NDANIEL 8:18 - Nanduk Ngget Tul Pidnak Wene

¹⁸ Nggabiriel-nen an nimin wene yosola ereya na-net an-e nindi laksa worak woragi-t nde, at-nen-e ninggi waga mendak nibij-o.

NDANIEL 8:18 ပူးပေါင်းရင်းမြစ်များ

NDAK WIRIDNAK WENE 15:12

Nde, keyama nggwe molengen wusa nggosola ereya na-ge Abaram na-ge mondok mondok nggaruksa nene yosoma-ge, mimo ereya na-net mondok indi kwiye ebem wok yij-o.

AYUP 4:13

Iri yosola, iri na-nen ndowaga an-e nggiringgendumu nabi meya karuk-nen kwarugwi nggal kwara nene yigit lak yigi-o.

YESKIEL 2:2

Nde, ene iri na kolosoma ereya na-net Mbal Pem Nagawan Indi-ge an narem nggosolar-e, nggwelsa mendak nibij-o. Iri luk, an-nen ene iri na-nen yosola kolosolar-e:

NDANIEL 10:16

Iri luk, aid nap ap enpage worak iri na-nen inggi an nemnde bem pij-o. Iri yosola, an-nen yak tosolar-e: ”Nab-o. Nabi nggal kagi iri na-nen ndowaga mondok namawi lak yusu-o.

NDANIEL 10:18

Iri yosolakmu, at inggi tuguruk an nebem pidnggal-e an namawi-ge siyak wok yij-o.

NDANIEL 8:17

Yosoloma, aid nap Nggabiriel an nerare bem mendak iri na neram panggosa lobok yosola-ge, an-e kwiye-nen-e mbud yigi-o. Nde, Nggabiriel iri na-nen an yak norosolar-e: ”Lak yoso nggweyakma nap wa-e. Nabi bem nggal kaigen iri-ge ’Abok worok tak posolat-nen kwat momtag-et kagi-o’ luk kar-e karu yurag-o” luk yak nirij-o.

NDANIEL 8:27

Iri luk abok nggwe-ge an-e namawi lak luk, kugwi neramu siyak woragi-o. Op luk, men yosolar-e, nagawan amanggim an nebem pidnak yabu ereba na wanigi-o. Iri yosolar-et nde, an-e nabi bem nggal kagi iri na ngge kagi-o luk yebet kerenak woragi-t nde, ebe-ge iri nggal-o luk mbi naru yigit lag-o.

LUKAS 22:45

Tepan yuruk tuguruk at owosirak na endam wagaidnggal-e, it na inndi puru kwarat yidnak me, nene yukmu eneyagaij-o.

LUKAS 9:32

Nde, iri tarem-e Peterus anggamirak inmin-e nene yiga-t nde, men yogolat-nen yik kaiganggal-e, Yesus na abinal worak mberen nap inmin irit mendak worakmu eneyaiga-o.

YIDNAK YIDNAK WENE 26:6

Nde, yawo-ge an nebem wene mbatli yu-ge, Mbal Pem Nagawan-nen nit nenlawingga tul paga yak indidnak wene na bem an nindi mbung mbung tak woraso ala-nen nebem wene mbatli-o.

NAM PARA WENE 1:17

Nde, an-nen at yik kaginggal-e, ap wat yidnak nggal luk, at eralu mbud yigi-o. Alat nde, at-nen at inggi kigit nggwe-nen an tena nuburuk, yak norosolar-e: ”Kwiye kasu meyog-o! An-e tel koroso min woroksiyem min-nen yusu-o.