NDANIEL 3:25 - Nanduk Ngget Tul Pidnak Wene

²⁵ Yogoloma, nagawan iri na-nen yosolar-e: ”Alat nde, noluk-nen ap enpe-ge empat nde kanduk arem waring kagola, eneyasu-o? Ir-e kamarak lak, wisirik enpem ambut lak nde waring kali-o. Nde, kenan ereya ennggendumu misik iri abage-ge erembel wanugwi nggal irit kagi-o” luk yij-o.

NDANIEL 3:25 ပူးပေါင်းရင်းမြစ်များ

AYUP 1:6

Nde, misik tarem-e aid arem woragwi ereba na Mbal Pem Nagawan eram ndok worogola-ge, at Sere na inmin-et wok yij-o.

AYUP 38:7

o nda nda wonaru ereba na lambuksa ndawi yogolat, aid arem woragwi ereba na enalen-nen enne lek kagolat yiga-o?

AYUP 5:19

Lak tak onposo mende-nen kebem mbosola-ge, pempa kimiri yosolat wolma-o.

NDAWI ENGGA 34:7

Nagawan Indo-nen idnak aid nab-e Nagawan Indo inndi aye worak ereba na yik eneyarok woralat, it lak tak unpurak elem arem-nen mengga keya onposo-o.

NGGOMO WENE 30:4

Nggweyakma nab-e ta nggal-nen aid arem-e laruk mbuwaruk kwaroso-o? O wija-ge ar-e inggi mok pem tenaga wanoso, lak? Usum pem-nen yi-ge nggetla wanoso, lak? Are, o yu-ge ta-nen kuri wosa pil lobok yamu-o? Nde, iri kwaroso nab-e ta-o? Nde, ambara-ge ta-o? Ndemeret kar-e karu irir-o!

YESAYA 43:2

Yi yi ndi yi ereba mbaril mborosola-ge, an-e kimin-et mbirimin-o. Kar-e anggun panggun ereba arem yubuksa mbugun pug-o. Kanduk arem kuwok pugun-et nde, kan-e nunggun pug-o. Angin worak nggok kebem mbuwa-t nde, konak nak woragun-o.

YEREMIA 1:8

An-e kat nggetlel kuburuk woramin me, kar-e it enaye yurak pug-o. An-e Nagawan Indo-net kimin wene yusu-o” luk yij-o.

YEREMIA 15:21

An-nen-e enlengen lamburak nak meya yugwi nap iri na ininggem-nen wisirik kibimin-o. Nagawan Indo an-net yigi-o” luk yij-o. 16:1–17:27 Pasal mberen ya arem-e Yewura nap enpem angin worak mende mbuma wene min Yeremia-nen Nagawan Indo-nen yongga wuruwakluk emengen mbaridnak wene min Mbal Pem Nagawan-nen Isarael nap yak ondosolar-e: ”We woragwi tarem-e yu nggal kwarogolat wolmomtag-o” luk yak indidnak wene min mbarak worasu-o.

NDANIEL 3:18

Alat nde, ninmiri yigit lak yuwa-nen na irit, mondok nagawan kar-e karu wolmin-o. Nir-e kat kugugwiwak iri na erembel wanul pug-er-o. Kat-nen emas pem ndak wirigen iri na indipma tebel yul pug-er-o” luk yiga-o.

NDANIEL 3:24

Mimo Nagawan Nebukatnesat wendet yosolar-e, ndag-et nak men yosolat-nen at eyabu wanugwi nap ereba na yak ondosolar-e: ”Yanem nir-e ap enpe-ge kenan-et kamasa kanduk arem inpil nggwige-a?” luk yij-o. Yosoloma, it-nen yogolar-e: ”Nagawan wa-e. Ndemeret mbo inpil nggwige-o” luk yiga-o.

NDANIEL 3:28

Iri ala karuk, nagawan-nen yosolar-e: ”Sanderak min Mesak min Abetnego min-nen erembel wanugwi Mbal Pem Nagawan iri nak erembel wanurag-o. At iri-net at ebem inndi angin tubu yidnak, at ndegel ubugwi nap ereya-ge inmiri yuwakluk at-nen idnak aid nap inpil lobok yamu, inmiri yij-o. It iri-ge an nene tara keya buruk, wat yurak irit indingen tak puruk, kugwiwak nin nan ereba na-ge endam tud luk, erembel wanurak larok yogolar-e, it ondomok Enmbal Pem Nagawan iri nag-et erembel wanugwi-o.

NDANIEL 6:23

An Nembal Pem Nagawan-nen-e at-nen idnak aid nab-e pil lobok yamu, aid nap-nen singa ndakngge yeba emnde yimaga keya bamu, we sil tet neyagit lak yij-o. Nde, Mbal Pem Nagawan-nen an nimiri yid iri-ge an-e Mbal Pem Nagawan imin na irit, nagawan kat kimin na irit, meya kwarigit lak pem-net nimiri yij-o” luk yosola kulij-o.

MARAKUS 16:18

waro lombok togolat, wat yurak wi nujwa-t nde, wat yigit lak yogolat; kugi indidnak nap tena onpogola, ki rak onpogolat iri nggal-et kwaril nuwa-o” luk yij-o.

LUKAS 1:35

Yosoloma-ge, aid nap-nen wene erep nggarosolar-e: ”Konak Indi-ge kat kebem lobok yosolar-e, Mbal Pem Nagawan amawi-ge kat kebem mbuma-o. Iri bem-e la ndakun iri imin-e: ’Mbal Pem Nagawan Ambara len ibidnak-nen yusu-o’ luk yuwa-o.

YIDNAK YIDNAK WENE 28:5

Alat nde, Paulus-nen lese na werel yaga kan ma posolug-e, andi marig-et tet kagit lag-o.

OROMA 1:4

Nde, at indi-ge lenak Mbal Pem Nagawan irit woralat me, wat yidnak ennggendumu-nen uruk tak pidnak iri bem-nen-e: Iri-ge Mbal Pem Nagawan Ambara amawi ambik-nen yusu-o luk nam tak pij-o.

1 PETERUS 3:13

Kit-nen konak nak kwarurak kinndi worala-ge, ta-nen meya rak kunpuwa-o?