NDANIEL 3:1 - Nanduk Ngget Tul Pidnak Wene

¹ Nde, misik tarem-e Nagawan Nebukatnesat-nen-e emas pem ap nggal misik ndak wirid iri-ge mor-e dua pulu tuju (27) meter, nde, abak nggwe-ge tiga meter irit ndak wirij-o. Iri na-ge ngguberenot-nen tenagidnak wi Mbabilonia iri me Ndura mbirikmu iri me-t ndak wosa bij-o.

NDANIEL 3:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 12:28

Indi iri nggal yebet kasolug-e, at-nen-e sapi mberen emas pem-nen ndak wosa puruk yarik, at-nen Isarael nap yak ondosolar-e: ”Kit Isarael nab-e Nagawan Indo erembel wanurag-e Yerusalem ndak mborogolat woraigeb-o. Yawo-ge kunkugwiwak Mesira-nen lesa wok kunpuruk lobok yid na-ge yar-o” luk yak indij-o.

ESET 1:1

Perisia iri me o siri iminepma-ge Susan iri me-t Nagawan Agasuweros iri na-ge o tena irit woragij-o. Nde, at-nen tenagidnak wi-ge India kuri-nen Sundan kuri iri me-ge propinsi-ge seratus dua pulu tuju (127) irit woragij-o.

NDAWI ENGGA 135:15

Enlem nin nap unkugwiwag-e ininggi-nen ndak wiridnak mende emas min perak min ereba na bem-nen konidnak-nen yusu-o.

MBIRIGA WENE 20:23

An worala-t nde, kir-e perak pem emas pem-nen erembel wanurak kugwi nin kondomok kenmanggim ndak wosa purak pug-o.

MBIRIGA WENE 32:31

Iri luk, Musa na tuguruk Nagawan Indo eram lagarig-en yosolar-e: ”Isarael nap na-ge meya nggok misik kwarigarig-o. Iri-ge Mbal Pem Nagawan misik emas pem ndak wirigarik, erembel waniga-o.

YESAYA 46:6

Ap-nen-e kot manik wesera keya buruk, ontol emas tol kenangga mberak puruk, ontol perak iri na-ge angin ndak wurugwi mende bem ndak wutluk, angin kagwi-o. Iri rak puruk, emas konoso nap iri na-nen kugwiwak ndak worak unpuwaklug-e, onggo wok tugwi-o. Nde, ndak worak posoma-ge, ndak worak pidnak iri na erembel wanugwi-o.

NDANIEL 2:48

Iri lug-e, nagawan-nen-e Ndaniel iri na-ge kek tak irit posolat, silobulo konak nak kwarat we wok tosolat, Mbabilonia iri me ngguberenot irit mendak posolat, nagawan woraso sa iri na me nagawan nggomo wurugwi nap ereba na enanggul pem ene kulurak nap irit obosolat kwarij-o.

NDANIEL 2:49

Alat nde, Ndaniel-nen nggi yidnak pem-et Sanderak min Mesak min Abetnego min it ereya-nen tena wolmakluk Mbabilonia tenagurak amawi ininggem pij-o. Nde, Ndaniel iri na-ge nagawan woraso sa iri na me-t woragij-o.

NDANIEL 3:14

Iri yamu, wok unpuruk lobok yikma, Nagawan Nebukatnesat-nen kin wok onposolar-e: ”Kit Sanderak min Mesak min Abetnego min yu-ge wa-e. Kir-e mondok ndemeret an nugugwiwak erembel wanigit lak yogolat, iri-nen emas pem an-nen ndak wirigi iri na indipma tud yigit lak yogolat kwarugwi-a?

NDANIEL 3:30

Iri yosoluk yarig-e, nagawan iri-nen-e Sanderak min Mesak min Abetnego min ereya na-ge mondok kek tak irit onposolar-e, Mbabel wi iri me-nen yabu tena woragwi nap kek tak irit mendak inpij-o.

NDANIEL 5:23

Nde, nap kar-e kindi kek tak posolat, Nagawan Indo aid arem woraso iri na tebe rak posolar-e, kar-e kwiye lag-et Nagawan Indo ama woraso waruk lobok yidnak embe ereba na waruk nggumer-o yosoluk, kat min kat-nen idnak ap yok nggok min kogwerak min ndegel kubugwi kweyap kat-nen inmin woraso ereba min kit-nen embe ereba na bem-nen kenangga ninggeb-o. Iri kwarosolar-e, kar-e emas min perak min tembaga min mbesi min e min kerep min pem-nen konidnak kugwiwak, erengen-nen na kaso buk, eyanggo-nen na wene koloso buk, indi-nen na yebet kaso buk ereba na erembel wanigen-o. Iri yosolar-e, nap kat kuruk wolmomtak min wat momtak min kat-nen wolmomtak tula min imineb-e at inggem nak worasu Mbal Pem Nagawan iri na-ge kar-e kek tak pigit lak yigen-o.

NDANIEL 5:4

Nonggolar-e, it unkugwiwak emas min perak min tembaga min mbesi min e min kerep min pem-nen konidnak ereba na erembel waniga-o.

OSEA 2:8

Kiniya-nen-e an-nen nggandum mbato wok tosolat, anggut engen amburu wok tosolat, saitun amburu wok tosolat, at-nen kugwi Mbaal erembel wanosolat-nen wanurak emas perak oboksa wok tosolat kwaroso ereba na-ge ’At-net wok nirij-o’ luk nam yoso bug-o.

YIDNAK YIDNAK WENE 17:29

Nde, nir-e Mbal Pem Nagawan-nen wigal ninpidnak me, nit ninndi-nen peragolar-e, Mbal Pem Nagawan abage-ge emas posid min perak posid min kerep min-nen ap inndi tenggerak pem ininggi-nen konidnak mende ereba ndak ndak-nen yusu-o luk pururak pug-o.

YIDNAK YIDNAK WENE 19:26

Nde, Epesus yu me nag-e lag-o. Are, Asia nggweyak yi wi ndi wi pidsa-nen na ap Paulus iri-nen-e ap enarem woragosolat, inndi nden eneyasolat yusu iri-ge kit-nen kagolat kologolat kwatli irir-o. At iri-nen yosolar-e: ’Ap ininggi-nen konidnak mende iri-ge erembel wanugwi Mbal Pem Nagawan-e lag-o’ luk yusu-o.

TUGURUK YIDNAK WENE 7:25

It-nen erembel wanugwi kugwiwak ininggi-nen ndak wosa pidnak mende ereba-ge mondok kan purag-o. Kugwiwak ereba bem panggarak pidnak emas ala na, perak ala na, kit-nen ukwe luk mondok wanurak pug-o. Kit-nen nde wene iri kwid togola-ge, Nagawan Indo ge kugwiwak erembel wanugwi iri-ge mondok isili me, kir-e mondok wat yugub-o.

NAM PARA WENE 9:20

Nde, andi bandi mende iri-nen indigit lak, keya inpidnak nap-nen-e it ininggi-nen konugwi kugiwak na keya buruk, kondok yigit lak, kundugu kundugu erembel wanogolar-e, kugi min emas pem, perak pem, tembaga bem, kerep pem, e bem-nen konidnak kugiwak ereba na-ge erengen-nen na kaso buk, eyanggo-nen na koloso buk urugup lak woraso-t nde, erembel wanogolat woraiga-o.