NDANIEL 6:4 - Nanduk Ngget Tul Pidnak Wene

⁴ Iri yamu, Ndaniel-nen kwaridnag-e ngguberenot min it yik eneyarok woragwi nap erep ereya na min-nen kwarugwi nggal-e lak, mondok konak irit kagaij-o. Iri ala karug-e, nagawan iri na-nen-e at-nen tenagidnak wi ereba na enanggul pem tena unpuruk wolmomtak irit Ndaniel mendak uburak yebet kagaij-o.

NDANIEL 6:4 ပူးပေါင်းရင်းမြစ်များ

NDAK WIRIDNAK WENE 41:38

Iri luk, nagawan iri na-nen it yak ondosolar-e: ”Nit nennggendumu-ge ab-e Yusup ombol pem ap terak minik misik worasu-ge mondok lag-o. At yu nak perak Mbal Pem Nagawan Indi ebem worasu me, mondok ndak-nen yusu-o” yosoluk,

NDAK WIRIDNAK WENE 43:18

Nde, it yeba na wok unpuruk Yusup ama inmin nggosola-ge, kwiye kagolat-nen yebet kagolar-e: ”Nit yu me ninmin nggwili yu-ge nanduk lobok yigerik, mborogolat uang nunsum arem yarak kaige ereba na bem tena nonpogolat, nonowam kelerai wam min wanogolat, nit nenpe-ge it ndegel unpugwi nap kwarak nunpuwokluk-nen yili-o” luk peragolar-e,

YEREMIA 18:18

Ap ereba-nen yogolar-e: ”Yawo-ge Yeremia wuruwok-nen wene mbaruwog-o. Nde, Mbal Pem Nagawan imin wene yurak iri-ge at nak ndag-e lak-nen yusu-o. Pempa tepan ombo-nen na nit mul nondogolat, inndi worak nap-nen na nggomo nondogolat, Mbal Pem Nagawan-nen kwarurak nenpem pidnak wene na at ene lomboksa yugwi nap-nen na yak nondogolat worali yebar-o. Ap enpem wene mbenarugwi sa-nen Yeremia indi ngara keya buruk, ’Kat kene-ge kulul pug-o’ luk yuwog-o” luk yiga-o.

YEREMIA 18:23

Alat nde, Nagawan Indo kar-e it-nen an nuruwokluk yimniga-ge kar-e mondok karu-o. Iri bem-e, it meya yidnak kamberam tak posolat, it meya yidnak korak onposolat yurak pug-o. Kat kisilepma unpuruk-nen kwat onposolar-e, wosa mbud tak inpi-o” luk yigi-o.

YEREMIA 20:10

An-nen kolosolar-e, ap-nen nin me nan me yagap yagap wene bem yogolar-e: ”Kwiye nak ijak wosa labuk yusu-o! Iri ala-ge at owene-ge amawi worak nap iri nak yak til mburuwog-o!” luk yili-o. An nanggamirak nimin kundik woragwi nab-e an wosa mbuwa-o luk yik neyarok worali-o. It-nen yogolar-e: ”Erep-nen-e at iri-ge ombol pem lagolar-e, at-nen kwat nonposo ereba na kemnggo pogolar-e, at nde urugwe nggwe rak pul nde ma-o” luk yili-o.

NDANIEL 3:8

Nde, iri tarem-e Mbabel nap erep-nen-e nanongga Yawuri nap enare puwokluk tu kore yiga-o.

NDANIEL 5:12

At iri-ge mondok kwiye worak indi nggat nggat worak-nen nabi kaidnak ebe-ge iri nggal-o luk para yoso aru nap, kura wene-t nde, nam tak posolat, wene mondok nil kil tag-et nde, mondok konosolat kwaroso-o. At iri unu-ge Ndaniel-et nde, Nagawan Nebukatnesat-nen-e unu-ge Mbelsasat yarij-o. Iri ala-ge, at-nen engga mbarak iri-ge ebe-ge iri nggal yosolat-nen mbaridnag-o luk yak kuruwak-nen wene mbo ibi-o” luk yak tij-o.

NDANIEL 6:22

Iri yosola, Ndaniel-nen onggo yosolar-e: ”Nagawan kar-e pem irit kurug-et wolmin-o!

