NDANIEL 3:29 - Nanduk Ngget Tul Pidnak Wene

²⁹ Iri bem-e, ap enlem lombok min enne lombok min oboksa-nen Sanderak min Mesak min Abetnego min Enmbal Pem Nagawan iri na nde nggweyel puwa nab-e, mondok mbarep parep keya unpuruk, unuwi min mijara keya bosoma, tudsa owak nak nggururak wolma-o. Kugwiwak misik mbi-nen Mbal Pem Nagawan-nen inmiri yid iri nggal-e mondok inmiri yoso buk-nen yusu-o” luk yij-o.

NDANIEL 3:29 ပူးပေါင်းရင်းမြစ်များ

ESERA 6:11

Mondok an yak kendeyeg-o. Ta-nen nde wene yu kwid tosola-ge, at uwi iri na owak misik mijara wanuruk, eraret nggabera keya buruk, kundugu mbiringin langsa keya burag-o. Nde, uwi-ge mondok mijara keya buruk, ondolma-ge eneyakngen mbo bugwi ondoro rak purag-o.

NDANIEL 1:19

Iri yamu, Nagawan Nebukatnesat-nen it oboksa inmin wene mbarosolat-nen lombot onposoma-ge, ap erep ereba na-ge teberag-et nde, Ndaniel min Anania min Misael min Asaria min it ereya na nak perak nde it-nen enaru yidnag-et ombol nggwe irit eneyagaij-o. Iri ala karuk, it ereya na-ge nagawan woraso sa iri na me yabu wanugwi tel kwiriga-o.

NDANIEL 1:7

Nde, nagawan woraso sa iri na me-nen ene kulugwi nap iri na-nen-e it empat ereya na unnu ki yarosolar-e: Mbelsasat min Sanderak min Mesak min Abetnego min irit yarij-o.

NDANIEL 2:17

Yak tosoloma-ge, ”Ob-o” yosoloma-ge, Ndaniel iri na-ge ma mberarik, Anania min Misael min Asaria min ereya na-ge wene ereba na yak indij-o.

NDANIEL 2:47

Iri luk, nagawan-nen yosolar-e: ”Ndaniel wa-e. Ndemeret kat Kembal Pem Nagawan iri-ge mbal pem nagawan erep ereba enggendumu-nen mondok nggok lombok-nen yusu-o. At iri-ge nagawan ereb-e teberag-et nde, ar-e mondok terak minik kek tak-net yusu-o. Kura wene oboksa kilara nam tak poso-nen yusu-o. Kar-e kura wene-t nde, ebe-ge iri nggal-o luk nam para yigen pem-e kat Kembal Pem Nagawan-e an-e mondok naru yusu-o” luk yij-o.

NDANIEL 2:49

Alat nde, Ndaniel-nen nggi yidnak pem-et Sanderak min Mesak min Abetnego min it ereya-nen tena wolmakluk Mbabilonia tenagurak amawi ininggem pij-o. Nde, Ndaniel iri na-ge nagawan woraso sa iri na me-t woragij-o.

NDANIEL 2:5

Yak togolikma-ge, nagawan iri na-nen yosolar-e: ”Kit nak-net nabi kagi iri yak nutluk, nabi ebe na iri nggal-o luk yak nururak nak wat tak pigirik worasu-o. Kit-nen nde iri nggal yurak meya ala-ge, kir-e mbarep parep mbo konposolat, kunuwi min mondok mijara keya kinpimin-o.

NDANIEL 3:12

it Yawuri nap erep ereya-ge kat-nen Mbabilonia nggweyak yu tena wolmomtak yabu enpem pigen-et nde, it iri-ge nagawan kat-nen yidnak wene-ge te rak pili-o. Iri kwatli nab-e Sanderak min Mesak min Abetnego min it irir-o. Nde, it ereya-ge kat kugugwiwak erembel wanigit lak yogolat, kat-nen ndak wirigen emas-nen konidnak iri na min-et indipma yud tud mbili bug-o” luk yak tiga-o.

NDANIEL 3:15

Iri ala-ge, yawo-ge ndawi yogolat ene rak pugwi mende ene rak pogola, kuluruk ereya na-net kir-e emas-nen ndak wirigi iri na indipma yud tud mber-o. Kit nde iri kwarigit lak yogola-ge, mondok kan nggok mabidnak amare arem mbo kinpil nggurag-o. Iri kwat konposola-ge, no kugwiwak nggal-nen an ninggem-nen-e kinmiri yuwa-o?” luk yak indij-o.

NDANIEL 3:17

Kan nggok mabidnak amare iri arem-nen na irit, kat kinggiyapma-nen na irit, nit-nen erembel wanugwi Nenmbal Pem Nagawan iri-nen nde ninmiri yek nde yosolar-e, ndemeret ninmiri-t yuwa-o.

NDANIEL 3:28

Iri ala karuk, nagawan-nen yosolar-e: ”Sanderak min Mesak min Abetnego min-nen erembel wanugwi Mbal Pem Nagawan iri nak erembel wanurag-o. At iri-net at ebem inndi angin tubu yidnak, at ndegel ubugwi nap ereya-ge inmiri yuwakluk at-nen idnak aid nap inpil lobok yamu, inmiri yij-o. It iri-ge an nene tara keya buruk, wat yurak irit indingen tak puruk, kugwiwak nin nan ereba na-ge endam tud luk, erembel wanurak larok yogolar-e, it ondomok Enmbal Pem Nagawan iri nag-et erembel wanugwi-o.

NDANIEL 6:28

At iri-ge inmiri yosolat, wisirik onposolat kwaroso-nen yusu-o. Mbal pem-nen na irit, nggweyakma-nen na irit kwiye worak kwarosolat, kagwi buk mende kwarosolat yoso-o. Nde, Ndaniel-e singa emndam-nen imiri yij-o” luk mbarij-o

TUGURUK YIDNAK WENE 32:31

Isarael nap unuwim nap nen peragolar-e: ’Nit ninmiri yoso kugwiwag-e Isarael nap Enmbal Pem Nagawan nggal-e mondok lag-er-o’ luk enaru yili-o.