NDANIEL 6:20 - Nanduk Ngget Tul Pidnak Wene

²⁰ O kil posola, Nagawan Ndarius na-ge men luk, ndag-et nak mberarik, mbun iri na me wok yil mbirij-o.

NDANIEL 6:20 ပူးပေါင်းရင်းမြစ်များ

NDAK WIRIDNAK WENE 18:14

Nagawan Indo-nen-e kwarugwi buk mende-t nde kwarurag-e meya? Waneya sembilan woraruk, an-e lobok yimin-o luk urul pigi iri tarem-e Sara-ge la li ap mbi ndaguwa-o luk yak kirigi nar-o” luk yak tij-o.

NDAWI ENGGA 119:112

Kat-nen ”Kwarurag-o” luk nebem pigen ereba na ndak ndag-et kwat tenak irit worasoma, wat yimin-o.

NDAWI ENGGA 146:2

An nuruk woralar-e, Nagawan Indo nak erembel wanosolat, an woralar-e, Nembal Pem Nagawan nak ebem ndawi ngarosolat woramin-o.

NDAWI ENGGA 73:23

Iri nggal worasolar-et nde, an-e pempa kat kimin kundik worala, kat-nen-e ninggi kigit nggwe tena nuburuk woraso-o.

NDANIEL 3:15

Iri ala-ge, yawo-ge ndawi yogolat ene rak pugwi mende ene rak pogola, kuluruk ereya na-net kir-e emas-nen ndak wirigi iri na indipma yud tud mber-o. Kit nde iri kwarigit lak yogola-ge, mondok kan nggok mabidnak amare arem mbo kinpil nggurag-o. Iri kwat konposola-ge, no kugwiwak nggal-nen an ninggem-nen-e kinmiri yuwa-o?” luk yak indij-o.

NDANIEL 3:17

Kan nggok mabidnak amare iri arem-nen na irit, kat kinggiyapma-nen na irit, nit-nen erembel wanugwi Nenmbal Pem Nagawan iri-nen nde ninmiri yek nde yosolar-e, ndemeret ninmiri-t yuwa-o.

NDANIEL 6:16

Nde, ap ereba na nagawan eram tuguruk wok yogolat-nen yogolar-e: ”Nagawan wa-e. Meria min Perisia min-nen pempa kwarogolat wolmomtak watsa pidnak wene ereba na bem-nen nagawan kat-nen wirik pidnak wene-ge nden kalik penden kalik yurak wene-ge lag-o yidnak iri na kindi yebet ki-o” luk yak tiga-o.

NDANIEL 6:19

Iri rak purug-e, nagawan iri na-ge at woraso sa mberarik woralar-e, ar-e norak na meya, indi yamuk tak purak na meya, nde, kubu-ge nene yigit lak, uruk nak irit nene yij-o.

NDANIEL 6:26

Nde, iri rak purug-e, Nagawan Ndarius-nen engga mbara yi wi ndi wi worali nap enlem oboksa, enne lombok, enlem lombok enmanggim engga mbara wirik posolar-e: ”Naptak wiwa-o!

NDANIEL 6:27

An-nen tenagidnak wi worali nap oboksa yak kundusu-o. Ndaniel-nen erembel wanoso Mbal Pem Nagawan iri nak kek tak pogolat, indi aye worak wolmomtag-o. Nde, at iri-ge pem-et woralik nalik woraso Mbal Pem Nagawan-nen yusu-o. At-nen tenagidnak wi-ge lak yigit lak, pem irit wolma-o. At-nen tenagidnak wi-ge lak momtag-e meya-o. At amawi-ge mondok lag-e ma bug-o.

WONARIDNAK WENE 11:23

Yosoloma, Nagawan Indo-nen erep nggarosolar-e: ”An namawi-ge marig-et kasu-a? Kerengen wolmin-o. An yak kirigi iri-ge kwat yigit lak yosola kagun, lak?” yij-o.

LUKAS 1:37

Mbal Pem Nagawan-nen kwarurag-e pidsa ndak nak-nen yusu-o” luk yij-o.

LUKAS 18:1

At owosirak-nen inndi tugup lak woragolat, kundugu kundugu tepan yogolat wolmakluk, Yesus-nen mul ondosolar-e, nden karuk wene yu yak indij-o.

YIDNAK YIDNAK WENE 6:4

Nde, nir-e tepan nak yilik, aid wene mul indilik kwarogolat wulmul-o” luk yak indiga-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

2 KORINTUS 1:10

Wat momtak mende mondok meya iri eram-nen ninmiri yij-o. Nde, abok-nen na ninmiri-t yuwa-o. Nde, tugurug-et ninmiri-t yuwa-o luk at ebem ninndi mbung mbung tak worali-o.

KOLOSE 4:2

Tepan kundugu yogolar-e, kinndi na kwara kunluk woragolat-nen Mbal Pem Nagawan imin-e ”Wiwa-o” luk yak togolat wolmer-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

YAKOBUS 1:25

Alat nde, Mbal Pem Nagawan-nen yidnak wene iri-ge ap weserak unpurak amawi worak iminep mbarak wene-nen yusu-o. Nde, wene iri na kwara mbenarogolat, kwara yebet kagolat, kuluruk nak meme rak purak pem-e lag-o, are, iri-nen yidnak yidnak nak kwara kwatli nab-e at-nen kwaroso oboksa iri na bem-e Mbal Pem Nagawan-e imbiringgat tak ubuwa-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,