NDANIEL 4:7 - Nanduk Ngget Tul Pidnak Wene

⁷ Alat nde, ’Iri nggal kwat ma-o’ yugwi nap min yi iminep ndi iminep enaru nap min kwiye worak kwarugwi nap min wonaru enaru nap min lobok yogola, an-nen-e an-nen nabi kagi iri na inmbiri bem yigi-t nde, it-nen-e ap misiger-o luk mbi-nen nabi kagi iri na-ge iri nggal-o luk para yak nururag-e meya yij-o.

NDANIEL 4:7 ပူးပေါင်းရင်းမြစ်များ

NDAK WIRIDNAK WENE 41:24

Nde, mbato meya merek lerak ereya na-nen mbato ebe yok nggok ereya na lungguk nak mberak pij-o. Nde, nabi mberen ereya karug-e, nabi ya-ge ap kagwi buk mende kwarugwi nap kerengga yak indigi-t nde, it ennggendumu ap misiger-o luk tet-nen: ’Nabi ebe-ge iri nggal-o’ luk para yak nururag-e meya agaij-o” luk yij-o.

NDAK WIRIDNAK WENE 41:8

Karuk, kup o nda yosoloma-ge, nagawan na-ge yobosa wolmomtag-e meya alama-ge, at-nen-e Mesira woragwi nap kagwi buk mende kwarugwi enaru nap min yi elem ndi elem enaru nap min oboksa wene mbo enpaga ndok worak unpuruk, at nabi kagaid iri na kiringgij-et nde, ap misiget ter-o luk-nen ”Nabi iri-ge ebe-ge iri nggal kaigen-o” luk yak turag-e meya irit agaij-o.

NDAWI ENGGA 37:35

An-e ap meya yoso nap amawi worak indi kek tak mbi e mbi emengen uwi yaga yak yidnak tugup lak nggal irit kagi-o.

YESAYA 44:25

’Iri kwat ma-o’ luk, urul pugwi nap-nen urul pugwi iri-ge an-nen ebe lak mende rak poso-o. Nde, ’Iri nggal kwat ma-o’ luk, kugwi tu mbarugwi nap ereba na-ge an-nen nerengenma nggal tak onposo-o. It-nen indi worak elem pem wene yugwi na an-nen eyak worosolat, it inndi nggat nggat elem na an-nen wid inndi rak onposo-o.

NDANIEL 1:4

Ap sujwe ereba-ge enpem ambut lak, mondok enpe na sujwe enmawi min, sekola nggok yidnak, inndi tenggerak-nen mondok enaru nap, nagawan woraso sa mondok yabu wanurak nap irit len unpuruk, Aspenas kat-nen mul ondosolar-e, Mbabel wene iri na wonarogolat, mbarogolat yuwakluk mul undurag-o” luk ebem pij-o.

NDANIEL 2:10

Yak ondosoloma, it yi elem ndi elem enaru nap ereba na-nen yogolar-e: ”Yi wi ndi wi woragwi nap ennggendumu ap mbi-nen nagawan kat kindi-nen pusu iri-ge yak kururak na meyar-o. Iri-nen nagawan mondok kwiye worak kek tak misik-nen mbi ’Iri nggal kwat ma-o’ yugwi nap min kwiye worak kwarugwi enaru nap min yi iminep ndi iminep enaru nap min at woraso sa woragwi nap ereba na-nen para yuwakluk kat-nen yusu yu nggal na enpem pugwi bug-er-o.

NDANIEL 2:27

Yosoloma, Ndaniel-nen onggo yosolar-e: ”Nagawan wa-e. Yi mende ndi mende enaru nap min kwiye worak kwarugwi enaru nap min yari min wonaru mbenarugwi enaru nap min-nen nabi iri kat yak kururag-e meya-o.

NDANIEL 2:7

Yosoloma, it-nen tuguruk yak togolar-e: ”Nab-o. Nagawan kat nanduk-nen nabi kaigen iri yak nondosola karuk-nen nabi iri-ge ebe-ge iri nggal-o luk ebe para yak kurul-o” luk yak tiga-o.

NDANIEL 3:8

Nde, iri tarem-e Mbabel nap erep-nen-e nanongga Yawuri nap enare puwokluk tu kore yiga-o.

NDANIEL 4:18

Mbelsasat wa-e. An-nen nabi kagi-ge irir-o. Nde, yawo-ge nabi iri kagi ebe-ge iri nggal kaigen-o luk para yak niri-o. Nde, ap mondok enaru inndi tenggerak an-nen tenagidnak wi yu me worali yeba mbi-nen iri nggal-o luk para yak nururak meya-o. Alat nde, marak mbal pem nagawan ereba na indi-ge kat karem kobong tak me, kat-nen-e para yak nururag-e ndag-o” luk yak tij-o.

NDANIEL 5:7

Iri kwarosolar-e, ”Iri nggal kwat ma-o” luk urul pugwi nap min wi yurak mende kwarugwi nap min wonaru mbenarugwi enaru nap min irit lobok yuwakluk, ene nggoksa wene mbo inpij-o. Yonggo enpamu, it lobok yogola, nagawan-nen yosolar-e: ”Ta-nen nde engga mbarak iri nde wonatluk, wene ebe-ge iri nggal-o luk yak nde norogola-ge, an-nen-e nagawan-nen yurugwi sum lorok sum ungu min emas-nen konidnak engen nggal yurugwi min kek tak obosolat yirik ibimin-o. Iri rak obosolat misig-e an-nen tenagidnak wi yu arem o tena wolmakluk, nit mberen nentalu mendak ibimin-o” luk yij-o.

NDANIEL 5:8

Yosoloma, it inndi tenggerak enaru nap ereba na-ge panggosa mbiriga-t nde, it-nen-e engga mbarak iri na-ge wonarurak na meya, iri-nen wene ebe-ge iri nggal-o luk nagawan para yak turak na meya irit yij-o.