NDANIEL 8:3 - Nanduk Ngget Tul Pidnak Wene

³ Nde, yi iri na eyak pem-e lomba kusi misik anggul ambo-ge mot mberen worak kagi-o. Nde, anggul ambo misik ponok nggwe iri na-ge emesiyag-et nde, misik iri na-ge ngget-nen mondok mot irit kagi-o.

NDANIEL 8:3 ပူးပေါင်းရင်းမြစ်များ

ESERA 1:2

Wirik posolar-e: ”Yu-ge Perisia nap Nagawan Kores-nen yidnak wene-o: Nagawan Indo Aid Arem Tena Woraso Mbal Pem Nagawan iri na-nen-e an-e yi wi ndi wi oboksa enanggul pem nagawan mendak nebamu-o. Mendak nuburug-e, Yewura nggweyak pem Yerusalem iri me at uwi wururak yabu-ge an nebem pamu-o.

ESET 1:3

Nde, Nagawan Agasuweros-nen o tena woralar-e olengen tiga iri bem-e at-nen-e at-nen tenagidnak wi arem woragwi ap yok nggok oboksa ereba na min ap yabu winde ereba na inmin norak nggok irit sagij-o. Nde, nggok sagidnak iri na me ndok worogolar-e, san ombo onowe nggok Perisia iri me woragwi min Meria woragwi min irit ndok wiriga-o. Iri na nggal-et ngguberenot min ngguberenot woragwi sa yabu ombo kek tak ereba na min-et ndok wiriga-o.

YESAYA 44:28

An-nen Kores yak tosolar-e: ’Kat-nen-e an nondolma sa nagawan woralar-e, an nindi-n pidnak ndak ndak kwarosolat woragun-o. O Yerusalem iri na tuguruk worosolat, Nagawan Indo uwi iri na ugwi bosolat yonokluk kebem pigi-o’ yak tigi-o” luk yij-o.

NDANIEL 10:5

Woralat-nen nerengen lik kaginggal-e ap misig-e usum-e linen-nen konidnak sum yirik, nde, ubugulwak kere-ge emas kopkap lak pem-nen konidnak irit logoksa yirik kagi-o.

NDANIEL 2:39

Alat nde, kat woragun kimbirig-e, nagawan misik men ma iri-ge kat-nen tena worasu yu nggal-e lag-o. At amawi-ge marig-et irit men ma-o. Nde, kenan tak posolar-e, at imbirig-e tembaga-nen konidnak kaigen iri ndak ndag-e nagawan misik men ma-o. Men yosolar-e, yi wi ndi wi oboksa tenaguwa-o.

NDANIEL 6:28

At iri-ge inmiri yosolat, wisirik onposolat kwaroso-nen yusu-o. Mbal pem-nen na irit, nggweyakma-nen na irit kwiye worak kwarosolat, kagwi buk mende kwarosolat yoso-o. Nde, Ndaniel-e singa emndam-nen imiri yij-o” luk mbarij-o

NDANIEL 7:5

Nde, lok lok noso misik imbirik iri na-ge isilepma worak mberuang ndakngge nggal mondok nggok irit kagi-o. Nde, iri-ge ijok mberen pem-nen mendag-o. Nde, uno ebelwak mbarak kenan eyakma puksa kagi-o. An kuliginggal mberuang ndakngge iri na yak tosolat, enne misik-nen yosolar-e: ”Kat-nen uno norak ala-ge, norak nag-o!” yak tij-o.

NDANIEL 8:2

Nde, nabi bem nggal-nen yik kasolar-e, an-e ngguberenot-nen tenagidnak wi Elam-nen Perisia iri me-nen o siri nggok Susan iri me worala kagi-o. An-e iri me woralar-e, Yi Ulai eyak pem mendak woragi-o.

NDANIEL 8:20

Kat-nen lomba kusi anggul ambo mberen kaigen iri-ge nagawan Meria min Perisia min-nen tenagidnak wi ut mimirig-et kaigen-o.

WONARIDNAK WENE 24:2

Isarael nab-e nembaga ereba me enlem pid pud unuwi lije wiril lobok yigarik, eneyagaij-o. Iri yosoma, Mbal Pem Nagawan Indi Mbileyam ebem mbuwasolar-e,

YOSUA 5:13

Nde, misik tarem-e Yosua-ge Yeriko koroga mbi me ereba worasolat-nen mimo yik kagaidnggal-e ap misik kabo lesa inggem tenaga irit at eram mendak irit kagaij-o. Karuk, Yosua-nen ap iri na eram panggosa lasolat-nen kin wok obosolar-e: ”Kar-e nit nap, lak? Are, wim nab-a?” luk yak tij-o.

NAM PARA WENE 13:11

Iri luk, an yik kaginggal-e, ndakngge isilepma worak misig-e nggweyak arem-nen nam yosola kagi-o. At iri anggul ambo-ge lomba wam marik anggul ambo nggal mberen kagi-o. Nde, at ene perak waro iri na ene nggal-o.

NAM PARA WENE 5:6

Iri yosola, an yik kaginggal-e, nagawan koreyak woraso ondoro iri na bem enggendumu-ge Lomba Wam Marik mendak kagi-o. Nde, mendak worala, untugup worak mende empat ereya na min enne kulugwi nap ereya na min-nen at iri na lop lop worak kagi-o. Nde, Lomba Wam Marik iri-ge abu wiridnak nggal irit kagi-o. Nde, at iri anggul ambo na tuju, erengen na tuju-nen yusu-o. Nde, anggul ambo tuju min erengen tuju min iri-ge Mbal Pem Nagawan indi tuju yi wi ndi wi oboksa wirik pidnak indi iri-net yusu-o.