NDANIEL 6:10 - Nanduk Ngget Tul Pidnak Wene

¹⁰ Yogoloma-ge, Nagawan Ndarius-nen-e: ”Iri nggal-et kwarogolat wolmomtag-o” luk mbaridnak pem at inggi amburu pij-o.

NDANIEL 6:10 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:38

it-nen tepan yuwa-ge kat-nen kulurag-o. Nde, kat kilirak Isarael nap ennggendumu-nen nde ininggi kat kerembel wanugwi o yu ambigit ndimirik puruk inndi puru min-et kat kemengen mbarogola-ge,

1 NAGAWAN NAGAWAN-NEN KWARIDNAK WENE 8:44

Kat-nen kilirak wim timbiril mberer-o yak undugunmu, mburuwarik ereba ma-nen tepan yogola-t nde, kat-nen lenak pigen o siri yu ambigit unlugwe nirik puruk, an-nen kat kamanggim wirigi o yu ambigit tepan yogola-ge,

1 NAGAWAN NAGAWAN-NEN KWARIDNAK WENE 8:54

Salomo-nen Mbal Pem Nagawan amanggim kan pugwi eralu endaru yunggusa koreluk inggi teram nggwe ligik puruk tepan yu nggal yosolug-e, men yij-o.

ESERA 9:5

Nde, keyama Mbal Pem Nagawan amanggim wam wosa kan pugwi tel korogola-ge, an-e nindi abi kalok yosolat koreyak woragi sa-nen men yosolar-e, nusum ndelep pelep tak iri-net nerare nggwe tud yigi-o. Iri yosolar-e, ninggi-ge Nagawan Indo Nembal Pem Nagawan ambigit nuk kagi-o.

NDAWI ENGGA 34:1

An-e pempa ”Nagawan Indo nak wiwa-o” luk yak tosolat woramin-o. Pempa kundugu at nak erembel wanosolat woramin-o.

NDAWI ENGGA 95:6

Nir-e at erembel wanogolat, nentare nggwe tud yuwog-o. Nit ndak wat ninpid nap Nagawan Indo iri na eram nendaru yunggusa tud yuwog-o.

NDANIEL 6:13

Karug-e, it ereba na-ge Ndaniel obok waruk nagawan iri na eram mbirigarik-nen yogolar-e: ”’Tiga pulu tarem ya bem woragolar-e, kugwiwak emengen mbatlik, ki nap mbi enmengen mbatlik iri-ge mondok yurak pug-o. Are, nagawan kat nak kemengen mbarurag-o. Ta-nen nde wene mbaridnak iri na nde kwid tosola-ge, singa ndakngge emndam mbunmu mberak purag-o’ luk yidnak engga iri na bem kat-nen kinggi amburu pigen na-ge lag-a?” luk yiga-o. Yogola-ge nagawan iri na-nen onggo yosolar-e: ”Iri-ge ndemerer-o. Wene iri-ge tuguruk lak tak purak wene-ge lag-o. Meria min Perisia min-nen pempa kwarogolat wolmomtak watsa pidnak wene-net yusu-o” luk yij-o.

NDANIEL 9:4

Iri yosolar-e, an nelem nap-nen meya kwarugwi ereba na-ge para Nagawan Indo Nembal Pem Nagawan yak tigi-o. Iri yosolat, an-nen yosolar-e: ”Nagawan Indo kar-e mondok nggok ala karuk, nir-e kat nak kek tak kibili-o. Kat-nen ’Kwat kinpimin-o’ luk urul yak indidnak ereba na-ge ndak ndag-et kwat onposolat, kat kabuwa kagolat, kat-nen it enpem pidnak ereba na ndak ndak kwarogolat yugwi nab-e kat-nen-e pempa enabuwa kaso-o.

