NDANIEL 2:48 - Nanduk Ngget Tul Pidnak Wene

⁴⁸ Iri lug-e, nagawan-nen-e Ndaniel iri na-ge kek tak irit posolat, silobulo konak nak kwarat we wok tosolat, Mbabilonia iri me ngguberenot irit mendak posolat, nagawan woraso sa iri na me nagawan nggomo wurugwi nap ereba na enanggul pem ene kulurak nap irit obosolat kwarij-o.

NDANIEL 2:48 ပူးပေါင်းရင်းမြစ်များ

2 SEMUEL 19:32

Nde, Mbarasilai iri-ge abu indi worak olengen delapan pulu (80) woraidnak irit woragij-o. Nde, at iri-ge mondok arengge kwarat me, nanduk Ndaut o Maganaim worala-ge, at-nen norak nunggwi mende-ge Mbarasilai-nen lid lud tak posolat woragij-o.

2 NAGAWAN NAGAWAN-NEN KWARIDNAK WENE 5:1

Siria nap san ombo onowe nggok Naman ebem-nen Nagawan Indo-nen-e Siria nap san ombo-ge ombol nggwe rak inpidnak me, Siria nagawan iri na-nen-e Naman imin indi kundik irit woragij-o. Naman iri-ge wim wari mondok kwiye lak woraso-t nde, at ebem-e mondok marugot ndigiril laso kwiye worak iri ebem yilij-o.

AYUP 1:3

Nde, ereb-e at-nen onnggo pidnak ndegel ubugwi nab-e kwarat woraiga-o. Nde, olomba wam-e 7.000, nde, unta wam-e 3.000, nde, esapi wam-e 1.000, nde, egelerai wam-e 500, nde, nggaruksa yosolar-e, o siri mo luwaso (timur) nggwe worali ereba ennggendumu-nen-e at yu nak aringgi arengge kwarat woragij-o.

NDANIEL 2:6

Alat nde, kit-nen nde nabi kagi iri mbena yak nutluk, nabi ebe-ge iri nggal-o luk yak norogola-ge, onggo-ge konak mende nak wok kondosolat, mondok kek tak kinpimin-o. Iri ala-ge, yawo-ge an-nen nabi kagi iri na yuruk, ebe-ge iri nggal-o luk para yak nerer-o” luk yak indij-o.

NDANIEL 3:1

Nde, misik tarem-e Nagawan Nebukatnesat-nen-e emas pem ap nggal misik ndak wirid iri-ge mor-e dua pulu tuju (27) meter, nde, abak nggwe-ge tiga meter irit ndak wirij-o. Iri na-ge ngguberenot-nen tenagidnak wi Mbabilonia iri me Ndura mbirikmu iri me-t ndak wosa bij-o.

NDANIEL 3:12

it Yawuri nap erep ereya-ge kat-nen Mbabilonia nggweyak yu tena wolmomtak yabu enpem pigen-et nde, it iri-ge nagawan kat-nen yidnak wene-ge te rak pili-o. Iri kwatli nab-e Sanderak min Mesak min Abetnego min it irir-o. Nde, it ereya-ge kat kugugwiwak erembel wanigit lak yogolat, kat-nen ndak wirigen emas-nen konidnak iri na min-et indipma yud tud mbili bug-o” luk yak tiga-o.

NDANIEL 3:30

Iri yosoluk yarig-e, nagawan iri-nen-e Sanderak min Mesak min Abetnego min ereya na-ge mondok kek tak irit onposolar-e, Mbabel wi iri me-nen yabu tena woragwi nap kek tak irit mendak inpij-o.

NDANIEL 4:6

Iri yosolar-e, Mbabel yu me woragwi enaru nap ereba na nabi kagi iri na ebe-ge iri nggal-o luk para yak nuruwaklug-e, wene mbo inpigi-o.

NDANIEL 4:9

Mbelsasat wa-e. Yi mende ndi mende enaru nap enanggul pem kek tak kar-e an-e naru-o. Kar-e marak mbal pem nagawan ereba na indi-nen yebet tak kibidnak-nen yusu-o. Iri bem-e kat kambigir-e kura wene misik kura wolmomtag-e meya-o. Iri ala-ge, an-nen nabi kagi yu kuluruk, nabi ebe-ge iri nggal-o luk nam para yak niri-o.

NDANIEL 5:11

Nde, kat-nen tenagidnak wi arem-e ap misig-e marak mbal pem nagawan ereba na indi arem kobong yidnak worasu-o. Nde, nagawan kat keid o tena worala tarem-net ap iri-ge mondok indi tenggerak, kwara yebet kaso, indi nggat nggat worak kugwi indi nggat nggat nggal irit woraso-o. Nde, at iri-ge kat keid Nebukatnesat-nen-e ’Iri nggal kwat ma-o’ luk urul pugwi nap min kagwi buk mende kwarugwi nap min yi iminep ndi iminep enaru nap min wonaru mbenarugwi enaru nap min ereba na enanggul pem lenak pamu-o.

