NDANIEL 8:4 - Nanduk Ngget Tul Pidnak Wene

⁴ Yik kaginggal-e lomba kusi iri na-nen-e anggul ambo Iri na-nen mo mboso (barat) nggwe ambigit min abare abam (utara) nggwe ambigit min abare ena (selatan) nggwe ambigit min anggul ambo-nen wiril lobok yosola kagi-o. Lok lok noso mende misiger-o luk mbi-nen lomba kusi iri imin pak turak na meya, iri-nen inggem mangga mbururak na meya irit kagi-o. Lomba iri-ge at indi-n pidnak nak kwarosolar-e, indi kek yij-o.

NDANIEL 8:4 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:11

Nde, iri nggal kwat ma-o luk urul pugwi nap ereba na ennggendumu-nen iri nggal kwat ma-o luk urul poso nap misik unu-ge Sendekia, Kenaana ambara iri na-ge posid mbesi bem-nen sapi anggul ambo nggal ereba na konosolat-nen Akap yak tosolar-e: ”Nagawan Indo-nen yosolar-e: ’Mbesi bem-nen konidnak sapi anggul ambo yeba nggal pem-nen nagawan kat-nen-e Siria nap ereba-ge enpem kore yosolat, yigisa lak tak unpugun-o’ yij-o” yak tij-o.

YESKIEL 34:21

Kit-nen-e lomba amawi lak ereba na pelek pelek tak pogolat, kenanggul ambo bem pelek kagola, lomba oro erep ereba na enggendumu-nen langgara wirik pigeb-o.

NDANIEL 5:19

Iri rak ebamu-ge ap enlem oboksa min ap enne lombok oboksa min at aye-nen lele yogolat woraiga-o. Nde, at-nen nde ap misik nde wururak perasolar-e, ap iri na-ge mondog-et woroso-o. Nde, at-nen ap misik imiri yurak perasolar-e, mondok imiri yoso-o. Nde, at-nen ap kek tak onposolat na, teberak onposolat na, at indi-n pidnak pem nak kwaroso-o.

NDANIEL 5:30

Nde, iri na tarem-et kubu-ge Mbabilonia Nagawan Mbelsiasat iri na-ge wiriga-o.

NDANIEL 7:5

Nde, lok lok noso misik imbirik iri na-ge isilepma worak mberuang ndakngge nggal mondok nggok irit kagi-o. Nde, iri-ge ijok mberen pem-nen mendag-o. Nde, uno ebelwak mbarak kenan eyakma puksa kagi-o. An kuliginggal mberuang ndakngge iri na yak tosolat, enne misik-nen yosolar-e: ”Kat-nen uno norak ala-ge, norak nag-o!” yak tij-o.

NDANIEL 8:7

Nde, lomba kusi iri na worosola, an yik karok worasoma-ge, kambing kusi iri na-nen isilepma min lomba kusi iri na ebem mbud yosolar-e, lomba kusi anggul ambo mberen ereya na-ge tenggerak pij-o. Iri rak posoloma-ge, lomba kusi iri na-ge kambing iri na wururag-e amawi lak yij-o. Iri kwasa wosa mbud tak puruk, ijok-nen lul lul worosola, ap misiger-o luk mbi-nen imiri yurag-e meya yij-o.

MIKA 5:8

Nde, Isarael nap-nen-e it unuwim nab-e urugwe nggwe rak unpuruk, it oboksa mondok yigisa lak tak unpuwa-o.

TUGURUK YIDNAK WENE 33:17

Yusup amawi iri-ge sapi kusi misik amawi nggal-nen yusu-o. Nde, at anggul ambo-ge sapi kusi erengen kege anggul ambo ponok nggwe iri nggal-e, Manase nap enpe kwarat (ribuan), nde, ponok nggwe nggal-e Eperaim nap kwarat, ribuan ombol nggwe terak minik iri ndak ndak-nen yusu-o. Anggul ambo iri na-nen kundugu onposolar-e, yi ap ndi ab-e yimik yaga inggi inggi rak onposo-o” luk yij-o.