NDANIEL 8:13 - Nanduk Ngget Tul Pidnak Wene

¹³ Iri luk, an-nen kuliginggal, aid nap misik-nen aid nap misik yak tosolar-e: ”Nabi nggal pem kasu ereba kwat tenak worasolar-e, nunggwirik tarem nggal wolma-o? Nde, o nda yidnak irit wosa Mbal Pem Nagawan amanggim wosa kan pugwi iri na meya nggok kwarogolar-e, nunggwirik tarem nggal wolma-o? Nde, san ombo aid arem woragwi min Nagawan Indo erembel wanugwi o iri min-e nunggwirik tarem nggal lul lul wat tenak wolma-o?” luk yij-o.

NDANIEL 8:13 ပူးပေါင်းရင်းမြစ်များ

YESAYA 28:18

Iri kwarosolar-e, kit-nen wat yugwi elem min ”Iri nggal kwat nunpurag-o” luk urul pigep min ap watluk ndok wiril mbugwi sa imin kinndi misiget tak pigep min ereba na-ge yugwi rugwi mbuwa-o. Iri yuwama-ge, lak tak onposo mende lobok yosolar-e, yigisa liring tak kunpuwa-o.

YESAYA 6:11

Yosoloma, an-nen kin wanosolar-e: ”Nagawan Indo wa-e. Yu nggal kwarogolar-e, nunggwirik tarem nggal kwat tenak wolma-o?” yosolakmu, at-nen yosolar-e: ”Iri nggal nag-et worakmu, o siri oboksa tud yil lobok yosolat, o oboksa kugun yosolat, nggweyak nak ngguru rak, amburu min lak yosolat ma-o.

YESAYA 63:18

Noluk-nen kat kuwim nab-e kat kuwi iri na unuwok liri rak pogolat, kat kondobo marak iri na kopkap tobok tak pogolat kwaruwakluk keya nak inpigen-o?

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

NDANIEL 12:11

O nda yidnak irit wosa Mbal Pem Nagawan amanggim wam wosa kan pugwi iri na lak tak puruk, unmunggum lera mboso mende unu-ge meya yigisa lak tak onposo mende iri na nggok tak puwa tarem-e 1.290 hari irit wolma-o.

NDANIEL 12:8

At-nen yid wene-ge ndemeret kuligi-t nde, ebe-ge iri nggal yosolat-nen yusu-o luk, yenggerak pigit lag-o. Iri ala, an-nen kin wanosolar-e: ”Nab-o. Ereba oboksa-ge lag-et ma, lak?” luk kin wanigi-o.

NDANIEL 4:10

Nde, kubu an nene yosoma-ge, e misig-e o nggweyak yu enggendumu-nen yagidnak kagi-o.

NDANIEL 4:13

Nde, an-e an-nen nabi kagi iri na nabi bem-net ngge kagi-o luk nindi yebet kerenak worasoma-ge, aid nap misig-e mondok lid lud tak puruk, erengen limbinil aid arem-nen mbuwasola kagi-o.

NDANIEL 4:23

Nde, nap kat-nen yik kaigen nggal, aid nap misik aid arem-nen mbuwasolat-nen yosolar-e: ’E iri-ge ndara mondok lak tak puruk, undugul nak keya ber-o. Nde, undugul iri na-ge mbesi min tembaga min-nen konidnak posid kere bem-et kamasa tusundumu ereba me keya ber-o. Iri rak pugupmu, lilangen ebem mbosolat, wam min lambuksa woralat olengen tuju wolmag-o’ luk yij-o.

NDANIEL 7:16

Iri ala karuk, an-e ap mendak worali ereba na misik eram mbirigirik, ”Nabi bem nggal kagi ereba na-ge oboksa ngge nggal kwarag-o?” luk kin wanigi-o. Kin wok obosola-ge, at-nen-e iri nggal-o luk mbena yak nirij-o.

NDANIEL 7:23

Nde, iri nggal-o luk yak niridnak wene-ge yu-o: ”Lok lok noso mende empat tak posolat nam yid iri-ge nggweyakma yu me nagawan empat men ma iri empat tak posolat nagawan men ma-nen yusu-o. Nde, at-nen tenaguwa wi-o it erep ereya ndak ndag-e lag-o. Arik tak irit wolma-o. At yu-nen tenagidnak wi iri-nen-e yi wi ndi wi oboksa yigisa aben nuruk keya bosolar-e, ereb-e ijok-nen lul lul wuruwa-o.

