NDANIEL 7:1 - Nanduk Ngget Tul Pidnak Wene

^1-2 Nde, misik tarem kubu nggeret Nagawan Mbelsiasat iri na Mbabilonia nagawan men yid olengen iri bem-e Ndaniel an-nen nabi kasolat-nen nabi bem yik kagi-o. Nde, nabi kagi iri na-ge engga bem mbarigi-o. Nde, nabi kagi engga bem mbarigi na-ge yu-o: O wija ponok ponok, abare abam nggwe, ena nggwe, mo mboso nggwe, mo luwaso nggwe, mondok kwiye worak puk kasolar-e, iri-nen ndowaga yi koma nden penden kasolat, saberep mbaberep mbij-o.

NDANIEL 7:1 ပူးပေါင်းရင်းမြစ်များ

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

NDAK WIRIDNAK WENE 46:2

Iri rak puruk, nene yosoma-ge, kubu nggwe-ge Mbal Pem Nagawan-nen nabi bem Yakup yak tosolar-e: ”Yakup wa-e!” yosoloma-ge, at-nen yosolar-e: ”Nagawan Indo wa-e. An-e worasu-o” luk yij-o.

AYUP 4:13

Iri yosola, iri na-nen ndowaga an-e nggiringgendumu nabi meya karuk-nen kwarugwi nggal kwara nene yigit lak yigi-o.

YESAYA 30:8

Abok woragolat-nen it-nen meya kwarugwi-ge iri nggal-o luk enaru wolmomtak pem-e Mbal Pem Nagawan-nen-e an nimin yosolar-e: ”An nilirak-nen meya kwatli-ge engga misik pem mbari-o” luk yak nirij-o.

YESAYA 8:1

Nagawan Indo-nen an yak norosolar-e: ”Kar-e kerep abak nggok misik wanugundik, nam nggoksa-t mbarosolar-e: ’Ndag-et nak Mengga Wanugwi, Ndag-et nak Ndena Wanugwi’ irit mbari-o.

YEREMIA 23:28

Nde, an nene lomboksa yoso nap-nen nabi kasolug-e, ’We nabi kagi-o’ luk yurag-o. Nde, an-nen wene enpem pidnak nap-nen-e enpem pidnak ereba na-t ndemeret yak undurag-o. Nggandum mbato-ge ariwak min ndak ndak tak purag-e meya-o.

YEREMIA 36:32

Iri yosoloma, an-nen-e engga ket mbet nin misik waga an-nen idnak engga mbaroso Mbaruk iri na wok tigi-o. Wok tosolakmu-ge, an-nen nene bem yosola, engga nanduk iri na arem mbarid wene ereba na min iri-nen wene ereba na nggal wene erep yak niridnak min-et lombok tak paga mbarij-o.

YEREMIA 36:4

Iri bem-e an-nen-e Neria ambara Mbaruk iri na wene mbo ubukmu, Nagawan Indo-nen an yak nirid ereba na-ge oboksa nene bem yosolat, Mbaruk-nen-e engga ket mbet nggitlik iri na bem mbarij-o.

YESKIEL 1:1

Olengen tiga pulu iri arem waneya empat, tanggal lima iri-ge Yoyakin iri na mbo unpugwi sa ereba ibil mbirikma woralat olengen lima bem tak posoma-ge, Mbusi ambara tepan ombo Yeskiel an-e Yawuri nap erep mbo inpidnak ereba na inmin Mbabel iri me Yi Kebat eyak pem ereba woraige-o. Worakmu, mimo mbal tu kuwak yosolar-e, an-nen nabi nggal pem Mbal Pem Nagawan irit kagi-o. Nagawan Indo-nen an nimin wene yosola-ge, at amawi-ge an nebem mbosola kagi-o.

NDANIEL 1:17

Nde, Mbal Pem Nagawan-nen ap sujwe empat ereya na wok ondosolar-e, inndi nggat nggat elem min enaru yugwi elem min irit wok endamu, yi mende ndi mende elem pidsa kwara enaru yiga-o. Nde, erep Ndaniel wok tosolar-e, nabi bem nggal yik kagwi elem min nabi kaidnak iri ebe-ge iri nggal-o luk para yurak elem min irit wok tij-o.

NDANIEL 2:1

Nde, Nebukatnesat iri na nagawan menluk olengen mberen worasoma-ge, ar-e kabu nabi kagaij-o. Karug-e, ”Nabi iri-ge ngge kagi-o?” luk indi mbel tenak woralar-e, mondok nene yigit lak, uruk nak irit woragij-o.

NDANIEL 2:26

Yosoloma, nagawan-nen Ndaniel, unu misig-e Mbelsasat, iri na yak tosolar-e: ”Kar-e an-nen nabi kagi iri na ndindera yosolat, nabi ebe-ge iri nggal-o luk para yak nururag-e ndag-a?” luk yak tij-o.

NDANIEL 4:13

Nde, an-e an-nen nabi kagi iri na nabi bem-net ngge kagi-o luk nindi yebet kerenak worasoma-ge, aid nap misig-e mondok lid lud tak puruk, erengen limbinil aid arem-nen mbuwasola kagi-o.

