NDANIEL 9:21 - Nanduk Ngget Tul Pidnak Wene

²¹ An tepan yosoma-ge, nanduk nabi nggal pem aid nap Nggabiriel kagi iri na-ge an nambigit pubu lobok yij-o. Iri kwarid iri-ge keyama nggwe Mbal Pem Nagawan amanggim wam wosa kan pugwi ndak ndak pem-et kwarij-o.

NDANIEL 9:21 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:29

It iri-ge ap kugwi enarem nggwidnak nap-nen kwarugwi nggal irit kwat tenak worakmu, o na-ge abu keyama yij-et nde, enne erep mariget tet mondok nggarigit lag-o. Mondok mariget tet yebet eneyagit lag-o.

1 NAGAWAN NAGAWAN-NEN KWARIDNAK WENE 18:36

Keyama-nen wam wosa Nagawan Indo amanggim kan pugwi ndak ndak keyama yij-o. Iri yosola, Mbal Pem Nagawan ene lomboksa yoso nap Elia iri na wam wosa kan pugwi ondoro iri na eralu panggosa lobok yosolat, tepan yosolat-nen yosolar-e: ”Nagawan Indo wa-e. Abarakam min Isak min Yakup min-nen kek tak kubugwi Mbal Pem Nagawan wa-e. Yawo-ge kar-e ndemeret Isarael nap Enmbal Pem Nagawan-nen yusu-o luk enaru rak pi-o. Nde, ndegel koboso nap an-nen kwarusu oboksa yeba-ge kat-nen yidnak pem-et kwarusu-o luk enaru mak-nen enaru rak pi-o.

NDAWI ENGGA 103:20

Kit kenmawi worak aid nap at-nen yidnak wene kologolat, kwarogolat yugwi nap wa-e. Nagawan Indo nak erembel waner-o.

NDAWI ENGGA 104:4

Nde, kat-nen-e o wija-ge kat-nen lena wirik pidnak nap nggal tak pusu-o. O pinel-e kat ndegel koboso nap nggal kwarak pusu-o.

YESAYA 6:2

Nde, urugup worak ndak worak pidnak mende kan ngen nggal kere kererak ereba-ge at eralu lop lop worak mendak eneyagi-o. Insiyamu-ge enariktak enam worak. Nde, insiyamu mberen-nen-e entare korakolat, insiyamu mberen-nen-e enpe muruk tak pogolat, insiyamu mberen-nen-e pubu mburugwi-o.

YESKIEL 1:11

Nde, it ondomok tak insiyamu misik iri na ondok min-nen yambuk kagolat, abam nggwe pil lasola-ge, insiyamu abi-ge it erep ponok ponok ereya na insiyamu abi min kwindik woragij-o. Nde, ondomok tak insiyamu misik iri na ondok min-e enpe nggitlik woragij-o.

YESKIEL 1:14

Nde, urugup worak ereba na-ge muma nggal ndag-et nak waring tenak worala kagi-o.

NDANIEL 10:10

Iri rak worasoma-ge, ininggi misik-nen sil neyagola, mendak nobogolar-e, ninggi min nuwok min-e nuwok tak puruk wam kwasa labuk yosolar-e, kwiye-nen lele yigi-o.

NDANIEL 10:16

Iri luk, aid nap ap enpage worak iri na-nen inggi an nemnde bem pij-o. Iri yosola, an-nen yak tosolar-e: ”Nab-o. Nabi nggal kagi iri na-nen ndowaga mondok namawi lak yusu-o.

NDANIEL 10:18

Iri yosolakmu, at inggi tuguruk an nebem pidnggal-e an namawi-ge siyak wok yij-o.

NDANIEL 8:16

An-nen kuliginggal-e Yi Ulai iri na eyak ele bem-nen ene nggoksa yosolar-e: ”Nggabiriel wa-e. At iri-nen nabi bem nggal kagaid iri-ge ebe-ge iri nggal-o luk kerengga yak ti-o” luk yij-o.

NDANIEL 8:18

Nggabiriel-nen an nimin wene yosola ereya na-net an-e nindi laksa worak woragi-t nde, at-nen-e ninggi waga mendak nibij-o.

MATIUS 27:46

Nde, jam tiga bem-e, Yesus-nen ene ngguloksa yosolar-e: ”Eli, Eli, lama sabaktani?” yid iri-ge ”Nambal Pem Nagawan wa-e. Nambal Pem Nagawan wa-e. Kar-e noluk keya nibigen-o?” luk yosolat-nen yij-o.

LUKAS 1:19

Yosoloma-ge, aid nap na-nen at yak tosolar-e: ”An-e Mbal Pem Nagawan ndegel oboso nap Nggabiriel-nen yusu-o. Mbal Pem Nagawan-nen konak wene yu yak kuruwakluk nibil lobok yamu-o.

LUKAS 1:26

Nde, Elisabet na abila luk, waneya enam worak puruk worasoma-ge, Mbal Pem Nagawan-nen-e Nggabiriel na-ge o Nggalilea nggweyak pem o Nasaret iri me ibil lobok yij-o.

YIDNAK YIDNAK WENE 10:3

Nde, misik tarem-e keyama jam tiga nggal pem ar-e nabi nggwe nggal nam-et yik kasolar-e, Mbal Pem Nagawan-nen idnak aid nap misik ama nggwarik-nen at yak tosolar-e: ”Korenelius wa-e” luk yak tosola kagaij-o.

YIDNAK YIDNAK WENE 10:9

Nene luk kub-e, kenan nap na tu mbiriga mbiriga o siri na koroga wok yil mborogola-ge, lenggesilmu jam duabelas nggal pem Peterus na-ge tepan yekluk o ngguwa bem lagaij-o.

YIDNAK YIDNAK WENE 12:7

Worakmu-ge, Nagawan Indo-nen idnak aid nab-e mimo nak men yosola-ge, eyaya-nen o kubu me iri na me yaya rak pij-o. Iri lug-e, at-nen-e Peterus na men makluk araptap lel kasolat-nen yak tosolar-e: ”Ndaget nak men min-o” luk yak tosola ereya na-net at inggi kamaridnak posid kere na-ge wosoksa mbij-o.

YIDNAK YIDNAK WENE 3:1

Misik tarem-e keyama jam tiga bem it tepan yugwi jam nak yosola-ge, Peterus min Yoanes min-e Mbal Pem Nagawan ama laiga-o.

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.

IBERANI 1:7

Nde, Mbal Pem Nagawan-nen-e at-nen idnak aid nap inmin yosolar-e, yu nggal yij-o: ”Mbal Pem Nagawan-nen-e at-nen idnak aid nab-e obube nggal ndak wat onposolat, at ndegel ubugwi nab-e kan mare nggal kwarak onposolat yusu-o” luk yij-o.

NAM PARA WENE 9:17

Nde, an-e nabi ngganggo nggal pem kasolar-e, kuda wam ereba na ombolwak pem kore yil lobok yiga nap yik eneyaginggal-e, it posid tagun yiriga iri-ge erare-ge mimi kan ngen (merah) nggal, kisikmbal (biru) nggal, ndagum ngen erare (kuning) nggal irit yirik kagi-o. Nde, kuda wam ereba na anggulwag-e singa ndakngge anggulwak nggal-o. Nde, emendam nggwe-nen-e kanduk min kule min kule emben meya (belerang) min mbirij-o.