YUNUS 2:4

Nindi arem nak-nen yosolar-e, Nagawan Indo-nen-e at eram-nen langgara wirik nebamu me, at woraso sa at uwi marak iri na-ge an-e mondok tugurug-e kamin pug-er-o luk peragi-o.

MARAKUS 3:3

Yesus-nen inggi nggorak nap iri na yak tosolar-e: ”Enggendumu ya-t men min-o” luk yak tij-o.

LUKAS 14:26

”Ta-nen nde an neram lobok yosolar-e, at eid ija min ogwe la min owe owosi min at ondomok indi min isili rak pigit lak-nen-e an nimbirik noso nap momtag-e meya-o.

LUKAS 22:41

Yak unduruk, Yesus na it endam-nen mboksa mbirij-e kerep misik tarem mbising karuk yoboksa mboso ereya nggal mberarik, endaru yunggusa kore luk, tepan yosolar-e:

YIDNAK YIDNAK WENE 10:9

Nene luk kub-e, kenan nap na tu mbiriga mbiriga o siri na koroga wok yil mborogola-ge, lenggesilmu jam duabelas nggal pem Peterus na-ge tepan yekluk o ngguwa bem lagaij-o.

YIDNAK YIDNAK WENE 2:15

’It yu-ge anggut engen amburu ninggarik-nen inndi lak lak yili-o’ luk peraigep iri-ge lag-o. Yawo-ge kuplila jam sembilan-nen yusu-o.

YIDNAK YIDNAK WENE 20:24

Alat nde, an nondomok nindi abuwa marig-et tet kasu bug-o. Are, an nebem pidnak yabu iri na ndak tak posolar-e, Nagawan Indo Yesus-nen wok niridnak yabu iri-ge Mbal Pem Nagawan-nen we wok ondoso aid wene iri na konggorosolat-nen neyabu na worok tak purak iri perak nde ijar-o.

YIDNAK YIDNAK WENE 20:36

Wene iri yak unduruk yarig-e, endaru yunggusa kore luk, it pidsa inmin tepan yij-o.

YIDNAK YIDNAK WENE 21:5

Alat nde, nit wolmomtak yidnak na woraruk, ndak yosola-ge, nit na mburugwi iri na-t mbirige-o. Mborogola-ge, it pidsa onkwe la inmin-e o siri leget ombol nggwe ndimirik ninpil mbiriga-o. Mbirigerig-e, yi koma eyak pem wok yogolar-e, nendaru yunggusa kore luk, tepan yige-o.

YIDNAK YIDNAK WENE 3:1

Misik tarem-e keyama jam tiga bem it tepan yugwi jam nak yosola-ge, Peterus min Yoanes min-e Mbal Pem Nagawan ama laiga-o.

YIDNAK YIDNAK WENE 4:29

Nagawan Indo wa-e. Yawo-ge it enne amawi min-et watsa yak nindidnak wene iri-ge yebet ki-o. Yebet karug-e, kat ndegel kubugwi nap nir-e kat-nen yidnak wene yik tenak wolmok-nen kwiye kagwi buk elem wok nindi-o.

YIDNAK YIDNAK WENE 5:20

”Kir-e mburugupndig-e, Mbal Pem Nagawan ama-nen menluk, unluk wolmomtak wene ngget yu ndegera ap kwarat yak ondogolat wolmer-o” luk yak indij-o.

YIDNAK YIDNAK WENE 5:29

Yak ondosoloma-ge, Peterus min wirik inpidnak nap erep min-nen wene erep nggarogolar-e: ”Nit-nen-e mondok Mbal Pem Nagawan-nen yidnak yidnak nak kwarul-o. Nde, ki nap-nen yidnak yidnak kwarurag-e meya-o.

YIDNAK YIDNAK WENE 7:60

Yurug-e, ar-e endaru yunggusa kore yosolat-nen at ene ngguloksa-t yosolar-e: ”Nagawan Indo wa-e. It meya yidnag-e it enpem keya burak pug-o” yurug-e, wat yig-o. 8:1a Nde, Saulus-nen perasolar-e: ”Sepanus iri-ge ob-et witli-o” luk peragaij-o.

