NDANIEL 3:26 - Nanduk Ngget Tul Pidnak Wene

²⁶ Iri luk, Nebukatnesat iri na kan nasu iri na tumende bem wok yosolat-nen ene nggoksa yosolar-e: ”Sanderak min Mesak min Abetnego min kit Mbal Pem Nagawan Mondok Kek tak iri na ndegel ubugwi nap wa-e. Kanduk iri arem-nen kesera lobok yer-o!” yosoloma, it ereya na-ge kanduk iri na arem-nen lobok yiga-o.

NDANIEL 3:26 ပူးပေါင်းရင်းမြစ်များ

NDAK WIRIDNAK WENE 14:18

Nde, Melkisendek o Salem nagawan iri-ge eyabu misig-e Mbal Pem Nagawan Mondok Kek tak-nen yidnak tepan ombo irit worasolar-e, mburu min anggut engen amburu min Abaram amanggim waruk lobok lug-e,

1 NAGAWAN NAGAWAN-NEN KWARIDNAK WENE 8:51

Nde, it iri-ge it anggun panggun tak inpiga sa Mesira-nen lesa wok unpuruk lobok yigen kondomok kilirak-nen yili-o.

YESAYA 28:16

Iri kwatli iri bem-e Nagawan Indo Mondok Kek tak iri na-nen yosolar-e: ”Abok an-nen-e o mabin tugup lak wat kudtak puk iri-ge Sion iri me-t pimin-o. Kerep mondok amawi worak onggo nggok irit ebem wene mbara posolar-e: ’Ta-nen nde mondok indi an nebem wat tak puruk wolma-ge urugwe nggwe rak puwa bug-o’ luk yaga mbarak kerep irit pimin-o.

YESAYA 52:12

Nagawan Indo-nen kininggi waruk mborosolat, Isarael Embal Pem Nagawan-nen tu ponok ponok pak turuk, nggetlel kunpuruk mborosolat me, kir-e ndag-et ndag-et na mburugup pug-o. Iri-nen mengga mbiridnak nggal na mburugup pug-er-o.

NDANIEL 2:47

Iri luk, nagawan-nen yosolar-e: ”Ndaniel wa-e. Ndemeret kat Kembal Pem Nagawan iri-ge mbal pem nagawan erep ereba enggendumu-nen mondok nggok lombok-nen yusu-o. At iri-ge nagawan ereb-e teberag-et nde, ar-e mondok terak minik kek tak-net yusu-o. Kura wene oboksa kilara nam tak poso-nen yusu-o. Kar-e kura wene-t nde, ebe-ge iri nggal-o luk nam para yigen pem-e kat Kembal Pem Nagawan-e an-e mondok naru yusu-o” luk yij-o.

NDANIEL 3:17

Kan nggok mabidnak amare iri arem-nen na irit, kat kinggiyapma-nen na irit, nit-nen erembel wanugwi Nenmbal Pem Nagawan iri-nen nde ninmiri yek nde yosolar-e, ndemeret ninmiri-t yuwa-o.

NDANIEL 4:2

Nde, an-e Mbal Pem Nagawan Mondok Kek tak, amawi worak iri na-nen kwiye worak kagwi buk mende an kwat nibid wene ndindel kindimin-o.

NDANIEL 6:20

O kil posola, Nagawan Ndarius na-ge men luk, ndag-et nak mberarik, mbun iri na me wok yil mbirij-o.

NDANIEL 6:21

Wok yosolar-e, ene-ge ndoklele ene nggoksa yosolar-e: ”Uruk nak woraso Mbal Pem Nagawan ndegel oboso nap Ndaniel wa-e! Kar-e pempa tugup lak ndegel oboso Kembal Pem Nagawan iri na-nen ndak kimiri yid, lak?” luk yij-o.

NDANIEL 7:25

Nde, at iri-nen-e Mbal Pem Nagawan Mondok Kek tak iri na obok mbarosolat, Mbal Pem Nagawan ilirak anggun panggun tak unpuwa-o. At-nen-e imiri mbarak pidnak wene ereba na nden yaga nin tak posolat, Mbal Pem Nagawan ilirak-nen Nagawan Indo erembel wanogolat nggok sakwi tarem sakwi ereba na nden kudtak yebet kasolat ma-o. Iri kwarosolat, Mbal Pem Nagawan ilirak yemndak unpuruk woralar-e, olengen kenan tak puruk, misig-e ngaksa waneya enam irit wolma-o.

YIDNAK YIDNAK WENE 16:17

Nde, kwe na-ge Paulus min nit min ninmbirik langgal nunpuruk lobok yosolat-nen ene nggoksa yosolar-e: ”It yu-ge Mondok Kek tak Mbal Pem Nagawan ndegel ubugwi nap-nen yili-o! Kit kinmiri yurak tula mirik kinpili-o!” luk yij-o.

YIDNAK YIDNAK WENE 16:37

Alat nde, Paulus-nen polisi na yak ondosolar-e: ”Nir-e Oroma nab-et nde, nenpem wene mbenarigit lag-et, ap inmbiri bem linggamburok nunduruk, o kubu me peleksa ninpil nggwiga na-t nde, yawo-nen-e mbik mbok nak wirik nunpurak yili-a? Iri yurag-e mondok lik lak sa-o! Ir-et lobok yuwarik-nen wirik nunpuwag-o” luk yak indij-o.

YIDNAK YIDNAK WENE 27:23

Nde, yawo kubu-ge an-e at arengge nggal luk, an-nen erembel wanoso Mbal Pem Nagawan-nen idnak aid nap an neralu men luk-nen

NGGALATIA 1:10

Wene yu yak kundusu yu-ge, ki nap enalen tak peyekluk-nen yusu-a? Lag-o. Mbal Pem Nagawan alen tak peyekluk-nen yusu-o. Are, ki nap-nen inndingen tak nubuwak tu kore yusu-a? Ki nap-nen inndingen tak nubuwakluk kwariginggal-e, an-e Kerisut ndegel oboso nap yelep pug-o.

TUGURUK YIDNAK WENE 4:20

kir-e mondok andi bandi kaigep sa Mesira-nen kinmiri luk lobok yid iri-ge yawo kir-e at elem nap worali yu nggal worabokluk, kinmin lobok yij-o.

YOSUA 4:10

Nde, it tepan omborak ereba na-ge Yi Yareren enggendumu irit mendak irit worakmu, Nagawan Indo-nen Yosua mul tosola, Yosua-nen ap ereba enpem pid ereba na-t ndegera kwariga-o. Nde, ereba kwariga iri-ge Musa-nen Yosua mul tid ereba na ndak ndag-et kwariga-o. Kwatlug-e, Isarael nab-e ndig-et ndag-et nak yi mbara ele bem ndil laiga-o.

NAM PARA WENE 19:5

Yogolikma-ge, nagawan–nen koreyak woraso ondoro iri na me-nen ene misik-nen yosolar-e: ”Mbal Pem Nagawan ndegel ubugwi nap oboksa min Mbal Pem Nagawan erembel wanugwi nap marik min nggulok min wa-e. Kit oboksa-nen Nenmbal Pem Nagawan nak erembel waner-o!” luk yij-o.