NDANIEL 9:20 - Nanduk Ngget Tul Pidnak Wene

²⁰ An-e tepan kundugu woralar-e, an min an nelem nap Isarael nap min-nen meya kwarugwi ereba na-ge para yak tosolat, Nagawan Indo uwi marak iri na nanduk-nen woraso nggal tuguruk wuruwakluk Nagawan Indo Nembal Pem Nagawan emengen mbarosolat woragi-o.

NDANIEL 9:20 ပူးပေါင်းရင်းမြစ်များ

ESERA 10:1

Nde, Esera iri na yip tosolat-nen Nagawan Indo uwi iri na eralu-nen meya yidnak parosolat tepan yosola-ge, Isarael nab-e ap-nen kweyap-nen li marik-nen kwarat yip sa nggwa at eram ndok wiril lobok yiga-o. Lobok yogolar-e, at lop lop wiriga-o.

NEMIA 1:6

Yik niyi-o, Nagawan Indo wa-e. Kat ndegel kubugwi kilirak Isarael nap enmanggim kubu-nen lengge-nen kat keram tepan yusu yeba-ge kwara kuli-o. Nam-et para yak kereyeg-o. Nit Isarael nab-e ndemeret meya-t kwarige-o. Iri-nen an min nomborak min-e meya-t kwarige-o.

NDAWI ENGGA 145:18

At iri-ge ap-nen at eram wene mbo bogolat, ndemeret inndi-net at ebem nggi yogolat kwatli nap endam woraso-o.

NDAWI ENGGA 32:5

Iri ala karuk, an meya yidnag-e mbi kura bigit lak, oboksa kat kimbiri bem parigi-o. An-nen meya kwaroso mbi narem kura bigit lak yigi-o. An-nen-e: ”An meya yidnag-e Nagawan Indo eram pareyeg-er-o” luk parosola-ge, kat-nen-e an meya yidnag-e oboksa kamberam tak pigen-o.

YESAYA 58:9

Kit-nen nde an neram tepan yogola-ge, an-nen-e kenne erep nggarimin-er-o. Nde, kit-nen an neram wene mbo bil luwagola-ge, an-nen-e kenne kulimin-er-o. Kit-nen-e ab-e tuguruk lel mberel unpurak pug-o. Sirid mbarak woragwi min nobokpe kobokpe yugwi min-e mondok keya burag-o.

YESAYA 6:5

Iri ala karuk, an-nen yosolar-e; ”An-e mondok yawo-net lak yimin kagi! An-e wene meya nak yoso me, nemnde na emben torak. Iri-nen an na meya wene iri nggal nak yugwi nap ennggendumu-t woraso me-t nde, an nerengen-net Nagawan iri Nagawan Indo Mondok Amawi Worak iri na kagi yu-ge an-e yawo-net wat yimin kagi” luk yigi-o.

YESAYA 65:24

It-nen an neram tepan yogolat awo yak nirigit lak ma, an-e onggo yosolat, tepan woroksa yigit lak ma-net an-nen-e it enne erep nggarimin-o.

NDANIEL 10:12

Men yosolakmu, at-nen an yak norosolar-e: ”Ndaniel wa-e. Kwiye kasu-ge meyog-o. Kat-nen kindi nggat nggat worak kwat yurak pem ’nindi teberak peyeg-o’ luk yebet karuk, kindi teberak pigen iri na tarem-net kat-nen tepan yigen-e Mbal Pem Nagawan-e abu kolamu-o. Nde, an lobok yigi yu-ge kat-nen tepan yigen iri bem nibil lobok yij-o.

NDANIEL 10:2

Ereya tarem-e an-e minggu kenan yip pem nak woragi-o.

NDANIEL 9:16

Kar-e o nanduk ereba-net nit nenambigit nak yoso me, kisilepma Yerusalem ebem-e posolat wolmomtak pug-o. Yerusalem iri-ge kat kondomok kuwi siri min kondomok kondobo marak min-nen yusu-o. Nit min nonmborak min-nen meya kwaridnak iri na-nen ndowaga, nit nendam inggi inggi worali nap oboksa-nen-e kat kilirak min Yerusalem min yik eneyagolar-e, no mende nggal nde yik eneyali-o.

YIDNAK YIDNAK WENE 4:31

Tepan yogolikma-ge, it ndok worak woraiga o na-ge yuk lenak mbosolar-e, Konak Indi-ge it enarem yebet yosolar-e, Mbal Pem Nagawan-nen yidnak wene-ge kwiye lag-et yogolat woraiga-o.

OROMA 3:23

Ap oboksa-ge meya nak kwarugwi me, kek tak woraso Mbal Pem Nagawan na imin-e mbok tak woragwi-o.

YAKOBUS 3:2

Kit pidsa-ge pempa lugud tak nak kwarugwi-o. Ta-nen nde ene yoso bem meya kwaroso buk nab-e iminep mbarak-nen yusu-o. At iri-ge at ebe oboksa tena woraso-o.

NAM PARA WENE 21:10

Iri luk, Konak Indi an nebem mbosolar-e, aid nap iri na-nen wok nuburuk ndobo mondok mot misik pem nibil lagaij-o. Nibil laruk, at-nen-e Mbal Pem Nagawan-nen idnak o siri Yerusalem iri-ge Mbal Pem Nagawan eram aid arem-nen mbuwasola, mirik nibij-o.

NAM PARA WENE 21:2

Nde, an yik kaginggal-e, Mbal Pem Nagawan-nen idnak o siri Yerusalem ngget iri-ge Mbal Pem Nagawan eram aid arem-nen mbuwasola kagi-o. Nde, o siri iri mondok konidnak abage-ge kweyap ndugum-nen unun wanuwokluk inmirik unmuruk pugwi nggal-o.