NDANIEL 3:28 - Nanduk Ngget Tul Pidnak Wene

²⁸ Iri ala karuk, nagawan-nen yosolar-e: ”Sanderak min Mesak min Abetnego min-nen erembel wanugwi Mbal Pem Nagawan iri nak erembel wanurag-o. At iri-net at ebem inndi angin tubu yidnak, at ndegel ubugwi nap ereya-ge inmiri yuwakluk at-nen idnak aid nap inpil lobok yamu, inmiri yij-o. It iri-ge an nene tara keya buruk, wat yurak irit indingen tak puruk, kugwiwak nin nan ereba na-ge endam tud luk, erembel wanurak larok yogolar-e, it ondomok Enmbal Pem Nagawan iri nag-et erembel wanugwi-o.

NDANIEL 3:28 ပူးပေါင်းရင်းမြစ်များ

NDAK WIRIDNAK WENE 9:26

Nagawan Indo Sem Ambal Pem Nagawan nak erembel wanuwag-o! Nde, Kanan iri-ge Sem mumnggup manggi indipma wolmag-o.

ESERA 1:3

Nde, kit Mbal Pem Nagawan ilirak kwat yigep nap oboksa-ge Nagawan Indo-nen ndegel kunpuruk nuwag-o. Nde, kir-e tuguruk Yerusalem mburugupndik, Nagawan Indo Isarael nap Kenmbal Pem Nagawan Yerusalem woraso iri na uwi-ge tuguruk werer-o.

ESERA 6:11

Mondok an yak kendeyeg-o. Ta-nen nde wene yu kwid tosola-ge, at uwi iri na owak misik mijara wanuruk, eraret nggabera keya buruk, kundugu mbiringin langsa keya burag-o. Nde, uwi-ge mondok mijara keya buruk, ondolma-ge eneyakngen mbo bugwi ondoro rak purag-o.

NDAWI ENGGA 103:20

Kit kenmawi worak aid nap at-nen yidnak wene kologolat, kwarogolat yugwi nap wa-e. Nagawan Indo nak erembel waner-o.

NDAWI ENGGA 33:18

Nagawan Indo-nen-e at indi aye worak woragwi nap, ”Nenabuwa-t yuwa-o” luk inndi ebem mbung mbung tak woragwi nab-et kwara yik eneyarok woraso-o.

NDAWI ENGGA 33:21

Nir-e at ebem ala nenalin nenalen yogolat, at unu mondok marak iri na bem ninndi wat tak puruk worali-o.

NDAWI ENGGA 34:22

Nagawan Indo-nen-e at ndegel ubugwi nap inmiri yuwa-o. Nde, at indipma lumurak worali nab-e angin worak enpem puwa bug-o.

MBIRIGA WENE 20:5

An-e Nagawan Indo Kenmbal Pem Nagawan-nen yusu me, kininggi-nen ndak wiridnak mende iri kek tak purak pug-o. Nin mende nan mende min an ndak ndak tak nuburag-e mondok nimbir-o. An mondok insili rak mbili nab-e enpem angin worak posolar-e, lila bem lud, tabuh pem lud, ap tap kenan pem unpumu, iri na-t ap tap empat enpem lud yil mburuwa-o.

YESAYA 50:10

Kit Nagawan Indo kek tak pogolat, at ndegel oboso nap-nen yidnak wene kologolat kwatli nap wa-e. Tula kit-nen mbitli iri-ge mondok yaya lak, ndamuk nggwe nde mbitli nde ma-o. Alat nde, Nagawan Indo ebem kinndi angin tubu yogolat, Kenmbal Pem Nagawan ebem nak wat tak puruk wolmer-o.

NDANIEL 2:47

Iri luk, nagawan-nen yosolar-e: ”Ndaniel wa-e. Ndemeret kat Kembal Pem Nagawan iri-ge mbal pem nagawan erep ereba enggendumu-nen mondok nggok lombok-nen yusu-o. At iri-ge nagawan ereb-e teberag-et nde, ar-e mondok terak minik kek tak-net yusu-o. Kura wene oboksa kilara nam tak poso-nen yusu-o. Kar-e kura wene-t nde, ebe-ge iri nggal-o luk nam para yigen pem-e kat Kembal Pem Nagawan-e an-e mondok naru yusu-o” luk yij-o.

NDANIEL 3:25

Yogoloma, nagawan iri na-nen yosolar-e: ”Alat nde, noluk-nen ap enpe-ge empat nde kanduk arem waring kagola, eneyasu-o? Ir-e kamarak lak, wisirik enpem ambut lak nde waring kali-o. Nde, kenan ereya ennggendumu misik iri abage-ge erembel wanugwi nggal irit kagi-o” luk yij-o.

