nen uruk ma-o.’

YOANES 14:30

Nggweyak yu tena woraso na panggo yusu me, wene mor-et yak kindimin pug-o. At iri-ge an nimin ndak ndag-e lag-o, teberak-net yusu-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

NGGALATIA 3:13

Alat nde, Kerisut-e imiri mbarak pidnak wene-nen imbiri lamut tak ninpidnak iri na inggiyem-nen nonnggo buruk weserak nenpeyekluk, nit nenmanggim imbiri lamut nde agaij-o. Mbal Pem Nagawan engga bem-nen yosolar-e: ”E bem panggarak inpidnak nab-e inmbiri lamut mag-o” luk yij-o.

1 PETERUS 2:21

Mbal Pem Nagawan-nen wene mbo kinpid iri-ge, kondogola, andi bandi kabokluk-nen wene mbo kinpij-o. Nde, Kerisut na kit kenmanggim-et andi bandi kagaid iri-ge at-nen kwarid iri karuk, at ijok pem mborobok-nen kwarid irir-o.

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.