NDANIEL 4:14 - Nanduk Ngget Tul Pidnak Wene

¹⁴ At iri na-nen ene nggoksa yosolar-e: ’E iri-ge mondok ndara keya buruk, inggi angga yigisa ligik puruk, angga lerasa ngguru rak purag-o. Nde, engen-e nggilara liring kudtag-o. Lok lok noso mende e iri indipma mbinggirik worasu ereba min towe inggi bem uwi werep mberep worasu ereba min-e langgara wirik purag-o.

NDANIEL 4:14 ပူးပေါင်းရင်းမြစ်များ

NDANIEL 2:21

Nanduk-nen kwaridnak min abok-nen kwat ma min iri-ge Nagawan Indo inggem nag-o. At nak-nen nagawan-e mendak onposolat, lak tak onposolat kwaroso-nen yusu-o. At nak-nen inndi nggat nggat elem wok ondosolat, yebet kagwi mende wok ondosolat yoso-nen yusu-o.

NDANIEL 3:4

nagawan-nen yidnak wene lomboksa yoso nap-nen ene nggoksa yosolar-e: ”Nanggamirak kenlem lombok min kenne lombok oboksa min wa-e! Nagawan-nen yidnak wene yu kwara koler-o:

NDANIEL 4:12

Nde, e iri na-ge angga na miri irit mborosolar-e, engen na kwarat iri yij-o. Nde, engen-e yi wi ndi wi woragwi oboksa-nen norak ndak irit yij-o. Lok lok noso urugup worak erengen kege-ge e iri na indipma mbiringgik worasolat, nde, towe-ge inggi angga bem uwi worosolat, nde, urugup worak oboksa-ge engen ereba na nasolat irit kwarij-o.

NDANIEL 4:23

Nde, nap kat-nen yik kaigen nggal, aid nap misik aid arem-nen mbuwasolat-nen yosolar-e: ’E iri-ge ndara mondok lak tak puruk, undugul nak keya ber-o. Nde, undugul iri na-ge mbesi min tembaga min-nen konidnak posid kere bem-et kamasa tusundumu ereba me keya ber-o. Iri rak pugupmu, lilangen ebem mbosolat, wam min lambuksa woralat olengen tuju wolmag-o’ luk yij-o.

NDANIEL 4:29

Nde, waneya duabelas woraruk, misik tarem-e Mbabel iri me at woraso sa uwi anggul pem lagarik, waring kasolat

NDANIEL 5:20

Alat nde, Nagawan Nebukatnesat iri na indi kek yosolat, wene koloso buk kwat yosolat, isilepma worak erengen lamburak nak kwaroso yosolat, kwarosola-ge, at-nen nagawan woraso iri na-ge lak tak ibij-o. Iri yosola-ge, at-nen nggok kek tak woraso iri na-ge lak yij-o.

NDANIEL 5:21

At iri-ge ki nap ennggendumu-nen sera wirik pamu, at indi-ge wam indi nggal kwat yij-o. Iri kwatlug-e, kelerai wam erengen kege ereba na min lambuksa woralat, sapi-nen kwaroso nggal tusuangge tarosolat, mbepme ereba-t nene yosolat, lilangen-nen piri rak posolat woragij-o. Alat nde, abok nggwe-ge at-nen yosolar-e: ’Mbal Pem Nagawan Mondok Kek tak iri-ge ki nap-nen tenagidnak wi iri-ge at inggem-net yusu-o. Nde ki nap-nen tenagidnak wi iri-ge at-nen lenak pidnak nap inggem poso-nen yusu-o’ luk para yij-o.

MATIUS 3:10

E mengen min tebera mbo beyekluk ije-ge ebem lud tak puruk worasu-o. Engen konak yoso buk e oboksa-ge ndara kanduk arem pil ngguwa-o.

MATIUS 7:19

Nde, e-nen engen konak yigit lak ala-ge, e na-ge ndara kan pugwi-o.

LUKAS 3:9

E mengen kuri tebera mbo beyeklug-e, ije kunarak worasu-o. Engen konak poso buk e pidsa-ge ndara kan ma buwa-o” luk yij-o.

NAM PARA WENE 10:3

ene ngguloksa yid iri-ge singa ndakngge ene ngoro yoso nggal irit yij-o. Nde, aid nap iri-nen ene nggoksa yosoloma-ge, o nggu tuju-nen ene nggu bem wene na erep nggarij-o.

NAM PARA WENE 18:2

At-nen ene ngguloksa yosolar-e: ”Tud yij-o! O siri Mbabel nggulok na-ge tud yij-o! Nde, yawo tud yosola-ge, ar-e kugi meya min meya inndi min ondoro kwat yosolar-e, arem-e yi towe ndi towe mbilaro ngin meya insili rak pugwi na worasu-o.