NDANIEL 9:12 - Nanduk Ngget Tul Pidnak Wene

¹² Kat-nen-e nit-nen idnak nagawan min nit min ’Kwat kinpimin-o’ luk urul yak nindigen ereba na ndak ndag-et kwat ninpigen-o. Iri kwat nonposolar-e, nggweyakma yu me-nen mbi o siri misik mbi yu nggal-e kwat inpigit lag-et nde, Yerusalem nenpem-e mondok angin worak irit mberak pigen-o.

NDANIEL 9:12 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 3:9

Iri bem-e, Nagawan Indo wa-e. An-nen kat kilirak yu mot mor-et tena unpuruk woralat, konak min meya min weyarosolat worayek-nen kindi nggat nggat elem wok niri-o. Kindi nggat nggat elem nde wok nirigit lak-nen-e nggesa-nen kat kilirak kwarat yu nggal-e tena unpuruk woramin-o?” luk yij-o.

2 NAGAWAN NAGAWAN-NEN KWARIDNAK WENE 22:16

Nagawan Indo-nen yosolar-e: ”Nagawan-nen engga yanem wonarid iri ndak ndag-et an-nen-e Yerusalem min Yerusalem woragwi nap oboksa min-e mondok angin worak mende enpem pimin-o.

NDAWI ENGGA 148:11

Nagawan nagawan min ap enlem oboksa min nagawan-nen wigarak min o tena woragwi nap oboksa min

NDAWI ENGGA 2:10

Iri bem-e, nagawan nagawan wa-e. Kit-nen kwarogolar-e, kwara yebet karuk-net kwarogolat wolmer-o. O tena woragwi kenmawi worak nap wa-e. Kwara yebet ker-o.

NGGOMO WENE 8:16

Ap yok nggok min ap enlem kek tak min ereba-ge an-net yongga ondosola, o tena woragolat, mot mot kwarogolat yili-o.

YESAYA 43:28

Kit-nen idnak tepan ombo ereba na-nen-e an nuwi iri na-ge emben to rak pikma-o. Iri yogola karuk, Isarael nab-e pesel unpuwakluk keya unpukmu-o. Nde, Yakup-nen wigarag-e mondok lak tak unpuwakluk keya unpukmu-o” luk yij-o.

YESAYA 44:26

An ndegel noboso nap-nen yidnak wene-ge an-net amawi rak poso-o, Nde, an-nen wirik pimin nap iri na-nen ’Iri nggal kwarimin-o’ luk, nam tak pidnak iri na-ge an-nen kwarak poso-o. Nde, an-nen yosolar-e: ’O Yerusalem iri-ge tuguruk ap wolma-o. Nde, o Yewura siri iri-ge tuguruk mendak pil lobok yimin-o. Nde, o mijara tud yil lobok yid ereba-ge tuguruk nanduk woraso nggal tak pil lobok yimin-o’ yigi-o.

NDANIEL 12:1

Nde, aid nap sum linen sum yirik iri na-nen tuguruk yosolar-e: ”Iri tarem abog-e aid nap kek tak kit kenlem Isarael nap nggetlel kunpuruk woraso Mikael iri na wok ma-o. Iri luk imbirig-e anggun panggun wolmomtak tarem irit wok ma iri-ge ap nanduk woraiga ereba woragolat-nen enpem mboso nggal-e lag-o. Are, terak mena anggun panggun wolmomtak tarem irit wok ma-o. Alat nde, kit kenlem nap unnu Mbal Pem Nagawan engga bem mbarak worasu nab-e inmiri-t yuwa-o.

YOEL 2:2

Iri tarem-e mondok muruk tak, ndamuk mom ki irit ma-o. Nde, sil-e mondok kwarat ndobo bem nggan nggan langgurak ereba nggal-et lobok yuwa-o. Nde, sil ereba nggal-e nanduk woragolar-e, iri nggal-e mondok kagwi bug-o. Iri-nen abok na iri nggal-e mondok kwat ma bug-o.

AMOS 3:2

”Nggweyakma yu me-nen yi nap ndi nap oboksa ennggendumu-nen kit kenlem misiget yu nak perak an-nen kinmin kondosolat, lombot konposolat worasu-o. Iri-nen ndowaga kit-nen meya kwatli-ge meya nggog-et kwarogola karuk, ndemeret an-nen angin worak mondok kenpem pimin-o” luk yij-o.

MATIUS 24:21

Iri tarem andi bandi mondok nggulok kujwa iri-ge ndak worak pid kuri-nen yawo kuri-ge andi bandi iri mende-ge mondok kagwi bug-o. Abok na iri nggal tuguruk kujwa bug-o.

MATIUS 5:18

An-e ndemeret yak kundusu-o: Mbal min nggweyak min lak yigit lak ma-ge, imiri mbarak pidnak wene arem mbarid-nak hurup marik komosa min titik mariget ter-o luk min-e iri arem mbarid-nak wene mondok pidsa ndak tak pigit lak ma-ge mondok lag-e ma bug-o.

MARAKUS 13:19

Iri tarem-e andi bandi kagwi mende mbuma iri-ge nanduk Mbal Pem Nagawan-nen nggweyak yu ndak wiridnak kuri-net yawo kuri-ge andi bandi iri nggal-e kagwi-ge bug-o. Nde, woragolat nagolat na andi bandi iri nggal-e wok ma bug-o.

LUKAS 21:22

Iri kwaruwa tarem iri-ge it meya yidnak pem angin worak mende enpem mberak purak tarem-o. Nde, iri kwat unpuwa iri-ge Mbal Pem Nagawan engga bem-nen mbaridnak iri na ndak tak posolat-nen kwaruwa-o.

OROMA 15:8

Iri bem-e, yu yosolat-nen yigi-o: Kerisut-e Yawuri nap ndegel onposo nap kwat yid iri-ge, Mbal Pem Nagawan-e lud tak nak kwaroso-o mul ondosolat, Mbal Pem Nagawan-nen nit nenlawingga urul paga yak indidnak wene na ndak tak posolat-nen yij-o.