NDANIEL 4:34

Nde, nagawan an-nen yosolar-e: ”Olengen tuju iri na worarug-e, an nerengen-e mbal lik kasola-ge, ap nindi kwat yij-o. Iri yosola-ge, Mbal Pem Nagawan Mondok Kek tak iri na kek tak obosolat, at pem-et woralik nalik woraso iri na erembel wanosolat kek tak pigi-o. Iri yosolar-e: Mbal Pem Nagawan-e pem irit nagawan wolma-o. At-nen tenagidnak wi-ge pem irit wolma-o.

NDANIEL 6:16

Nde, ap ereba na nagawan eram tuguruk wok yogolat-nen yogolar-e: ”Nagawan wa-e. Meria min Perisia min-nen pempa kwarogolat wolmomtak watsa pidnak wene ereba na bem-nen nagawan kat-nen wirik pidnak wene-ge nden kalik penden kalik yurak wene-ge lag-o yidnak iri na kindi yebet ki-o” luk yak tiga-o.

NDANIEL 6:26

Nde, iri rak purug-e, Nagawan Ndarius-nen engga mbara yi wi ndi wi worali nap enlem oboksa, enne lombok, enlem lombok enmanggim engga mbara wirik posolar-e: ”Naptak wiwa-o!

MATIUS 4:10

Yosoloma-ge, Yesus-nen at yak tosolar-e: ”Kat Sere yu-ge mbiri-o! Mbal Pem Nagawan Engga mbarak pem-nen yosolar-e: ’Kat-nen-e Nagawan Indo Kembal Pem Nagawan nak kek tak uburuk, at arig-et nak ndegel obosolat wolmin-o’ luk yij-o” luk Yesus-nen yak tij-o. [

YIDNAK YIDNAK WENE 4:19

Yak ondogolikma-ge, Peterus min Yoanes min-nen it yak ondogolar-e: ”Mbal Pem Nagawan-nen konag-o luk perasu-ge kit-nen yidnak yidnak nak kwarurak iri, lak? Are, Mbal Pem Nagawan-nen yidnak yidnak nak kwarurak iri-a? Kit-nen nak mbenarer-o.

YIDNAK YIDNAK WENE 5:19

Alat nde, kubu nggwe-ge Nagawan Indo-nen idnak aid nap mbi lobok yosolar-e, o kubu me tumende ereba na kuwarak puruk, wok unpuruk mbepme mborosolat-nen yak ondosolar-e:

OROMA 12:1

Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

1 KORINTUS 13:3

An narengge pik paksa ap tembet ondosolat, an nebe na kan nubuwakluk wesera wok ondosolat yimin-et nde, ap enabuwa kagwi elem nde an narem-e lak-nen-e iri kwarimin pidsa-ge an namanggim-e wewesa-nen yusu-o.

PILIPI 1:20

Nde, an-e neyabu wanidnak pem ninggiri lag-et teyeg-o luk, nindi kundugu nindi bem mbung mbung tak worasu-o. Alat nde, nanduk woragi kuri, yawo-nen na an nebe yu bem-nen Kerisut unu kek makluk, nuruk wolmomtak na, wat momtak na, an-e mondok kwiye lag-o.

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.

IBERANI 11:37

Nde, ap ereb-e kerep pem ondogolat, ereb-e nggere nggere bem mbal onpogolat, ereb-e yalawi bem mondok ondogolat yiga-o. It na waring kagolar-e, unsum-e lomba wam aboro min kambing wam aboro min yorogolat, ontol lak nap yogolat, lel mberel onpogolat, andi bandi rak onpogolat kwat onpogola, waring kaiga-o.

1 PETERUS 1:21

At ebem nak-nen Mbal Pem Nagawan ebem kit kinndi angin tubu yili-o. Mbal Pem Nagawan-nen-e at iri na wat yidnak nap ennggendumu-nen uruk tak posolat, kek tak obosolat yij-o. Iri bem-e, Mbal Pem Nagawan ebem nak kinndi angin tubu yogolat, at ebem nak kinndi mbung mbung tak woragolat yili-o.

NAM PARA WENE 12:11

Nde, nit nennggamirak-nen-e Lomba Wam Marik eyabi bem-nen na, Mbal Pem Nagawan-nen yidnak aid wene it-nen yugwi na bem-nen na ar-e urugwe nggwe rak ibiga-o. Nde, ir-e wat momtag-et nde, it inndi abuwa lak tak puruk wat yiga-o.