NDANIEL 7:6 - Nanduk Ngget Tul Pidnak Wene

⁶ Nde, an-e kwara lombot posolat worasoma-ge, lok lok noso misik imbirig-et nam yij-o. Nde, iri abage-ge masan tutul iri-ge pus nggal nggok-net nde, erawak pem-e towe isiyamu nggal-et nde, isiyamu empat worag-o. Anggul na empat worag-o. Nde, yik kagolar-e, at iri-ge mondok amawi worak kek tak nggal-o.

NDANIEL 7:6 ပူးပေါင်းရင်းမြစ်များ

NDANIEL 10:20

Iri yak tosolakmu, at-nen onggo yosolar-e: ”An kat keram lobok yigi-ge erem-e iri bem-nen lobok yij-o luk kar-e karu, lak? An lobok yigi yu-ge Ndemeret Engga iri na bem mbarak worasu wene ereba na karu rak peyekluk-nen lobok yigi-o. Nde, yawo-ge aid nap Perisia iri me nggetlel unpuruk woraso iri na imin wim mbarurak mbirimin-o. Iri kwarimin imbirig-e Yunani nggetlel unpuruk woraso aid nap iri na lobok yuwa-o. Iri kwarosola-ge, misik-nen mbi an yongga nuruwa bug-o. Alat nde, kit Isarael nap nggetlel kunpuruk woraso aid nap kek tak Mikael nak-nen yongga nuruwa-o.

NDANIEL 2:39

Alat nde, kat woragun kimbirig-e, nagawan misik men ma iri-ge kat-nen tena worasu yu nggal-e lag-o. At amawi-ge marig-et irit men ma-o. Nde, kenan tak posolar-e, at imbirig-e tembaga-nen konidnak kaigen iri ndak ndag-e nagawan misik men ma-o. Men yosolar-e, yi wi ndi wi oboksa tenaguwa-o.

NDANIEL 7:4

Nde, nandug-et iri na abage-ge singa abage nggal-et nde, isiyamu-ge towe ud isiyamu nggal-o. Nde, an nerengen yik karok worasoma-ge, isiyamu iri na-ge konoksa mbij-o. Iri yosola-ge, at iri na-ge kudsa mendak pamu, ap mendak woragwi nggal mendak woragij-o. Iri rak purug-e, indi-ge ap inndi nggal irit wok tij-o.

NDANIEL 7:5

Nde, lok lok noso misik imbirik iri na-ge isilepma worak mberuang ndakngge nggal mondok nggok irit kagi-o. Nde, iri-ge ijok mberen pem-nen mendag-o. Nde, uno ebelwak mbarak kenan eyakma puksa kagi-o. An kuliginggal mberuang ndakngge iri na yak tosolat, enne misik-nen yosolar-e: ”Kat-nen uno norak ala-ge, norak nag-o!” yak tij-o.

OSEA 13:7

Iri bem-e singa-nen at naso mende yomndoso nggal yemen kinpimin-o. Ndakngge masan tutul-nen tulabiyem pak toso nggal kenabuwok tulabiyem pak timin-o.

NAM PARA WENE 13:2

Ndakngge isilepma worak kagi iri abage-ge macan tutul (singa wembebenggek) abage nggal, at ijog-e beruang ndakngge ijok nggal, isileb-e singa ndakngge isilep nggal irit kagi-o. Nde, waro nggulok iri-nen ndakngge isilepma worak iri wok tosolar-e, at ambik arong min at-nen idnak nagawan koreyak woraso ondoro min at-nen o tena woraso amawi min irit wok tij-o.