NDANIEL 9:14 - Nanduk Ngget Tul Pidnak Wene

¹⁴ Nagawan Indo Nenmbal Pem Nagawan wa-e. Lak tak onposo mende kat-nen lid lud tak pigen ereba na bem angin worak nenpem pigen-o. Kat-nen kwat ninpigen-e il pem lud tag-et kwat ninpigen-et nde, kat-nen yidnak wene-ge nir-e kwara kuligit lak yige-o.

NDANIEL 9:14 ပူးပေါင်းရင်းမြစ်များ

ESERA 9:15

Nagawan Indo Isarael nap Nenmbal Pem Nagawan wa-e. Kar-e mondok lud tak nak kwaroso me, nit-nen kwarugwi bem nundurag-et nde, kat-nen-e nunluk keya nunpusu-o. Nit-nen meya kwarugwi-ge kimbiri bem patli-o. Nit-nen kat kerare bem wok momtag-e mondok meya-o” luk yij-o.

NEMIA 9:33

Kat-nen-e mot mor-et kwarosolat, nit meya kwarogola-ge, onggo angin worag-et nenpem pusu-o. Nir-e meya nak kobong tak woragola-t nde, kar-e mondok tugup lak irit kwaroso-o.

NDAWI ENGGA 111:7

Nagawan Indo iri-ge at-nen kwaroso-ge tugup lak mot mot nak kwaroso-nen yusu-o. At-nen ”Iri nggal kwarurag-o” yidnak wene-ge ap-nen ebem inndi wat tak puruk woragwi-nen yusu-o.

NDAWI ENGGA 116:5

Nagawan Indo iri-ge enabuwa kasolat, ndemeret mot mot kwaroso-net yusu-o. Nit Nenmbal Pem Nagawan iri-ge enabuwa kaso elem-nen yusu-o.

NDAWI ENGGA 119:137

Nagawan Indo wa-e. Kar-e ndemeret mot mot kwaroso me, kat-nen idnak imiri mbarak pidnak wene-ge ndemeret mot mot-net yusu-o.

NDAWI ENGGA 51:14

Nimiri yoso Mbal Pem Nagawan wa-e. Wat yugwi elem inggiyapma-nen mengga keya nibi-o. Iri yugunmu, an-e nalen min-et kat-nen mot mot kwaroso wene-ge wigarimin-o.

MBIRIGA WENE 9:27

Iri ala, Pirayon-nen Musa min Arun min wene mbo unpuruk-nen yak ondosolar-e: ”Yawo-n perak an-e ndemeret meya kwarigi-o. Nagawan Indo iri-ge ndemeret lud tak nak kwaroso-nen yusu-o. Nde, an min an-nen tenagidnak wi woragwi nap inmin-e ndemeret meya-t kwatli-o.

YEREMIA 31:28

Nanduk an-nen enlem kona keya bosolat, tud tak posolat, it yigisa keya onposolat kwareyekluk yik eneyarok woragi iri na nggal-et yawo na tuguruk mendak onposolat, tugup lak tak onposolat kwareyekluk yik eneyarok woramin-o.

NDANIEL 4:34

Nde, nagawan an-nen yosolar-e: ”Olengen tuju iri na worarug-e, an nerengen-e mbal lik kasola-ge, ap nindi kwat yij-o. Iri yosola-ge, Mbal Pem Nagawan Mondok Kek tak iri na kek tak obosolat, at pem-et woralik nalik woraso iri na erembel wanosolat kek tak pigi-o. Iri yosolar-e: Mbal Pem Nagawan-e pem irit nagawan wolma-o. At-nen tenagidnak wi-ge pem irit wolma-o.

NDANIEL 9:7

Nagawan Indo wa-e. Kat-nen kwaroso-ge pempa ndemeret mot mot lud tak nak kwaroso-nen yusu-o. Alat nde, nit-nen-e nondomok ninnggiri rak purak mende nak kwatli-o. Nde, iri kwarugwi iri-ge nit Yurea woragwi nap oboksa min Yerusalem woragwi nap min nit nenlem nap oboksa-nen tugup lak kat-nen yidnak yidnak kwarigit lak yidnak pem kat-nen-e o erepma min koroga min ndibi ndi rak inpigen irir-o.