NDANIEL 4:5

Alat nde, misik tarem-e an-e nene yosoma, kubu-ge nabi misik karug-e, wendet yosolar-e, nabi iri na bem nak nindi marok tenak worasolar-e, yamuksa woragit lag-o.

NDANIEL 5:1

Nde, misik tarem-e Nagawan Mbelsiasat-nen-e ap yok nggok nak enpe lambuksa seribu (1.000) irit at-nen nggok sagid iri na me lobok yurak yonggo unpuruk, anggut engen amburu ningga-o.

NDANIEL 5:22

Alat nde, at ambara kar-e iri kwaridnak wene-ge karu-net nde, kar-e kindi tebe yusu bug-o.

NDANIEL 5:30

Nde, iri na tarem-et kubu-ge Mbabilonia Nagawan Mbelsiasat iri na-ge wiriga-o.

NDANIEL 7:13

Iri tarem kubu nabi nggal pem yik kaginggal-e ap nggal misik kagi-o. At iri-ge nggan nggan-nen lop lop worak irit lobok yarig-e, pem-et uruk nak woraso iri na eram wok yosola-ge, ”At yu na lobok yij-o” luk pem-et uruk nak woraso irit aru rak piga-o.

NDANIEL 7:15

Nabi bem nggal ereba na yik kasolar-e, nindi kabak yosolat, mondok kwiye kwarat kagi-o.

NDANIEL 7:7

Nde, an-e yik karok worasoma-ge, empat pem tak posolat lok lok noso imbirik misik nam yij-o. Iri-ge mondok kwiye worak-nen amawi worak yik karug-e, enaboro min wat yoso irit nam yij-o. Nde, eyag-e nggok-nen mbesi amawi worak iri na bem-e at-nen wosa naso mende ereba na-ge leraben wanosolat ndamera lak tak pij-o. Iri yosolar-e, eyak ngen ereba na-ge ijok-nen lul lul wirij-o. Nde, iri-ge nanduk luwagid ereya na nggal-e lag-o. Iri-ge arig-et anggul ambo-ge sepulu worag-o.

NDANIEL 8:1

Mbelsiasat-nen o tena woralat olengen kenan tak posoma-ge, an-e mberen pem tak posolat nabi bem nggal yik kagi-o.

YOEL 2:28

”Iri kwatluk ombol nggwe-ge ap oboksa enpem nindi-ge nggilara mberak pil mbuwamin-o. Iri yosola, kin kinliap min kinligwami min-e an-nen enpem pidnak wene ap yak ondogolat, kit kennggendumu ap indi worak-nen-e nabi kagolat, sujwe-nen-e nabi nggal pem yik kagolat ma-o.

AMOS 3:7

Nagawan Indo Mondok Kek tak iri na-nen-e at-nen kwarurak piridnak iri na-ge at ndegel ubugwi ene lomboksa yugwi nap ereba kirimbi yak indigit lak-nen-e mondok kwaroso bug-o.

ABAKUK 2:2

Nde, Nagawan Indo-nen onggo-ge yu nggal yak nirij-o: ”An-nen kat kimbiri bem nam tak pimin mende-ge ap-nen ndag-et nak wonaruwakluk, kat-nen mimi nggweyak-nen konidnak mbarugwi kerep iri na bem mbari-o.

WONARIDNAK WENE 12:6

Nagawan Indo-nen yak ondosolar-e: An yak kindimin yu kwara koler-o! Kit kennggendumu nde an nene lomboksa yugwi nap nde woragola-ge, an-e nabi bem nggal at imbiri bem nam yaga mirik nobosolat, nabi nggal pem imin wene yosolat kwaroso-o.

OROMA 15:4

Mbal Pem Nagawan engga bem-nen-e ninndi luruk purak min ninndi tugup lak tak purak min mul nondosola, Mbal Pem Nagawan ebem ninndi mbung mbung tak wolmakluk mul nundusu me, Mbal Pem Nagawan engga bem mbaridnak wene pidsa nit mul nundurak pem mbariga-o.

2 KORINTUS 12:1

Wene yu-ge ebe lak mende-t nde, an-e mondok nindi kek tak posolat woramin-o. Alat nde, yawo-ge Nagawan Indo-nen wok norosola nabi nggwe nggal kaidnak min nam tak posola kaidnak min iri-ge yak kindimin-o.

NAM PARA WENE 1:19

Iri bem-e, kat-nen kasu mende, yawo-n worasu mende na irit, abok-nen kwat ma mende na irit, engga bem mbari-o.

NAM PARA WENE 10:4

Nde, o nggu tuju iri-nen wene yosola, ereya na-net wene iri na engga bem peyekluk yigi-t nde, an kuliginggal-e, aid arem-nen ene misik-nen yosolar-e: ”O nggu tuju-nen yidnak wene iri-ge kura pi-o. Engga bem purak pug-o!” luk yij-o.