NDANIEL 8:23 - Nanduk Ngget Tul Pidnak Wene

²³ Nagawan ereya-nen tenagidnak wi ereba na woroksiyem wok yosola-ge, meya kwarugwi-t mondok nggok ma-o. Meya kwarugwi nggok yosola-ge, ap nagawan wene koloso buk, ap enmberam laso misik men ma-o.

NDANIEL 8:23 ပူးပေါင်းရင်းမြစ်များ

NDAK WIRIDNAK WENE 15:16

Kat-nen wigarak komborag-e ap tab-e empat wat luk-nen it-nen ndaguwa iri-nen o yu me-ge tuguruk lobok yuwa-o. Nde, it Amori nap iri-ge it-nen meya kwarat kwarogola, enpem angin worak mende pigit lak awo worala-ge, wirik inpimin pug-o” luk yak tij-o.

NGGOMO WENE 1:6

Iri nggal kwarosolar-e, nggomo wene arem wene kura worasu ereba na-ge it enaru rak posolat, inndi nggat nggat worak nap nen enemndam nggwe-nen wirik pidnak wene ereba na enaru rak poso-o.

NDANIEL 10:14

Nde, an lobok yigi-ge kat kelem nap enpem abok kwat ma mende ereba na kwara karu rak peyekluk lobok yigi-o. Nde, nabi nggal pem yik kaigen yu-ge abok-nen kwat ma wene kaigen-o” luk yak nirij-o.

NDANIEL 7:11

An yik karok worasoma-ge, indi kek tak pogolat-nen yugwi wene-ge anggul ambo marik iri na-nen indi kek tak pem wene-ge kwarat wirik posola kuligi-o. Iri luk, imbirig-e lok lok noso mende empat tak posolat nam yid iri na-ge wutluk, wosa kanma pil nggwikma, kan-nen nuruk, lak tak pij-o.

NDANIEL 7:20

Iri-nen iri na anggulwak ambo sepulu ereya na min anggul ambo marik misik lasolar-e, anggul ambo kenan woraso ereya na pip konoksa mberak pid ereya na wene min anggul ambo marik iri na-ge erengen worak, emnde worak, indi kek tak pem wene wirik poso iri na-ge anggul ambo erep ereba na-ge aye lag-et nde, marik iri-ge yik kagolar-e, onowak min lera mboso kagi na min wene-ge naru yurak irit peragi-o.

NDANIEL 7:25

Nde, at iri-nen-e Mbal Pem Nagawan Mondok Kek tak iri na obok mbarosolat, Mbal Pem Nagawan ilirak anggun panggun tak unpuwa-o. At-nen-e imiri mbarak pidnak wene ereba na nden yaga nin tak posolat, Mbal Pem Nagawan ilirak-nen Nagawan Indo erembel wanogolat nggok sakwi tarem sakwi ereba na nden kudtak yebet kasolat ma-o. Iri kwarosolat, Mbal Pem Nagawan ilirak yemndak unpuruk woralar-e, olengen kenan tak puruk, misig-e ngaksa waneya enam irit wolma-o.

NDANIEL 7:8

Nde, an-e anggul ambo ereya na yik karok lombot posolat worasoma-ge, mimo ereya na-t anggul ambo ereba na enggendumu anggul ambo misik lagaij-o. Nde, anggul ambo iri-ge marig-et nde, iri na-nen wat kasolar-e, anggul ambo ereba na enggendumu kenan-e pip kona keya bij-o. Nde, anggul ambo marik iri na-ge erengen-e ap enlengen nggal-o. Nde, emnde nggwe-nen-e indi kek tak pem wene yosola kagi-o.

NDANIEL 8:22

Nde, anggul ambo nanduk iri na tengge yosola, anggul ambo empat lagaid ereya-ge Yunani nagawan-nen tenagidnak wi iri-ge menggesa empat kwat ma-o. Alat nde, ereya-nen-e nagawan nanduk woragid amawi nggal ndak ndag-e wolma bug-o.

NDANIEL 8:24

At iri-ge mondok amawi kwarat ma-o. Alat nde, at ondomok amawi-ge lag-o. At-nen-e lak tak onposo mende kwiye worak irit pil lobok yosolat, at-nen kwaruwa mende-ge oboksa ombol nggwe nak ma-o. At-nen-e enmawi worak nap min Mbal Pem Nagawan ilirak min-e mondok lak tak unpuwa-o.

NDANIEL 8:25

Ar-e indi tenggerak me, at-nen ap enmberam lasolar-e, mondok ombol nggwe nak yosolat wolma-o. Ar-e ondomok-nen kek yosolat, kirimbi yak indigit lak-nen ap kwarat lak tak onposolat wolma-o. Iri-nen nagawan mondok kek tak nggok iri na-t nde, kwiye lag-et imin wim mbaruwa-o. Alat nde, at yigisa lak tak puwa iri-ge ki nap enmawi bem-nen-e lak tak ubuwa bug-o.

WONARIDNAK WENE 24:24

Alat nde, Sipurus-nen wim koma ereba lobok yosolar-e, Asiut min Ebet min yemndak unpuruk wolma-t nde, abog-e wim koma iri na-ge mondok lak tak puwa-o” yij-o.

MATIUS 23:32

Iri ala-ge, kit konmborak-nen tel kwiriga yabu iri-ge kit-nen worok tak per-o!

1 TESALONIKA 2:16

Inmiri yurak wene-ge nit-nen enlem nin nap yak unduwa naru, it Yawuri nap-nen larok tak nunpuwokluk yiga-o. Iri nggal kwarogolar-e, it meya yidnag-e mondok kwarat ligik piga-o. Nde, yawo-ge Mbal Pem Nagawan isilepma-ge it enpem mondok pil mbuwasu-o.

1 TIMOTIUS 4:1

Konak Indi-nen mondok nam-et yosolar-e: ”Abok woragolar-e, ap ereb-e inndi angin tubu yidnak keya buruk, ap kabak tak unpugwi inndi langgal luk mborogolat, kugi-nen mul ondoso wene na langgal luk mborogolat yuwa-o” luk yij-o.

NAM PARA WENE 19:20

Ndakngge isilepma worak iri na tenakolar-e, at imbiri bem kwiye worak mende kwarid nap, enesiget Mbal Pem Nagawan ene lomboksa yoso nap iri na min tenaiga-o. (Nde, kwiye worak mende kwaridnak iri bem-nen ar-e ndakngge isilepma worak-nen idnak yenggerak purak mende enpem worak nap min ndakngge isilepma worak abage nggal ndak worak erembel waniga nap min onmbol pem lagaij-o.) Iri luk, ndakngge isilepma worak iri na min enesiget Mbal Pem Nagawan ene lomboksa yoso nap iri na min unluk nggengge emben worak kule (belerang) laso kan mare arem inpil nggwij-o.