NDANIEL 6:26 - Nanduk Ngget Tul Pidnak Wene

²⁶ Nde, iri rak purug-e, Nagawan Ndarius-nen engga mbara yi wi ndi wi worali nap enlem oboksa, enne lombok, enlem lombok enmanggim engga mbara wirik posolar-e: ”Naptak wiwa-o!

NDANIEL 6:26 ပူးပေါင်းရင်းမြစ်များ

ESERA 1:3

Nde, kit Mbal Pem Nagawan ilirak kwat yigep nap oboksa-ge Nagawan Indo-nen ndegel kunpuruk nuwag-o. Nde, kir-e tuguruk Yerusalem mburugupndik, Nagawan Indo Isarael nap Kenmbal Pem Nagawan Yerusalem woraso iri na uwi-ge tuguruk werer-o.

ESERA 7:21

Nde, yawo-ge nagawan an-nen tenagidnak wi o Eperat mo mboso (barat) nggwe ngguberenot woraidnak sa-nen tol tena worali nap kenpem wene yu pusu-o: Kek tak aid arem iri me woraso Mbal Pem Nagawan iri na-nen idnak imiri mbarak pidnak wene mondok kwarat aru nap tepan ombo Esera-nen nde nggi yidnak mende-ge mondok ndag-et nak yu nggal wok turag-o.

NDAWI ENGGA 119:120

An-e kat kaye-nen lele yosolat, kat-nen ap enpem wene nggaruksa mbarugun iri na bem nindi-ge purung purung yusu-o.

NDAWI ENGGA 146:10

Nagawan Indo iri-ge pem-et woralik nalik yoso Nagawan-nen yusu-o. Sion wa-e. Kembal Pem Nagawan iri-ge o tena worasolat mondok pem irit yi olengen ndi olengen lak yoso-nen yusu-o. Nagawan Indo nak erembel wanurag-o!

NDAWI ENGGA 2:11

Kwiye min-et Nagawan Indo nak kek tak eber-o.

NDAWI ENGGA 42:2

An-e Mbal Pem Nagawan uruk nak woraso iri na nere-nen nindi eberek yusu yu-ge mepme-nen at ama mbirimindik, erembel wanimin-o?

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

NDANIEL 3:29

Iri bem-e, ap enlem lombok min enne lombok min oboksa-nen Sanderak min Mesak min Abetnego min Enmbal Pem Nagawan iri na nde nggweyel puwa nab-e, mondok mbarep parep keya unpuruk, unuwi min mijara keya bosoma, tudsa owak nak nggururak wolma-o. Kugwiwak misik mbi-nen Mbal Pem Nagawan-nen inmiri yid iri nggal-e mondok inmiri yoso buk-nen yusu-o” luk yij-o.

NDANIEL 4:3

Mbal Pem Nagawan-nen kagwi buk mende kwaroso-ge mondok ija lombog-o! At-nen wi yurak mende kwaroso-ge wir-o! Mbal Pem Nagawan iri-ge nagawan irit men marik, pem irit woralik nalik irit wolma-o. Pempa woragolar-e, o tena wolmomtak amawi-ge at inggem nak irit wolma-o.

NDANIEL 4:34

Nde, nagawan an-nen yosolar-e: ”Olengen tuju iri na worarug-e, an nerengen-e mbal lik kasola-ge, ap nindi kwat yij-o. Iri yosola-ge, Mbal Pem Nagawan Mondok Kek tak iri na kek tak obosolat, at pem-et woralik nalik woraso iri na erembel wanosolat kek tak pigi-o. Iri yosolar-e: Mbal Pem Nagawan-e pem irit nagawan wolma-o. At-nen tenagidnak wi-ge pem irit wolma-o.

NDANIEL 6:20

O kil posola, Nagawan Ndarius na-ge men luk, ndag-et nak mberarik, mbun iri na me wok yil mbirij-o.

NDANIEL 7:14

At iri wok tosolar-e, kek tak obosolat, nagawan o tena wolmomtak amawi irit inggem pidnak me, yi nap ndi nap enlem oboksa, enne lombok, enlem lombok oboksa-nen at ndak ndegel obogolat woraiga-o. Nde, at-nen nagawan woralat, pem irit o tena wolma-o. Nde, o tena wolma iri na-ge mondok lak tak puwa bug-o.

NDANIEL 7:27

Nggweyakma yu me tena woragwi amawi min nggok kek tak woragwi oboksa min ereba na-ge Mbal Pem Nagawan Mondok Kek tak iri na ilirak wok unduwa-o. Nde, it-nen o tena woragwi amawi iri na-ge lak ma bug-o. Nggweyakma nap nagawan oboksa-ge tugup lak it nak ndegel onpogolat it-nen yidnak yidnak kwarogolat wolma-o” luk yak nirij-o.