YIDNAK YIDNAK WENE 9:40

Alat nde, Peterus-nen it pidsa mbepme wirik unpuruk, endaru yunggusa kore luk, tepan yij-o. Tepan yuruk, at orogak ambigit nggwe nden kasolat-nen yak tosolar-e: ”Tabita wa-e. Men yi-o” luk yak tosoloma-ge, kwe na erengen penggesa Peterus na yik kasolug-e, kore yij-o.

EPESUS 3:14

Iri ala karuk, an-e Nineid eram nendaru yunggusa koreluk, tepan yusu-o.

PILIPI 1:14

Nde, kere kamat nibidnak na bem-nen-e nennggamirak erep kwarat-nen-e Nagawan Indo ebem ala, ebem lud enmawi kunduruk, Mbal Pem Nagawan-nen yidnak wene-ge mondok kwiye lag-et ap yak indili-o.

PILIPI 1:20

Nde, an-e neyabu wanidnak pem ninggiri lag-et teyeg-o luk, nindi kundugu nindi bem mbung mbung tak worasu-o. Alat nde, nanduk woragi kuri, yawo-nen na an nebe yu bem-nen Kerisut unu kek makluk, nuruk wolmomtak na, wat momtak na, an-e mondok kwiye lag-o.

PILIPI 4:6

Yi mende ndi mende bem-e kunmud kudtak pug-o. Alat nde, tepan yogolar-e, kit kinndi kabak yidnak mende-ge Mbal Pem Nagawan nggi yak togolar-e, pempa pempa ”Wiwa-o” yak togolat-nen nggi yugup na-e.

KOLOSE 3:17

Yi kwatlik ndi kwatlik kwarogolat na, yi wene ndi wene yogolat na, Nagawan Indo Yesus unu bem-net iri pidsa kwarogolar-e, at ebem-nen Nineid Mbal Pem Nagawan imin-e ”Wiwa-o” luk yak togolat woragup na-e.

IBERANI 13:15

Iri bem-e Mbal Pem Nagawan amanggim wam wosa pidnak nggal pogolar-e, Yesus ebem-nen nir-e pempa Mbal Pem Nagawan erembel wanogolat wolmog-o. Nde, at amanggim pogolar-e, nit nenemnde nggwe-nen at unu luk, at unu pempa kek tak pogolat wolmog-o.

IBERANI 4:16

Iri bem-e, Mbal Pem Nagawan indi op koreyak worasu sa at eram wok yogolar-e, ninndi kwiye lag-et wok yuwog-o. Nit nenabuwa kasolat, nit ninndi kabak yidnak tarem-nen we irit yongga nunduwakluk wok yuwog-o.

NAM PARA WENE 2:10

Kit andi bandi rak kunpurak yanem-et kenpem mbuma mende iri-ge kir-e kwiye kudtak pug-o. Kenaru wolmer-o. Kinndi ngaruwakluk, kit kennggendumu ap ereb-e Sere-nen o kubu me kinpil ngguwa-o. Kinpil ngguwama, andi bandi kagolat sepulu tarem woragub-o. Nde, kinndi angin tubu yigep na-ge keya bigit lak, tena iri-net wat yurag-o. Iri yugup pem-e kit-nen ombol nggwe yugup onggo-ge kunlug-et wolmomtak wirik wok kindimin-o.

NAM PARA WENE 2:13

Kit worali sa iri-ge an-e naru-o. Sere-nen tena woraso sa iri me-t worali-t nde, kir-e an puksa tena nuburuk worali-o. An-nen yidnak wene mot mot nak konggoroso nap Antipas na-ge kit kennggendumu-nen Sere woraso sa iri me-nen wiriga-t nde, kir-e kinndi an nebem angin tubu yidnag-e keya bigit lag-o.