NDANIEL 3:23 - Nanduk Ngget Tul Pidnak Wene

²³ Iri nggal kwasa ap kenan kere logoksa kamarak inpiga ereya na-ge kamarak kundugu kan mare yirip wirip mbusu iri na arem mbo inpil mbiga-o.

NDANIEL 3:23 ပူးပေါင်းရင်းမြစ်များ

NDAWI ENGGA 34:19

Konak kwarugwi nap enpem mboso andi bandi elem-e kwarar-et nde, Nagawan Indo-nen andi bandi ereba na oboksa arem-nen inmiri yoso-o.

YESAYA 43:2

Yi yi ndi yi ereba mbaril mborosola-ge, an-e kimin-et mbirimin-o. Kar-e anggun panggun ereba arem yubuksa mbugun pug-o. Kanduk arem kuwok pugun-et nde, kan-e nunggun pug-o. Angin worak nggok kebem mbuwa-t nde, konak nak woragun-o.

YEREMIA 38:6

Yak ondosoloma-ge, an-e tenaga wok nuburuk, kere yela nagawan ambara Malkia-nen idnak yi kenanggugwi nggweyak emnde mbaridnak nagawan woraso sa o mborom iri na me mberak nibiga-o. Nde, yi emnde mbaridnak iri-ge eberek yidnak, miril nak kobong tak iri na me miril arem mberak nibikma, mbigi-o.

NDANIEL 1:7

Nde, nagawan woraso sa iri na me-nen ene kulugwi nap iri na-nen-e it empat ereya na unnu ki yarosolar-e: Mbelsasat min Sanderak min Mesak min Abetnego min irit yarij-o.

NDANIEL 3:24

Mimo Nagawan Nebukatnesat wendet yosolar-e, ndag-et nak men yosolat-nen at eyabu wanugwi nap ereba na yak ondosolar-e: ”Yanem nir-e ap enpe-ge kenan-et kamasa kanduk arem inpil nggwige-a?” luk yij-o. Yosoloma, it-nen yogolar-e: ”Nagawan wa-e. Ndemeret mbo inpil nggwige-o” luk yiga-o.

2 KORINTUS 4:17

Nde, yawo luru nenpem mbusu andi bandi mende te iri-nen-e woralik nalik momtak kek tak mende terak minik irit kwarak nunpusu-o.

IBERANI 11:34

kan kwiye worak mende-t nde, nigirik pogolat, yalawi bem mbal unpuwokluk yidnag-et nde, kwiye mborogolat, kwarogolat woraiga-o. Ir-e ndeyak yidnag-et nde, amawi yogolat; wim mbarogolar-e, it enmawi lagolar-e, elem nin nap wim nap kere kwarat nde, urugwe nggwe rak onpogolat woraiga-o.