NDANIEL 7:9 - Nanduk Ngget Tul Pidnak Wene

⁹ Nde, an mondok yik kaginggal-e ap kek tak-nen koreyak woragwi ondoro siyak pogola yik kagi-o. Pogola-ge, pem-et uruk nak woraso iri na-ge ap kek tak-nen koreyak woragwi ereya na misik pem kore yosola, kagi-o. Nde, at iri usum min anggulsu min-e mondok loro yeben mbin nggal irit kagi-o. Nde, at koreyak woraso iri na min koreyak woraso ijok wukoma ijok nggal iri na min-e kanduk nggal kere yosolat, amare yirip wirip mbosola kagi-o.

NDANIEL 7:9 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

NDAWI ENGGA 90:2

Ndobo ndak wirigit lak ma, nggweyak min o yu min kwarak pigit lak ma-ge, kar-e woroksiyem na lak, tel kwiridnak na lak, kar-e pem irit woraso-nen yusu-o.

NDAWI ENGGA 93:2

Nagawan Indo wa-e. Kat-nen nagawan woraso kondoro-ge nanduk-net tugup lak woraso-o. Kar-e o ndak wirigit lak ma nanduk-net pem woraso-nen yusu-o.

YESAYA 6:1

Nde, olengen Nagawan Usia wat yid iri bem-e an-nen yik kaginggal-e Nagawan Indo kagi-o. Nagawan Indo-ge nagawan at-nen koreyak woraso mondok kek tak abinal worak iri na bem koreyak-nen usum leyok sum iri na-nen-e Nagawan Indo uwi iri na-ge yebet tak pidnak kagi-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YESKIEL 1:26

Nde, enanggul pem nenarak iri na bem-e kerep abinal worak loro bem-nen konidnak nagawan-nen koreyak woragwi ondoro nggal kagi-o. Iri na bem-e ap nggal misik koreyak kagi-o.

NDANIEL 7:13

Iri tarem kubu nabi nggal pem yik kaginggal-e ap nggal misik kagi-o. At iri-ge nggan nggan-nen lop lop worak irit lobok yarig-e, pem-et uruk nak woraso iri na eram wok yosola-ge, ”At yu na lobok yij-o” luk pem-et uruk nak woraso irit aru rak piga-o.

NDANIEL 7:22

Iri kwarosola-ge, at pem-et uruk nak woraso iri na lobok yarik, wene mbenarosolar-e: ”Mbal Pem Nagawan Mondok Kek tak iri na ilirag-e ndemeret mot mor-et yili-o” luk mbarij-o. Mbaramu-ge, Mbal Pem Nagawan ilirak-nen o tena wolmomtak amawi wanurak tarem-e wok yij-o.

MIKA 5:2

Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

ABAKUK 1:12

Nagawan Indo wa-e. Kar-e nanduk-net woraso Mbal Pem Nagawan-net yusu-o. Kar-e an Nembal Pem Nagawan mondok marak, pem irit woralik nalik woraso-nen yusu-o. Nagawan Indo kar-e Nenmbal Pem Nagawan nggetlel nuburuk woraso-nen yusu-o. Nde, Mbabilonia nap iri-ge kat-nen lenak unpuruk, nit angin worak nenpem puwakluk kat-nen enmawi worak tak inpigen-o.

MATIUS 17:2

Nde, it iri na enlengen ma-ge at na abage nin agaij-o. Iri yosolar-e, at erare-ge mo abinal nggal yaya worak yosolat, at usum-e loro lombok abina-nen igip kip worak agaij-o.

MATIUS 28:3

At erare-ge obinel nggal, at usum-e loro lombok ndugu ndugu nggal woragaij-o.

MARAKUS 9:3

Nin yosolar-e, usum na loro lombok abinal-nen igip kip worak agaij-o. Loro agaid iri-ge, nggweyak ma yu me ap misiger-o luk tet sum loro matluk iri nggal loro rak na pugwi bug-o.

YIDNAK YIDNAK WENE 2:30

Iri bem-e at Ndaud na-ge Mbal Pem Nagawan ene lomboksa yoso nap me, Mbal Pem Nagawan-nen owak mbatluk urul posolar-e: ’Kat-nen ndakun lolo misig-e an-nen nagawan tak pumu-ge, nagawan kat kore yoso ondoro ebem-et kore yuwa-o’ luk yidnak wene iri-ge Ndaud na aru woragaij-o.

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

1 TIMOTIUS 6:16

At arig-et nak wat yoso buk-nen yusu-o. Ap-nen panggosa eram wok yugwi buk yaya bem woraso-nen yusu-o. Ap misiger-o luk tet mondok eyagwi bug-o. Iri-nen na ap-nen at eyudtak na meya-o. At unu nak kek tak pugwi min at amawi min-e pem-et worasolat nasolat mag-o! Amen.

1 YOANES 1:5

At Ambara-nen yak nindidnak wene yu-ge nit-nen kit yak kindili-o. Nde iri-ge Mbal Pem Nagawan-e yaya-nen yusu-o. Nde, at ebem-e ndamuk mbi mondok lag-o.

NAM PARA WENE 1:14

At anggulsu-ge yi umngen amare nggal, ndugu ndugu nggal loro lombok woragaij-o. Nde, at erengen-e kanduk nggal kere kererak,

NAM PARA WENE 19:18

Nagawan nagawan min san winde enanggul pem nagawan nagawan min wim wari oboksa min inino min kuda wam min ombolwak pem koreyak woragwi nap min inino min ap oboksa ndegel unpugwi nap na, wisirik woragwi nap na irit, marik na nggulok na irit, it oboksa inino nabok-nen lobok yer-o!” luk yak tij-o.

NAM PARA WENE 20:4

Iri luk, an yik kaginggal-e, nagawan-nen koreyak woragwi ondoro kwarat kagi-o. Nde, ereba na bem-e ap enpem wene mbaruwakluk amawi wok indidnak nap yere kore eneyagi-o. Nde, tuguruk yik kaginggal-e, ir-e Yesus owene kinggiridnak pem-nen na, Mbal Pem Nagawan-nen yidnak wene timbiridnak pem-nen na unlusu mbaridnak nap inndi nde eneyagi-o. Nde, it iri-ge ndakngge isilepma worak min at abage nggal ndak worak na min erembel wanigit lak, it inmbiriwak pem-nen na, ininggi bem-nen na ndakngge isilepma worak-nen idnak yenggerak purak mende enpem pigit lak nab-o. It iri na unluk lug-e, olengen seribu (1,000) woragolar-e, Kerisut imin nagawan nggal wolma-o.

NAM PARA WENE 4:2

Ereya na-net Konak Indi narem nggwij-o. Nggosola-ge, yik kaginggal-e, aid arem iri me nagawan koreyak woraso ondoro mbi kagi-o. Nde, iri na bem-e ap mbi koreyak kagi-o.