NDANIEL 3:15 - Nanduk Ngget Tul Pidnak Wene

¹⁵ Iri ala-ge, yawo-ge ndawi yogolat ene rak pugwi mende ene rak pogola, kuluruk ereya na-net kir-e emas-nen ndak wirigi iri na indipma yud tud mber-o. Kit nde iri kwarigit lak yogola-ge, mondok kan nggok mabidnak amare arem mbo kinpil nggurag-o. Iri kwat konposola-ge, no kugwiwak nggal-nen an ninggem-nen-e kinmiri yuwa-o?” luk yak indij-o.

NDANIEL 3:15 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 18:35

O-ge ngge unkugwiwak-nen lobok yarik, an ninggem-nen inmiri yij-o? Nagawan Indo-nen Yerusalem woragwi nap inmiri yuwa-o luk perali-a?’ yak kundusu-o” luk yij-o.

MBIRIGA WENE 32:32

Iri ala it meya kwariga iri-ge kamberam tak unpurag-o, nab-o. Nde, kamberam tak inpigit lak nde ala-ge, unluk wolmomtak engga bem-nen an nunu-ge korak purag-o” yak tij-o.

MBIRIGA WENE 5:2

Pirayon-nen yak ondosolar-e: ”Nagawan Indo iri-ge ta-o? An-e at ene kuluruk, Isarael nab-e lerak keya unpumu, mburuwa? An-e Nagawan Indo iri-ge naru bug-o. Isarael nab-e ’Mberer-o’ luk mondok lerak inpimin pug-o” yak indij-o.

NDANIEL 2:47

Iri luk, nagawan-nen yosolar-e: ”Ndaniel wa-e. Ndemeret kat Kembal Pem Nagawan iri-ge mbal pem nagawan erep ereba enggendumu-nen mondok nggok lombok-nen yusu-o. At iri-ge nagawan ereb-e teberag-et nde, ar-e mondok terak minik kek tak-net yusu-o. Kura wene oboksa kilara nam tak poso-nen yusu-o. Kar-e kura wene-t nde, ebe-ge iri nggal-o luk nam para yigen pem-e kat Kembal Pem Nagawan-e an-e mondok naru yusu-o” luk yij-o.

NDANIEL 3:17

Kan nggok mabidnak amare iri arem-nen na irit, kat kinggiyapma-nen na irit, nit-nen erembel wanugwi Nenmbal Pem Nagawan iri-nen nde ninmiri yek nde yosolar-e, ndemeret ninmiri-t yuwa-o.

NDANIEL 6:16

Nde, ap ereba na nagawan eram tuguruk wok yogolat-nen yogolar-e: ”Nagawan wa-e. Meria min Perisia min-nen pempa kwarogolat wolmomtak watsa pidnak wene ereba na bem-nen nagawan kat-nen wirik pidnak wene-ge nden kalik penden kalik yurak wene-ge lag-o yidnak iri na kindi yebet ki-o” luk yak tiga-o.

NDANIEL 6:20

O kil posola, Nagawan Ndarius na-ge men luk, ndag-et nak mberarik, mbun iri na me wok yil mbirij-o.

MATIUS 10:19

Alat nde, kit kenpem wene mbaruwakluk wok kunpuruk mborogola-ge, kir-e: ’An-e no wene nde yimin-o?’ luk kinndi kabak yurak pug-o. Nde, wene yurak tarem wok yosola-ge, kit-nen yurak wene iri-ge kenemndam tak puwa-o.

MATIUS 27:43

At indi-ge Mbal Pem Nagawan ebem mbung mbung tak worasolat-nen yosolar-e: ’An-e Mbal Pem Nagawan Ambara-net yusu-o’ luk yoso ala-ge, Mbal Pem Nagawan-nen at indingen nde ala-ge, yawo-t at imiri yuwag-o” luk yiga-o.

MARAKUS 13:11

Nde, it-nen tena kunpuruk, ap enpem wene mbarugwi sa lit kunpuruk mborogola-ge, ’An-e no yimin-o?’ luk kunmud kudtak pug-o. Kat-nen yurak tarem wok yosola-ge, ereya-net kemendam tak pidnak irit yurag-o. Nde, kat-nen yugun iri na-ge kat-nen-e lag-o. Are, Konak Indi-nen kemendam tak pidnak wene-nen yusu-o.

LUKAS 12:11

Nde, kit kenpem wene mbaruwakluk, pemerinta nap min nagawan nagawan min endam tepan yugwi ma kinpil mborogola-ge, kir-e ’Nene-nen kuri worosolar-e, no nde yimin-o?’ luk kinndi kabak yurak pug-o.

LUKAS 13:9

olengen misik pem-e engen puwa nde ma-o. Nde lak nde ala-ge, Ndari-o luk yak noronog-o’ luk yij-o.”

YIDNAK YIDNAK WENE 4:19

Yak ondogolikma-ge, Peterus min Yoanes min-nen it yak ondogolar-e: ”Mbal Pem Nagawan-nen konag-o luk perasu-ge kit-nen yidnak yidnak nak kwarurak iri, lak? Are, Mbal Pem Nagawan-nen yidnak yidnak nak kwarurak iri-a? Kit-nen nak mbenarer-o.

YIDNAK YIDNAK WENE 5:29

Yak ondosoloma-ge, Peterus min wirik inpidnak nap erep min-nen wene erep nggarogolar-e: ”Nit-nen-e mondok Mbal Pem Nagawan-nen yidnak yidnak nak kwarul-o. Nde, ki nap-nen yidnak yidnak kwarurag-e meya-o.

YIDNAK YIDNAK WENE 6:15

Yogolikma-ge, it wene mbarugwi sa koreyak woraidnak nap oboksa-nen-e Sepanus na enlengen kere kererak yik karok worakmu-ge, at erare-ge aid nap erare nggal irit yik kaiga-o.