NDANIEL 8:14 - Nanduk Ngget Tul Pidnak Wene

¹⁴ Yosoloma, kuliginggal-e, aid nap misik iri na-nen wene onggo yosolar-e: ”Iri-ge, 1.150 pem ereya woragolar-e, Mbal Pem Nagawan amanggim keyama wosa pugwi min kuplila wosa pugwi min-e pigit lak wolma-o. Nde, iri woraruk ombol nggwe-nen perak Nagawan Indo erembel wanugwi o iri na-ge tuguruk ngget tak puwa-o” luk yij-o.

NDANIEL 8:14 ပူးပေါင်းရင်းမြစ်များ

NDAK WIRIDNAK WENE 1:5

Iri rak purug-e, yaya na unu-ge ”Lengge” yarij-o. Nde, ndamuk iri na unu-ge ”Kubu” yarij-o. Nde, kubu woraruk, lak yosola-ge, lengge kwat yij-o. Iri-ge anggul anggul tarem-o.

YESAYA 1:27

Nagawan Indo iri-ge mot mot nak kwaroso me, at-nen-e Yerusalem min ”niri nera-o” luk kondok yili nap min-e inmiri yuwa-o.

YESAYA 45:25

Alat nde, Yakup-nen wigarag-e inmiri yosola, it-nen-e Nagawan Indo an nerembel wanuwa-o.

NDANIEL 12:11

O nda yidnak irit wosa Mbal Pem Nagawan amanggim wam wosa kan pugwi iri na lak tak puruk, unmunggum lera mboso mende unu-ge meya yigisa lak tak onposo mende iri na nggok tak puwa tarem-e 1.290 hari irit wolma-o.

NDANIEL 12:12

Nde, pempa tugup lak iri-net 1.335 hari irit wolma nab-e mondok enalen kagolat wolmag-o.

NDANIEL 12:7

Iri yak tosola-ge, aid nap iri na-ge inggi-ge mberensa mbal nggwe ligik puruk-nen yosolar-e: ”Kwat yoso mende kwiye worak ereba-ge olengen tiga setenga ereya bem-e kwat yosolat irit wolma-o” luk, Mbal Pem Nagawan pem irit woraso iri na owak mbarosola kuligi-o. Iri yosolat-nen yosolar-e: ”Mbal Pem Nagawan ilirak anggun panggun tak inpili iri keya bogola-ge, kwat yoso mende kwiye worak mende kwat yusu ereba min-et lak ma-o” luk yij-o.

NDANIEL 7:25

Nde, at iri-nen-e Mbal Pem Nagawan Mondok Kek tak iri na obok mbarosolat, Mbal Pem Nagawan ilirak anggun panggun tak unpuwa-o. At-nen-e imiri mbarak pidnak wene ereba na nden yaga nin tak posolat, Mbal Pem Nagawan ilirak-nen Nagawan Indo erembel wanogolat nggok sakwi tarem sakwi ereba na nden kudtak yebet kasolat ma-o. Iri kwarosolat, Mbal Pem Nagawan ilirak yemndak unpuruk woralar-e, olengen kenan tak puruk, misig-e ngaksa waneya enam irit wolma-o.

NDANIEL 8:26

Mbal Pem Nagawan amanggim keyama min kuplila min wosa purak wene nabi bem nggal kaigen wene kerengga kat yak kiriga iri na-ge ndemeret kwar-et ma-t nde, iri kwarurak tarem-e abok ereba-nen kwat momtak awo worasu-o. Iri ala-ge, iri wene-ge ap misiger-o luk mbi mondok yak undurak pug-o” luk yij-o.

NGGALATIA 3:8

Enlem nin nab-e inndi angin tubu yidnak pem-net Mbal Pem Nagawan-nen lud tak nak unpurak wene na awo ma-net aru luk, Mbal Pem Nagawan-nen at engga bem mbarosolar-e, aid wene-ge Abaram yak tosolar-e: ”Kat kebem-net yi nap ndi nap enlem pidsa-ge imbiringgat tak unpuwa-o” luk yak tij-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 12:14

Alat nde, kwe na-ge at ondoro karu me iri me pubu mburuwaklug-e, towe ud nggulok isiyamu mberen irit wok tij-o. Wok tamu, karu me waro na aye-nen iri me mberarik worasolar-e, Mbal Pem Nagawan-nen ndegel obosolat olengen kenan setenga (3 ½ tahun) irit woragaij-o.

NAM PARA WENE 13:5

Ndakngge isilepma worak iri emendam nggwe-nen-e at ambik kek yosolat, Mbal Pem Nagawan ebem imbiri lamut wene yuwakluk keya bosolat, at-nen o tena worasolat waneya empat pulu dua (42) nak wolmakluk Mbal Pem Nagawan-nen keya nak ibij-o.