OSEA 1:10

Nde, Isarael nab-e sisiri nggal kwat yogolar-e, ndak worogolat, wonarogolat yurag-e meya irit ma-o. Nde, yawo Mbal Pem Nagawan-nen it yak ondosolar-e: ”Kir-e an nilirag-e lag-o” luk yak undusu-o. Alat nde, abok at-nen yosolat: ”An-e kit Kenmbal Pem Nagawan nuruk nak woraso-nen yusu-o. Nde, kir-e an nilirak-nen yili-o” luk yurak tarem-e wok ma-o.

MALEAKI 3:6

Nagawan Indo-nen yosolar-e: ”An-e nin yoso buk Nagawan Indo-nen yusu-o. Iri bem-nen kit Yakup-nen wigarag-e mondok lak tak kinpigit lak worali-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

LUKAS 1:33

At iri-ge Yakup-nen wigarak nap ennggendumu nagawan irit pempa wolma-o. At-nen tenagaidnak wi-ge lag-e ma bug-o!” luk yij-o.

LUKAS 12:5

Nde, kit-nen aye kudtak nap perak mirik kenpeyeg-o. Kunduruk, kan mare arem mbo kunpurak amawi worak Mbal Pem Nagawan iri nak aye ker-o. Mondok aye kudtag-e Mbal Pem Nagawan-er-o.

YIDNAK YIDNAK WENE 17:25

At-nen-e ab-e ap pidsa unluk yaga wok ondosolat, indisep wok ondosolat, yi mende ndi mende wok ondoso me, at-nen lak mende mbi mondok lak me, ap ininggi-nen at ndegel uburag-e lag-o.

OROMA 9:26

Nde, ’Kir-e an nelem nap-nen yili-ge lag-o’ yak indidnak sa iri me-nen-e ’Kir-e urug-et woraso Mbal Pem Nagawan ilirak-nen yili-o’ luk yak unduwa-o” yij-o.

1 TESALONIKA 1:9

Are, iri wene kuliga nap it ondomok-nen kenggera yak nondogolar-e, nir-e kit kendam wok yogola-nen wok ninpigep wene min kit nanduk kugiwak kwarugwi keya buruk, nden karuk Mbal Pem Nagawan ambigit nggwe lobok yigep wene min ndemeret uruk nak woraso Mbal Pem Nagawan ndegel ibili wene min

IBERANI 12:29

Nde, nit Nenmbal Pem Nagawan iri-ge lak tak poso kanduk-nen yusu-o.

YAKOBUS 1:17

We wok ondoso mende konak iminep mbarak oboksa iri-ge teram nggwe-nen mberak pil mbuwasu iri-ge aid arem worasu yaya elem ndak worak pidnak Mbal Pem Nagawan-nen pil mbuwaso-o. Nin yoso buk Mbal Pem Nagawan-e nden karuk, lumurak nonposo buk-nen yusu-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 4:10

it enne kulugwi nap dua pulu empat (24) iri-nen-e nagawan koreyak woraso ondoro ebem koreyak worasu na eralu tud luk, urug-et pem woralik nalik wolma nap na erembel wanugwi-o. Iri luk, ontopi nagawan-nen pugwi pago ereba na-ge at koreyak woraso ondoro urugwe nggwe yonggora mbo bogolat-nen yogolar-e:

NAM PARA WENE 5:14

Iri yogola-ge, untugup worak mende empat ereya na-nen yogolar-e: ”Amin-o!” luk yogola-ge, enne kulugwi nap ereya na-ge tud luk, it entembel waniga-o.

1 SEMUEL 17:26

Yogola, Ndaut-nen yosolar-e: ”Elem nin nap Pilisin nap yu-ge Mbal Pem Nagawan Uruk nak Woraso-nen idnak esan ombo inmin amawi wal kudtak pem kwiye lag-et nggweyel unpusu yu-ge ngge-o?” luk at-nen san ombo misik kin wok obosolar-e: ”Pilisin nap iri worosola, Isarael nap pesel unpusu iri lak tak puwa nap iri-ge onggo-ge no mende wok tuwa-o?” luk kin wanij-o.

1 SEMUEL 17:36

Ndegel koboso nap an-e isilepma worak singa na irit mberuang na irit mondok worosolat woraso-o. Nde, Mbal Pem Nagawan aru buk Pilisin nap iri-ge kwiye lag-et Mbal Pem Nagawan Uruk nak Woraso iri na-nen idnak san ombo ereba na erengenma nggal tak unpusu me, singa ndakngge min mberuang min wurusu ereba na nggal-et mondok wirimin-o.