NDANIEL 5:16

Nde, yanem an-nen kolosolar-e, kar-e wene mondok kura wene-t nde, pugara nam tak posolat, wene mondok nil kil tag-et nde, konosolat kwaroso-nen yusu-o yogola kuligi-o. Kat-nen nde engga yu wonatluk, ebe-ge iri nggal-o luk para nde yak norosola-ge, nagawan-nen yurugwi sum lorok sum ungu min emas-nen konidnak engen nggal yurugwi min kek tak kobosolat yirik kibimin-o. Nde, erep kwat kobosolar-e, an-nen tenagidnak wi yu arem o tena wolmakluk, nit mberen nentalu mendak kibimin-o” luk yak tij-o.

NDANIEL 5:29

Yosoloma, ereya na-net Mbelsiasat-nen at-nen idnak eyabu wanugwi nap ereba na yak ondosolar-e: ”Nagawan-nen yurugwi sum lorok sum ungu Ndaniel yirik pogolat, nagawan-nen yurugwi emas-nen konidnak engen nggal yurugwi umukmu yirik per-o” yij-o. Iri yamu-ge Ndaniel iri na-ge it mberen entalu at-nen tenagidnak wi iri na arem o tena wolmakluk, mendak ibij-o.

NDANIEL 5:7

Iri kwarosolar-e, ”Iri nggal kwat ma-o” luk urul pugwi nap min wi yurak mende kwarugwi nap min wonaru mbenarugwi enaru nap min irit lobok yuwakluk, ene nggoksa wene mbo inpij-o. Yonggo enpamu, it lobok yogola, nagawan-nen yosolar-e: ”Ta-nen nde engga mbarak iri nde wonatluk, wene ebe-ge iri nggal-o luk yak nde norogola-ge, an-nen-e nagawan-nen yurugwi sum lorok sum ungu min emas-nen konidnak engen nggal yurugwi min kek tak obosolat yirik ibimin-o. Iri rak obosolat misig-e an-nen tenagidnak wi yu arem o tena wolmakluk, nit mberen nentalu mendak ibimin-o” luk yij-o.

NDANIEL 8:27

Iri luk abok nggwe-ge an-e namawi lak luk, kugwi neramu siyak woragi-o. Op luk, men yosolar-e, nagawan amanggim an nebem pidnak yabu ereba na wanigi-o. Iri yosolar-et nde, an-e nabi bem nggal kagi iri na ngge kagi-o luk yebet kerenak woragi-t nde, ebe-ge iri nggal-o luk mbi naru yigit lag-o.

WONARIDNAK WENE 24:11

Yawo kar-e mondok kama mbiri-o. Onggo wok kururak yigi-t nde, Nagawan Indo nen onggo iri-ge kat wanurag-e lag-o yosola me, mbiri-o” luk yak tij-o.

1 SEMUEL 17:25

Iri yogolat, it Isarael nap nak yak kerak mbogolar-e: ”Ap iri ker-o! Nggoliat iri nak nggweyel nonposolat nundurak yusu ereba nak koler-o! Nde, Nagawan Saul-nen owak mbarosolar-e: ’Ta-nen nde Nggoliat wuruwa nab-e onggo nggok wok tosolat, iri-nen an nara iri na wok tosolat, at iri owe owot inmin-e pemerinta enmanggim tol pugwi iri na-ge puwa bug-o’ yid nar-o” luk yak kerak mbiga-o.

1 SEMUEL 2:8

Andi bandi arem-nen insilobulo lak nap mendak onposolat, anggun panggun arem-nen ap unnu lak nab-e wisirik onposo-o. It iri-ge ap enlem kek tak iri na annggamtak onposolat, kek tak unpugwi kwarak onposo-o. O nggweyak yu paro-ge Nagawan Indo arengge-net yusu-o. Nde, paro iri na bem-e o yu ndak worak pij-o.

1 SEMUEL 25:2

Nde, o siri Maon iri me-ge elem Kalep nap misik woragij-o. Nde, unu-ge Nabal. Nde, ap iri onggweyak mbi-ge o siri Karamel koroga iri me woragij-o. At iri-ge yi mende ndi mende ombo irit woragij-o. Nde, olomba wam-e tiga ribu (3.000), nde, agambing wam-e seribu (1.000) irit ombo woragij-o. Nde, ogwe Abigail iri na mondok indi ngarak-nen erare konak irit woragij-o. Alat nde, Nabal iri-ge abage ket mbet tak indi ebebeyal worak irit woragij-o. Nde, misik tarem-e Nabal na-ge o Karamel iri me olomba ereba na usu mbarosolat woragij-o.