NDANIEL 5:12 - Nanduk Ngget Tul Pidnak Wene

¹² At iri-ge mondok kwiye worak indi nggat nggat worak-nen nabi kaidnak ebe-ge iri nggal-o luk para yoso aru nap, kura wene-t nde, nam tak posolat, wene mondok nil kil tag-et nde, mondok konosolat kwaroso-o. At iri unu-ge Ndaniel-et nde, Nagawan Nebukatnesat-nen-e unu-ge Mbelsasat yarij-o. Iri ala-ge, at-nen engga mbarak iri-ge ebe-ge iri nggal yosolat-nen mbaridnag-o luk yak kuruwak-nen wene mbo ibi-o” luk yak tij-o.

NDANIEL 5:12 ပူးပေါင်းရင်းမြစ်များ

NDAWI ENGGA 16:3

Ap marak o yu me worali-ge an-e kek tak unpusu-o. An-e it inmin lambuksa wolmomtak irit nindingen perasu-o.

NDANIEL 1:17

Nde, Mbal Pem Nagawan-nen ap sujwe empat ereya na wok ondosolar-e, inndi nggat nggat elem min enaru yugwi elem min irit wok endamu, yi mende ndi mende elem pidsa kwara enaru yiga-o. Nde, erep Ndaniel wok tosolar-e, nabi bem nggal yik kagwi elem min nabi kaidnak iri ebe-ge iri nggal-o luk para yurak elem min irit wok tij-o.

NDANIEL 1:7

Nde, nagawan woraso sa iri na me-nen ene kulugwi nap iri na-nen-e it empat ereya na unnu ki yarosolar-e: Mbelsasat min Sanderak min Mesak min Abetnego min irit yarij-o.

NDANIEL 2:26

Yosoloma, nagawan-nen Ndaniel, unu misig-e Mbelsasat, iri na yak tosolar-e: ”Kar-e an-nen nabi kagi iri na ndindera yosolat, nabi ebe-ge iri nggal-o luk para yak nururag-e ndag-a?” luk yak tij-o.

NDANIEL 4:19

Ndaniel, unu misig-e Mbelsasat, iri na-nen wene iri na kulurug-e, wendet lug-e, kwiye-nen ene lak siyak woragij-o. Iri yosola, Nagawan Nebukatnesat-nen Ndaniel yak tosolar-e: ”Kar-e nabi iri min nabi ebe iri min pem-e kar-e kwiye kudtag pug-o” luk yak tij-o. Yosoloma, Mbelsasat-nen onggo yosolar-e: ”Nab-o. Nabi kaigen iri ebe kwat momtak mende ereba-ge kat kuwim nap enpem nggal mbosola, kat kebem mbigit lak yurak-nen-e ob-er-o.

NDANIEL 4:8

Alat nde, abok nggwe-ge Ndaniel an nugugwiwak unu nggal Ndaniel unu misig-e Mbelsasat iri lobok yij-o. Nde, marak mbal pem nagawan ereba na arem kobong yidnak nap iri na imbiri bem-e nabi iri na ndindirigi-o. Ndindorosolat-nen yosolar-e,

NDANIEL 5:14

An-nen kolosolar-e, kar-e marak mbal pem nagawan ereba na indi-nen kobong tak kibidnak me, kar-e kindi tenggerak, kwara yebet kaso, mondok kindi nggat nggat kwiye worak nab-o luk yogola kuligi-o.

NDANIEL 5:16

Nde, yanem an-nen kolosolar-e, kar-e wene mondok kura wene-t nde, pugara nam tak posolat, wene mondok nil kil tag-et nde, konosolat kwaroso-nen yusu-o yogola kuligi-o. Kat-nen nde engga yu wonatluk, ebe-ge iri nggal-o luk para nde yak norosola-ge, nagawan-nen yurugwi sum lorok sum ungu min emas-nen konidnak engen nggal yurugwi min kek tak kobosolat yirik kibimin-o. Nde, erep kwat kobosolar-e, an-nen tenagidnak wi yu arem o tena wolmakluk, nit mberen nentalu mendak kibimin-o” luk yak tij-o.

NDANIEL 6:3

Nde, at eyabu kona wanuwakluk, nagawan iri na-nen-e Ndaniel min ap mberen nap min-e it ngguberenot ereba na yik eneyarok wolmakluk lesa mendak inpij-o.

NDANIEL 6:4

Iri yamu, Ndaniel-nen kwaridnag-e ngguberenot min it yik eneyarok woragwi nap erep ereya na min-nen kwarugwi nggal-e lak, mondok konak irit kagaij-o. Iri ala karug-e, nagawan iri na-nen-e at-nen tenagidnak wi ereba na enanggul pem tena unpuruk wolmomtak irit Ndaniel mendak uburak yebet kagaij-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.