NDANIEL 8:19 - Nanduk Ngget Tul Pidnak Wene

¹⁹ Mendak nuburuk, at-nen yosolar-e: ”Mbal Pem Nagawan isilepma yosolar-e, iri na-nen ndowaga abok-nen kwat ma mende-ge an-nen yak kirimin-o. Nde, kat-nen nabi bem nggal kaigen iri-ge abok-nen kwat momtak irit kaigen-o.

NDANIEL 8:19 ပူးပေါင်းရင်းမြစ်များ

NDAWI ENGGA 102:13

Kat abok ndirik yosolar-e, Sion abuwa yugun-o. Nde, at ubud kudtak tarem-e panggorak worasu-o.

NDANIEL 12:4

Iri yosoluk, aid nap iri na-net tuguruk yak norosolar-e: ”Ndaniel wa-e. Yawo-ge engga iri-ge lombok tak pi-o. Iri rak purug-e, lombok tak irit worasoma, i worok tak purak tarem wok makluk, lop nok tak pugwi mende lop nok tak pi-o. Nde, ap kwarat-nen: ’Kwat yusu mende ereba na-ge iri nggal kwat yusu-o’ luk, lombot pugwi wal kagolat wolma-t nde, it-nen iri kwaruwa ereba na-ge ebe-ge kwat ma bug-o” luk yak nirij-o.

NDANIEL 8:23

Nagawan ereya-nen tenagidnak wi ereba na woroksiyem wok yosola-ge, meya kwarugwi-t mondok nggok ma-o. Meya kwarugwi nggok yosola-ge, ap nagawan wene koloso buk, ap enmberam laso misik men ma-o.

ABAKUK 2:3

An-nen nam tak pimin mende-ge awo worasu me, engga bem mbarurag-o. Alat nde, iri kwaruwa tarem-e yanem-et wok ma-o. An-nen kat kimbiri bem nam tak pigi mende-ge ndemeret kwar-et ma-o. Yik kagolar-e, woraruk-nen kwat ma-o luk perali-t nde, mondok karok nak wolmin-o! Iri kwarurak tarem-e wog-et ma-o. Nimik tak puwa bug-o.

LUKAS 21:23

Iri kwaruwa tarem-e o yu ebem-e angin worak mende nggulok mbosolat, Mbal Pem Nagawan isilepma ap yu enpem mondok posolat ma me, kweyap enabila min li kamo mak undugwi kweyap min enpem mbuwa mende bem enabuwa-o!

NAM PARA WENE 1:1

Engga yu arem-e Yesus Kerisut-nen abok-nen kwat momtak mende nam tak pidnak wene mbarak worasu-o. Nde, yanem-et kwat ma mende iri-ge Mbal Pem Nagawan-nen at ndegel ubugwi nap mirik unpuwakluk, Kerisut wok tij-o. Nde, Kerisut-nen-e kwat ma mende iri na-ge at ndegel oboso nap Yoanes na mirik ubuwaklug-e, at-nen idnak aid nab-e Yoanes eram ibil lobok yij-o.

NAM PARA WENE 10:7

Alat nde, aid nap imbirik (yang ketuju) iri-nen oboba ene pu yuwa tarem-nen-e Mbal Pem Nagawan indi-n pidnak kura woraso na-ge at ndegel ubugwi nap, at ene lomboksa yugwi nap na urul yak indid na-ge iri tarem-et ndak tak puwa-o” luk yij-o.

NAM PARA WENE 11:18

Kat kisilepma nggilara mberak purak tarem wok yosolat, wat yidnak nap enpem wene mbarurak tarem wok yosola karuk, it Mbal Pem Nagawan enaru buk nab-e insilepma yili-o. Nde, kat ndegel kubugwi nap, Mbal Pem Nagawan ene lomboksa yugwi nap min kat kilirak, kat kaye kagwi nap oboksa nggok-nen marik-nen it onggo wok undurak tarem-e wok yij-o. It nggweyak ma yu lak tak pugwi nap lak tak unpurak tarem-e wok yij-o!” luk yiga-o.

NAM PARA WENE 15:1

Iri luk, an yik kaginggal-e, aid arem-nen kwiye worak mende nggok ija lombok misik kagi-o. Nde, iri-ge, aid nap tuju andi bandi mende woroksiyem tuju min irit kagi-o. Nde, yu-ge Mbal Pem Nagawan-nen at isilepma i worok worok mberak pil mbuma-o.

NAM PARA WENE 17:17

Iri kwaruwa iri-ge Mbal Pem Nagawan-nen at indi-n pidnak na ndak tak puwakluk, it inndi arem yabu wanosola, it inndi mondok misiget luk it-nen o tena woragwi amawi na-ge ndakngge isilepma worak na inggem piga iri-ge Mbal Pem Nagawan-nen yid na oboksa ndak tak puwakluk-nen kwariga-o.