NDANIEL 4:13 - Nanduk Ngget Tul Pidnak Wene

¹³ Nde, an-e an-nen nabi kagi iri na nabi bem-net ngge kagi-o luk nindi yebet kerenak worasoma-ge, aid nap misig-e mondok lid lud tak puruk, erengen limbinil aid arem-nen mbuwasola kagi-o.

NDANIEL 4:13 ပူးပေါင်းရင်းမြစ်များ

NDAWI ENGGA 103:20

Kit kenmawi worak aid nap at-nen yidnak wene kologolat, kwarogolat yugwi nap wa-e. Nagawan Indo nak erembel waner-o.

NDAWI ENGGA 89:7

Marak nap ennggendumu-nen na kar-e kek tag-et kibili-o. Kat keralu ereba enaye-ge kali-t nde, kat kaye-ge terak minig-et kali-o.

NDANIEL 4:10

Nde, kubu an nene yosoma-ge, e misig-e o nggweyak yu enggendumu-nen yagidnak kagi-o.

NDANIEL 4:17

Nde, nit aid nap lid lud tak puruk, nenlengen lumbunugwi iri na-nen mbaridnak wene-ge yur-o. Nde, nit ninndi-nen pige-ge ap oboksa-nen enaru yogolar-e, Mbal Pem Nagawan Mondok Kek tak iri-ge nagawan-nen tenagidnak wi-ge at tena woralat, at-nen tenaga woraso wi iri-ge at-nen nagawan lenak puruk ininggem posolat, ap mondok teberag-et nde, inggem posolat na ndak-net yusu-o” luk aid nap-nen yij-o.

NDANIEL 4:23

Nde, nap kat-nen yik kaigen nggal, aid nap misik aid arem-nen mbuwasolat-nen yosolar-e: ’E iri-ge ndara mondok lak tak puruk, undugul nak keya ber-o. Nde, undugul iri na-ge mbesi min tembaga min-nen konidnak posid kere bem-et kamasa tusundumu ereba me keya ber-o. Iri rak pugupmu, lilangen ebem mbosolat, wam min lambuksa woralat olengen tuju wolmag-o’ luk yij-o.

NDANIEL 4:5

Alat nde, misik tarem-e an-e nene yosoma, kubu-ge nabi misik karug-e, wendet yosolar-e, nabi iri na bem nak nindi marok tenak worasolar-e, yamuksa woragit lag-o.

NDANIEL 7:1

Nde, misik tarem kubu nggeret Nagawan Mbelsiasat iri na Mbabilonia nagawan men yid olengen iri bem-e Ndaniel an-nen nabi kasolat-nen nabi bem yik kagi-o. Nde, nabi kagi iri na-ge engga bem mbarigi-o. Nde, nabi kagi engga bem mbarigi na-ge yu-o: O wija ponok ponok, abare abam nggwe, ena nggwe, mo mboso nggwe, mo luwaso nggwe, mondok kwiye worak puk kasolar-e, iri-nen ndowaga yi koma nden penden kasolat, saberep mbaberep mbij-o.

NDANIEL 7:17

At-nen yak norosolar-e: ”Lok lok noso mende mondok nggok meya empat ereya-ge nggweyakma yu me nagawan empat men marik o tena wolmomtak ndak ndag-et kaigen-o.

NDANIEL 7:23

Nde, iri nggal-o luk yak niridnak wene-ge yu-o: ”Lok lok noso mende empat tak posolat nam yid iri-ge nggweyakma yu me nagawan empat men ma iri empat tak posolat nagawan men ma-nen yusu-o. Nde, at-nen tenaguwa wi-o it erep ereya ndak ndag-e lag-o. Arik tak irit wolma-o. At yu-nen tenagidnak wi iri-nen-e yi wi ndi wi oboksa yigisa aben nuruk keya bosolar-e, ereb-e ijok-nen lul lul wuruwa-o.

NDANIEL 8:13

Iri luk, an-nen kuliginggal, aid nap misik-nen aid nap misik yak tosolar-e: ”Nabi nggal pem kasu ereba kwat tenak worasolar-e, nunggwirik tarem nggal wolma-o? Nde, o nda yidnak irit wosa Mbal Pem Nagawan amanggim wosa kan pugwi iri na meya nggok kwarogolar-e, nunggwirik tarem nggal wolma-o? Nde, san ombo aid arem woragwi min Nagawan Indo erembel wanugwi o iri min-e nunggwirik tarem nggal lul lul wat tenak wolma-o?” luk yij-o.

MATIUS 25:31

”Ap Ambara na at unu kek tak pem lobok yosolar-e, aid nap oboksa na at imin lobok yogola-ge, at-nen-e nagawan koreyak woraso sa abinal worak iri na me kore yuwa-o.

MARAKUS 1:24

”Yesus Nasaret nap wa-e. Kar-e ngge rak nunpugun-o? Nit lak tak nenpeyekluk lobok yigen-a? Kar-e an naru-o. Kar-e Mbal Pem Nagawan-nen kibil lobok yidnak karik lenak nap-net yusu-o” luk yij-o.

LUKAS 4:34

”E! Yesus Nasaret nap wa-e. Kar-e ngge rak nenpeyekluk lobok yigen-o? Nit nendeyekluk lobok yigen, lak? Kar-e an-e naru-o. Kar-e Mbal Pem Nagawan-nen wirik kibil lobok yidnak karik lenak nap-net yusu-o” luk yij-o.

TUGURUK YIDNAK WENE 33:2

”Nagawan Indo-ge Sinai ndobo bem-nen lobok yosolat, mo nggal o Erom ebem yemberak pij-o. At ilirag-e ndobo Paran pem-nen yaya rak inpij-o. At imin-e aid nab-e sepulu ribu (10.000) lobok yiga-o. Nde, inggi kigit ambigir-e kan amare yosolat woragij-o.

YURAS 1:14

Aram-nen wigak yil yil ap tap tuju bem tak posolat-nen ndet yidnak nap Enok iri-nen it kwat unpurak urul posolar-e: ”Yu nde ker-o! Nagawan Indo-nen idnak marak aid nap kere mondok wonarurak puk (beribu ribu) na inmin luk lobok yosolar-e,

NAM PARA WENE 14:10

iri yidnak nap-nen-e Mbal Pem Nagawan-nen idnak anggut engen amburu iri nujwa-o! Anggut engen amburu iri-ge Mbal Pem Nagawan isilepma na-ge mariget tet nin tak pigit lak iniksa-t idmbe arem woranggasa pil nggwidnak iri na nujwa-o! Nde, it iri na oboksa-ge andi bandi rak onposolar-e, lenak inpidnak aid nap min Lomba Wam Marik min enlengen pem-et kanduk min kule emben meya (belerang) min-nen andi bandi rak onposolat wolma-o.