NDANIEL 2:49 - Nanduk Ngget Tul Pidnak Wene

⁴⁹ Alat nde, Ndaniel-nen nggi yidnak pem-et Sanderak min Mesak min Abetnego min it ereya-nen tena wolmakluk Mbabilonia tenagurak amawi ininggem pij-o. Nde, Ndaniel iri na-ge nagawan woraso sa iri na me-t woragij-o.

NDANIEL 2:49 ပူးပေါင်းရင်းမြစ်များ

ESET 2:19

Nde, ereya na kwarosolar-e, Nagawan Agasuweros-nen-e Morendekai iri na-ge eyabu misik wok tij-o.

ESET 2:21

Nde, misik tarem-e Morendekai na-nen nagawan woraso sa iri na me yabu wanosolat worasoma-ge, Nagawan Agasuweros ondomok ndegel ubugwi nap mberen Mbingtan min Teres min-nen-e nagawan iri na insili rak pogolar-e, nagawan iri na wururak wene mbariga-o.

ESET 3:2

Nde, Agasuweros-nen at eyabu wanugwi nap ereba na yak ondosolar-e: ”Kir-e Aman iri-ge kek tak obogolat, eram kentare nggwe yud tud mburag-o” luk yak indij-o. Iri yamu, ap oboksa-nen nagawan-nen yak indid iri na kwarogolat, Aman eram yud tud mbogolat, nde, Morendekai arig-et nak iri nggal kwarigit lak, larok yosolat woragij-o.

NDANIEL 1:17

Nde, Mbal Pem Nagawan-nen ap sujwe empat ereya na wok ondosolar-e, inndi nggat nggat elem min enaru yugwi elem min irit wok endamu, yi mende ndi mende elem pidsa kwara enaru yiga-o. Nde, erep Ndaniel wok tosolar-e, nabi bem nggal yik kagwi elem min nabi kaidnak iri ebe-ge iri nggal-o luk para yurak elem min irit wok tij-o.

NDANIEL 1:7

Nde, nagawan woraso sa iri na me-nen ene kulugwi nap iri na-nen-e it empat ereya na unnu ki yarosolar-e: Mbelsasat min Sanderak min Mesak min Abetnego min irit yarij-o.

NDANIEL 2:17

Yak tosoloma-ge, ”Ob-o” yosoloma-ge, Ndaniel iri na-ge ma mberarik, Anania min Misael min Asaria min ereya na-ge wene ereba na yak indij-o.

NDANIEL 3:1

Nde, misik tarem-e Nagawan Nebukatnesat-nen-e emas pem ap nggal misik ndak wirid iri-ge mor-e dua pulu tuju (27) meter, nde, abak nggwe-ge tiga meter irit ndak wirij-o. Iri na-ge ngguberenot-nen tenagidnak wi Mbabilonia iri me Ndura mbirikmu iri me-t ndak wosa bij-o.

NDANIEL 6:2

Nde, Ndarius-nen-e at-nen tenagidnak wi iri na-ge tembesa keya buruk, at indipma ngguberenot seratus dua pulu (120) mendak inpil lobok yamu, ngguberenot-nen ondomok tak tenagil lobok yiga-o.

AMOS 5:15

Meya kwarugwi elem iri-ge kinsili rak puruk, konak kwarugwi elem irit nggok tak pogolat wolmer-o. Iri kwarogolar-e, mot mot kwarugwi elem iri nggok tak pogolat wolmer-o. Erep-nen-e Nagawan Indo-nen-e enlem Isarael nap marig-et keya inpidnak ereba-ge enabuwa yuwa-t nde ma-o.