NDANIEL 5:23 - Nanduk Ngget Tul Pidnak Wene

²³ Nde, nap kar-e kindi kek tak posolat, Nagawan Indo aid arem woraso iri na tebe rak posolar-e, kar-e kwiye lag-et Nagawan Indo ama woraso waruk lobok yidnak embe ereba na waruk nggumer-o yosoluk, kat min kat-nen idnak ap yok nggok min kogwerak min ndegel kubugwi kweyap kat-nen inmin woraso ereba min kit-nen embe ereba na bem-nen kenangga ninggeb-o. Iri kwarosolar-e, kar-e emas min perak min tembaga min mbesi min e min kerep min pem-nen konidnak kugwiwak, erengen-nen na kaso buk, eyanggo-nen na wene koloso buk, indi-nen na yebet kaso buk ereba na erembel wanigen-o. Iri yosolar-e, nap kat kuruk wolmomtak min wat momtak min kat-nen wolmomtak tula min imineb-e at inggem nak worasu Mbal Pem Nagawan iri na-ge kar-e kek tak pigit lak yigen-o.

NDANIEL 5:23 ပူးပေါင်းရင်းမြစ်များ

NDAK WIRIDNAK WENE 14:19

Abaram na imbiringgat tak obosolat-nen yosolar-e: ”Mbal Pem Nagawan Mondok Kek tak mbal min nggweyak min ndak worak pid iri na-nen Abaram kimbiringgat tak kubuwag-o!

NDAK WIRIDNAK WENE 2:7

Nde, mbi tarem-e Nagawan Indo Mbal Pem Nagawan-nen nggweyak marig-et waga yarik, kona keya buruk, ap mbi ndak worak pij-o. Ndak worak purug-e, uruk makluk indisep ap na abiru nggwe pu yaga pil nggosoloma-ge, ap na-ge uruk yij-o.

AYUP 31:4

Mbal Pem Nagawan-e mondok ndemeret an-nen kwaroso-ge mondok aru worasu-o. An-nen nuwok pil lasu-ge mondok kasu-o.

NDAWI ENGGA 104:29

Kat-nen nden karuk, kombol wok ondosola-ge, ir-e kwiye kwarat yili-o. Kat-nen indisep wanosola-ge, ir-e wat yogolar-e, tuguruk ondolma nggweyak kwat yili-o.

NDAWI ENGGA 115:16

Mbal iri-ge Nagawan Indo arengge-t nde, nggweyak perak nggweyakma nap wok endamu-o.

NDAWI ENGGA 139:3

Kar-e an-nen yabu wanusu na, an-nen nebabok kwarusu na oboksa neyasu-o. An-nen kwaroso oboksa kar-e mondok karu-nen yusu-o.

NDAWI ENGGA 146:4

It wat yogolar-e, tuguruk nggweyak kwat ma-o. Wat yogolar-e, it-nen kwarurak yemnak pidnak oboksa ereba na min-et lak ma-nen yusu-o.

NGGOMO WENE 20:24

Nagawan Indo-nen-e nggweyakma nap-nen nogolat wolmomtak iri-ge kuri wosa bamu-o. Iri bem-nen nggweyakma nab-e it-nen wolmomtak tula-ge yebet kali bug-o.

YESAYA 33:10

Nagawan Indo-nen ap enlem iri na yak ondosolar-e: ”Yawo-ge an-e men yosolat, namawi nuk kamin-o.

YESAYA 42:5

Nagawan Indo Mbal Pem Nagawan-nen-e mbal ndak worak puruk, yemara bij-o. Nggweyak na at-nen kwarak puruk, ebem yak yoso mende min-et kwasa bij-o. At-nen-e nggweyakma nab-e unluk tak poso inndisep min inndi min wok indij-o. At-nen-e at ndegel oboso nap iri na ebem wene posolat-nen yosolar-e:

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

NDANIEL 8:11

Iri-nen at-nen-e aid arem woraso san ombo onowe iri na min-et ebem mbud yij-o. Iri yosolar-e, o nda yidnak ndak wosa aid arem woraso san ombo onowe iri amanggim wosa amanggim pugwi ereba na tet lak tak posolat, at erembel wanugwi o iri na tet tud tak posolat kwarij-o.

ABAKUK 2:4

Kenaru wolmer-o. Meya kwarugwi nab-e inmiri yuwa bug-o. Alat nde, Mbal Pem Nagawan indi-nen pidnak kwat tenak worasu nab-e at-nen tugup lak Mbal Pem Nagawan-nen yidnak yidnak kwat tenak worasu bem-et mondok urug-et wolma-o” luk yij-o.

YIDNAK YIDNAK WENE 17:25

At-nen-e ab-e ap pidsa unluk yaga wok ondosolat, indisep wok ondosolat, yi mende ndi mende wok ondoso me, at-nen lak mende mbi mondok lak me, ap ininggi-nen at ndegel uburag-e lag-o.

1 KORINTUS 8:4

Iri ala-ge, kugiwak amanggim pidnak nunggwi mende nunggwi wene-ge yu nggal-o: Kugi min Mbal Pem Nagawan misik min-e nggweyak yu me-ge mondok lag-o luk nenaru-o. Arig-et nak woraso Mbal Pem Nagawan iri nak nenaru-o.

1 TIMOTIUS 3:6

At iri-ge at ambikpebe kek yosola, Sere ebem ween mbarid nggal, at ebem wene mbaruwa naru, nggeret aid wene wanidnak nab-e mendak purak pug-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

NAM PARA WENE 9:20

Nde, andi bandi mende iri-nen indigit lak, keya inpidnak nap-nen-e it ininggi-nen konugwi kugiwak na keya buruk, kondok yigit lak, kundugu kundugu erembel wanogolar-e, kugi min emas pem, perak pem, tembaga bem, kerep pem, e bem-nen konidnak kugiwak ereba na-ge erengen-nen na kaso buk, eyanggo-nen na koloso buk urugup lak woraso-t nde, erembel wanogolat woraiga-o.

WENE MBENARUGWI NAP-NEN KWARIDNAK WENE 16:23

Nde, misik tarem-e Pilisin nagawan ereba na-ge it unkugwiwak Ndagon iri na amanggim wam wosa kan pogolat nggok saguwokluk ndok wiriga-o. Iri yogolat-nen ndawi yogolar-e: ”Nit nunkugwiwak-net nit nunuwim nap Simson iri na-ge urugwe nggwe rak puruk ombol nggwe rak ninpij-o” luk yiga-o.

1 SEMUEL 17:26

Yogola, Ndaut-nen yosolar-e: ”Elem nin nap Pilisin nap yu-ge Mbal Pem Nagawan Uruk nak Woraso-nen idnak esan ombo inmin amawi wal kudtak pem kwiye lag-et nggweyel unpusu yu-ge ngge-o?” luk at-nen san ombo misik kin wok obosolar-e: ”Pilisin nap iri worosola, Isarael nap pesel unpusu iri lak tak puwa nap iri-ge onggo-ge no mende wok tuwa-o?” luk kin wanij-o.

1 SEMUEL 17:36

Ndegel koboso nap an-e isilepma worak singa na irit mberuang na irit mondok worosolat woraso-o. Nde, Mbal Pem Nagawan aru buk Pilisin nap iri-ge kwiye lag-et Mbal Pem Nagawan Uruk nak Woraso iri na-nen idnak san ombo ereba na erengenma nggal tak unpusu me, singa ndakngge min mberuang min wurusu ereba na nggal-et mondok wirimin-o.