MATIUS 26:4

wene mbarogolar-e: ”Yesus-e nggesa-nen mbik mbok tenaga wurul-o?” luk wene mbariga-t nde,

MATIUS 27:18

Pilatus-nen iri yid iri-ge it enlengen ale Yesus ebem pogolat-nen at inggem tak piga iri-ge ar-e aru-o.

LUKAS 20:20

Iri ala-ge, at tenagurak tarem ndak makluk, enlengen waruk tak piga-o. Iri kwarogolar-e, Yesus-nen wene mbi mberak posola, iri na bem-nen at tenaga ap enpem wene mbaroso Gubernor na inggem puwokluk, imiri mbarak pidnak wene enaru nap min tepan omborak nagawan min-nen wirik onpogolar-e, enlengen enlengen yugwi nab-et nde, mot mot kwaroso nap nggal kwasa at kin wok ubuwakluk onggo wok unduruk wirik inpiga-o.

LUKAS 20:26

Ap kwarat ereba na inmbiri bem at are purak wene mbi mberak pigit lak ala-ge, at-nen mberak pidnak wene bem wi luk, puk nak yiga-o.

LUKAS 22:2

Nde, ap kwarat ereba na inndi aye-nen tepan omborak nagawan min imiri mbarak pidnak wene enaru nap min-nen-e Yesus wuruwokluk teberebe tu kore yogolat woraiga-o.

YOANES 19:4

Iri kwarukmu-ge, Pilatus na tuguruk mbepme mberarik-nen ap kwarat ereba na yak ondosolar-e: ”Nap tak wa-e. An-nen-e at yu-nen meya kwaridnak mbi kasu bug-o luk kenaru yobok-nen kit kendam pil wamin yur-o” luk yak indij-o.

2 KORINTUS 11:12

It na it-nen wirik inpidnak nap nggal kwatli nap iri-nen it unnu kek tak pogolar-e, nit-nen yabu wanili nggal it-nen na yabu iri nggal-et wanili-o luk yuwa naru, an-nen yawo kwarusu nggal iri nggal-et kwat tenak woramin-o.

PILIPI 2:15

Irit kwarugup ala-ge, kir-e meya mbi kwarugwi na lak, kinndi mot mor-et woragolar-e, lugud tak kwarugwi nap min nden penden kwarugwi nap min ennggenggerak-nen kir-e Mbal Pem Nagawan ilirak meya na yugwi buk nap irit woragub-o. It ennggenggerak-nen-e kir-e wonaru nggal, nggweyak ma yu me yaya rak pogolar-e,

1 TIMOTIUS 5:14

Iri bem-e, nit ninmin wim mbarak nap-nen nit nonpok pigit lak makluk, it togwe-net nde ndugum ala, ap wanuruk, inlirak ndaguruk, enma woragwi ndegel onpogolat wolmomtak iri-ge an-e nindingen-o.

TITUS 2:8

Kat kene eyak wurugwi nap-nen nit nonpok puwokluk yuwa-t nde, nit-nen yidnak yidnag-e konak nak ala, pesera mbuwakluk, kat-nen wene yosolar-e, kwalug-et ap-nen obok purak puk wene-t yurag-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 3:16

Alat nde, kinndi yanggonak, teberak pem-net kit kinndi mbek tak woragolat-nen wene onggo yurag-o. Iri kwarogola-ge, kir-e Kerisut ebem woragolat-nen konak nak kwarugwi me, kit konpok pili nap na innggiri ma-o.

WENE MBENARUGWI NAP-NEN KWARIDNAK WENE 14:4

Nde, Nagawan Indo-nen no bem-nen Pilisin nap inmin wim mbarurak? tu kore yosolat me, Nagawan Indo-nen Simson arem yabu wanosolat-nen kwarusu iri na-ge Simson eid ija-ge kabak woraiga-o. Nde, ereya tarem-e Pilisin nap-nen Isarael nap teberak unpuruk woraiga-o.

1 SEMUEL 12:4

ap ereba na-nen onggo yogolar-e: ”Nonmbo kar-e nenmberam lasolat, kamawi bem nenarengge lesa wanosolat iri nggal-e kwaroso bug-er-o. Ap misik arengge misik mesag-er-o tet mondok wanoso bug-er-o” luk yak tiga-o.

1 SEMUEL 18:14

Nagawan Indo-nen Ndaut yongga worasola-ge, Ndaut-nen kwaridnag-e ebe nak yosolat woragij-o.