NDANIEL 4:19 - Nanduk Ngget Tul Pidnak Wene

¹⁹ Ndaniel, unu misig-e Mbelsasat, iri na-nen wene iri na kulurug-e, wendet lug-e, kwiye-nen ene lak siyak woragij-o. Iri yosola, Nagawan Nebukatnesat-nen Ndaniel yak tosolar-e: ”Kar-e nabi iri min nabi ebe iri min pem-e kar-e kwiye kudtag pug-o” luk yak tij-o. Yosoloma, Mbelsasat-nen onggo yosolar-e: ”Nab-o. Nabi kaigen iri ebe kwat momtak mende ereba-ge kat kuwim nap enpem nggal mbosola, kat kebem mbigit lak yurak-nen-e ob-er-o.

NDANIEL 4:19 ပူးပေါင်းရင်းမြစ်များ

NDAK WIRIDNAK WENE 31:35

Nde, Arakel-nen Laban yak tosolar-e: ”Neid wa-o. An-e kwami yigirik me, menluk wok kuburag-e meya me, kisilepma nuburak pug-o” luk yak tosola, Laban na-ge kugwiwak iri na kore yij-et nde, mondok kagit lag-o.

NDAK WIRIDNAK WENE 32:18

kat-nen onggo yosolar-e: ’Lag-o. Yeba-ge ndegel koboso nap Yakup arengge-o. At-nen ndegel oboso nap Esau amanggim pamu, waruk lobok yili-o. Nde, ndegel oboso nap Yakub-e ninmbirik lobok yusu-o’ luk yak ti-o” luk yak tij-o.

NDAK WIRIDNAK WENE 40:12

Yosoloma, Yusup-nen yosolar-e: ”Nabi kaigen iri-ge ebe-ge yu nggal-o: ondogwal kenan iri-ge o kenan nene yurak kaigen-o.

1 NAGAWAN NAGAWAN-NEN KWARIDNAK WENE 18:7

Iri kwasa mborogolar-e, tundumu Obaja na-ge Elia imin lid pid yij-o. Elia yenggerak karug-e, Obaja na-ge Elia eram erare nggwe tud yosolat-nen yosolar-e: ”Kar-e ndemeret nombo Elia-t, lak?” yosoloma,

MBIRIGA WENE 32:32

Iri ala it meya kwariga iri-ge kamberam tak unpurag-o, nab-o. Nde, kamberam tak inpigit lak nde ala-ge, unluk wolmomtak engga bem-nen an nunu-ge korak purag-o” yak tij-o.

NDANIEL 1:7

Nde, nagawan woraso sa iri na me-nen ene kulugwi nap iri na-nen-e it empat ereya na unnu ki yarosolar-e: Mbelsasat min Sanderak min Mesak min Abetnego min irit yarij-o.

NDANIEL 2:26

Yosoloma, nagawan-nen Ndaniel, unu misig-e Mbelsasat, iri na yak tosolar-e: ”Kar-e an-nen nabi kagi iri na ndindera yosolat, nabi ebe-ge iri nggal-o luk para yak nururag-e ndag-a?” luk yak tij-o.

NDANIEL 2:37

Nagawan kar-e nagawan ereb-e teberag-et nde, kar-e nagawan terak minik kek tak-net yusu-o. Mbal Pem Nagawan aid arem woraso-net kat-nen tenagidnak wi yu-ge kinggem puruk, kat-nen tenagidnak wi yu tena burak amawi min karong min kek tak woraso elem min iri-ge at-net wok keramu-o.

NDANIEL 4:24

Nab-o. Nabi kaigen iri-ge ebe-ge yu-o. Nap kat kwat kuburak wene-ge Mbal Pem Nagawan Mondok Kek tak iri na-nen-e yu nggal mbarij-o.

NDANIEL 5:12

At iri-ge mondok kwiye worak indi nggat nggat worak-nen nabi kaidnak ebe-ge iri nggal-o luk para yoso aru nap, kura wene-t nde, nam tak posolat, wene mondok nil kil tag-et nde, mondok konosolat kwaroso-o. At iri unu-ge Ndaniel-et nde, Nagawan Nebukatnesat-nen-e unu-ge Mbelsasat yarij-o. Iri ala-ge, at-nen engga mbarak iri-ge ebe-ge iri nggal yosolat-nen mbaridnag-o luk yak kuruwak-nen wene mbo ibi-o” luk yak tij-o.

NDANIEL 5:18

Mbal Pem Nagawan Mondok Kek tak iri na-net kat keid Nebukatnesat iri na kwarak obosolar-e, mondok nagawan kek tak uburuk, anggu obok worak tak ebamu-o.

NDANIEL 5:19

Iri rak ebamu-ge ap enlem oboksa min ap enne lombok oboksa min at aye-nen lele yogolat woraiga-o. Nde, at-nen nde ap misik nde wururak perasolar-e, ap iri na-ge mondog-et woroso-o. Nde, at-nen ap misik imiri yurak perasolar-e, mondok imiri yoso-o. Nde, at-nen ap kek tak onposolat na, teberak onposolat na, at indi-n pidnak pem nak kwaroso-o.

NDANIEL 7:15

Nabi bem nggal ereba na yik kasolar-e, nindi kabak yosolat, mondok kwiye kwarat kagi-o.

NDANIEL 7:28

Iri wene-ge irir-o. Nde, an-e mondok kwiye kwarat kasolat, nerare nin agaij-et nde, wene ereba oboksa-ge ap misiger-o luk mbi mondok yak indigit lag-o.

NDANIEL 8:27

Iri luk abok nggwe-ge an-e namawi lak luk, kugwi neramu siyak woragi-o. Op luk, men yosolar-e, nagawan amanggim an nebem pidnak yabu ereba na wanigi-o. Iri yosolar-et nde, an-e nabi bem nggal kagi iri na ngge kagi-o luk yebet kerenak woragi-t nde, ebe-ge iri nggal-o luk mbi naru yigit lag-o.

ABAKUK 3:10

Nde, kat yik keyarug-e, ndobo ereba na-ge lele yosolat, nde, talme-ge nggilara mberak pil mbuwaidnak nggal mbal pem-nen mbuwasolat, nde, yi nggweyak arem-e ene lu nggu mbosolat, yi koma na nggetlep petlep lobok yosolar-e, ene sabok mbabok mborosolat kwarij-o.

1 SEMUEL 1:15

Yosoloma, Ana-nen onggo yak tosolar-e: ”Nab-o. An-e indi nden kaso yi ninggirik-nen nindi lak lak yusu-ge Iago. An-e anggut amburu-ge mondok ninggit lag-o. An-nen nindi puru bera worasu wene ereba na tepan yosolat Nagawan lndo yak tusu-o.

1 SEMUEL 24:8

Mborosoloma-ge, Ndaut na-ge imbirik kerep yanggoma iri na me-nen wasolat ene nggoksa yosolar-e: ”Nagawan wa-e” luk yak tosoloma,

1 SEMUEL 3:17

Yosoloma, Eli-nen kin wok obosolar-e: ”Nagawan Indo-nen-e no yak kirij-o? Oboksa yak niri-o. Kat-nen nde ereb-e karem yemndak keya bugun nde ala-ge, Mbal Pem Nagawan-nen angin worak kebem mberak puwa-o” luk yak tij-o.