NDANIEL 9:27

Olengen tuju ereya arem woragolar-e, nagawan iri na-nen-e ap kwarat inmin kondosolar-e: ’An-e kinmin kundik irit woramin-o’ luk kundik wolmomtak wene irit yak unduwa-o. Ereya na woragolat olengen enggendumu-ge Mbal Pem Nagawan amanggim wam wosa kan pogolat, amanggim pogolat kwarugwi ereba na-ge lak tak puwa-o. Iri kwarosolar-e, at-nen-e unu-ge unmunggum lera mboso mende unu-ge meya, enlengen lamburak nak kwarugwi mende iri na Nagawan Indo ama iri na me puwama, pempa iri me meya kwat tenak irit worakmu, iri-net meya iri iri me puwa nap iri na amanggim Mbal Pem Nagawan-nen lak tak onposo mende at lak tak uburak lid lud tak pidnak iri na ebem mberak puwa kuri-net lak ma-o” luk yij-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 24:15

”(Engga yu wonarusu nab-e no yosolat-nen yij-o luk kwara yebet kudtag-o.) Nde, kit-nen yik kagolar-e, Mbal Pem Nagawan ene lomboksa yoso nap Ndaniel-nen: ’Iri nggal ma-o’ luk yidnak na ndak ndak tak posolar-e, lak tak onposo mondok meya mende iri-ge o marak ma iri me mendak worala yik kagupndig-e,

MARAKUS 13:14

Kit-nen yik kagolar-e, lak tak onposo mende meya na imiri worak at wolmomtak puk sa-t nde, men yosola kagub-o. (Engga yu kasu nab-e no yosolat-nen yij-o luk kwara yebet kudtag-o.) Iri tarem-e Yurea woragwi nab-e mondok kwiye ndobo bem mbururag-o.

LUKAS 10:22

An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.

LUKAS 21:20

Yuruk, Yesus-nen yosolar-e: ”Nde, wim nap san ombo-nen Yerusalem na kambuk tak pogola karug-e, Yerusalem na yawo-net lak tak puwa-o luk kenaru mer-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

TUGURUK YIDNAK WENE 33:2

”Nagawan Indo-ge Sinai ndobo bem-nen lobok yosolat, mo nggal o Erom ebem yemberak pij-o. At ilirag-e ndobo Paran pem-nen yaya rak inpij-o. At imin-e aid nab-e sepulu ribu (10.000) lobok yiga-o. Nde, inggi kigit ambigir-e kan amare yosolat woragij-o.

1 TESALONIKA 3:13

Nde, at-nen kit kinndi amawi rak posola-ge, nit Nenagawan Indo Yesus na at winde nap oboksa inmin luk lobok yuwa tarem-e kir-e Nineid Mbal Pem Nagawan imbiri bem-e kenpem kop kap lak, mondok marak nab-et worabog-o.

IBERANI 10:29

Nde, meya kwaridnak nap na iri nggal kwat unpugwi ala-ge, Mbal Pem Nagawan Ambara unuwok liri rak pili nap min Mbal Pem Nagawan-nen urul pidnak eyabi, at mbek tak ibidnak eyabi iri na te rak pusu nap min we wok ondoso elem wok nindid Konak Indi na meya rak puwa nap min enpem-e terak minik anggun worak mende ngge nggal kwasa enpem puwa-o?

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

YURAS 1:14

Aram-nen wigak yil yil ap tap tuju bem tak posolat-nen ndet yidnak nap Enok iri-nen it kwat unpurak urul posolar-e: ”Yu nde ker-o! Nagawan Indo-nen idnak marak aid nap kere mondok wonarurak puk (beribu ribu) na inmin luk lobok yosolar-e,

NAM PARA WENE 11:2

Alat nde, Mbal Pem Nagawan wi mborom mbepme nggwe iri-ge ndak wururak pug-o. Nde, iri me-ge Mbal Pem Nagawan enaru buk nap wok indidnak-nen yusu-o. Nde, iri me it-nen-e waneya empat pulu dua (42) woragolat-nen Konak O Siri iri me-ge unuwok-nen alabara keya bogolat wolma-o.

NAM PARA WENE 6:10

It iri-nen enne ngguloksa yogolar-e: ”Kamawi Mondok Kwarat worak, lenak irit woraso, lud tak nak kwaroso Nagawan Indo wa-e! Nunggurik woraruk-nen nggweyak ma woragwi nap enpem wene mbatluk, nit nindiga onggo pugun-o?” luk yiga-o.

WENE MBENARUGWI NAP-NEN KWARIDNAK WENE 13:18

Yosoloma, Nagawan Indo-nen idnak aid nap iri na-nen kin wok obosolar-e: ”No manggim kar-e an nunu yak kururak yusu-o? An nunu-ge Kwiye Worak-nen yusu-o” luk yak tij-o.