NDANIEL 2:47 - Nanduk Ngget Tul Pidnak Wene

⁴⁷ Iri luk, nagawan-nen yosolar-e: ”Ndaniel wa-e. Ndemeret kat Kembal Pem Nagawan iri-ge mbal pem nagawan erep ereba enggendumu-nen mondok nggok lombok-nen yusu-o. At iri-ge nagawan ereb-e teberag-et nde, ar-e mondok terak minik kek tak-net yusu-o. Kura wene oboksa kilara nam tak poso-nen yusu-o. Kar-e kura wene-t nde, ebe-ge iri nggal-o luk nam para yigen pem-e kat Kembal Pem Nagawan-e an-e mondok naru yusu-o” luk yij-o.

NDANIEL 2:47 ပူးပေါင်းရင်းမြစ်များ

NDAK WIRIDNAK WENE 41:39

nagawan na-nen Yusup yak tosolar-e: ”Wene yigen yeba oboksa-ge Mbal Pem Nagawan nak-nen mirik kibij-o. Iri bem-nen kat karig-et nak kindi nggat nggat worak, kindi embem worak nir-e yenggerak keyali-o.

2 NAGAWAN NAGAWAN-NEN KWARIDNAK WENE 5:15

Iri kwat yurug-e, at min at nduguluk nugwi nap oboksa inmin-e Elisa eram lobok yogolar-e, Naman-nen Elisa yak tosolar-e: ”Yi wi ndi wi oboksa-nen Mbal Pem Nagawan-e Isarael nap-nen erembel wanugwi misiget yu nak worasu-o. Iri bem-e an-nen we wok kirimin mende-ge mondok wanurag-o, nab-o” yak tij-o.

NDAWI ENGGA 136:2

Mbal Pem Nagawan mondok misik arig-et iri nak wiwa-o yak turag-o. At-nen-e pem kundugu irit enabuwa yoso-nen yusu-o.

NDAWI ENGGA 136:3

Mondok Kek tak iri nak wiwa-o yak turag-o. At-nen-e pem kundugu irit enabuwa yoso-nen yusu-o.

NDAWI ENGGA 72:11

Nagawan nagawan oboksa at eram yud tud mbuwa-o. Ap enlem oboksa at ndegel ubugwi nap irit kwat ma-o.

NDAWI ENGGA 96:4

Nagawan Indo-ge nggok me, mondok kek tak pugwi irit wolmag-o. Erembel wanugwi ereb-e aye kagwi-t nde, at nag-et aye kagolat wolmomtag-o.

NDANIEL 2:19

Nde, iri na tarem-et kubu-ge Mbal Pem Nagawan-nen nabi nggal pem nabi iri na-ge para Ndaniel mirik ibij-o. Iri yosola-ge, Ndaniel-nen-e Mbal Pem Nagawan aid arem woraso iri na erembel wanosolat-nen yosolar-e:

NDANIEL 2:22

At nak-nen wene kura mondok arem-et nde, pugara nam tak posolat, kubu nggwe-nen kwaridnak na ar-e aru-nen yusu-o. At iri-ge yaya iri na abinal-nen muruk tak worasu-o.

NDANIEL 2:28

Alat nde, aid arem woraso Mbal Pem Nagawan iri nak-nen kura wene oboksa-ge para nam tak poso-o. At iri-net abok-nen kwat momtak wene-t nde, yak kirij-o. Nde, nagawan kat nene yosoma, nabi bem kaigen iri-ge an-nen iri nggal-o luk yawo-n yak kirimin-o.

NDANIEL 2:29

Nagawan kat nene yosolat-nen nabi kaigen iri-ge abok woragolat-nen kwat yurak ambigit nggwe-t kaigen-o. Mbal Pem Nagawan-nen kura wene abok-nen kwat momtag-e kat kimbiri bem nam tak pij-o.

NDANIEL 2:30

Nde, kura wene yu an nimbiri bem nam tak pid iri-ge, ap ereb-e teberak unpuruk, nindi tenggerag-e an nak ala-nen kwarij-e lag-o. Alat nde, nagawan kat-nen nabi kaigen iri ebe-ge iri nggal-o luk karu yosolat, kat kindi arem woraso iri na kwara yebet kasolat yonokluk-nen nam tak pij-o.

NDANIEL 2:37

Nagawan kar-e nagawan ereb-e teberag-et nde, kar-e nagawan terak minik kek tak-net yusu-o. Mbal Pem Nagawan aid arem woraso-net kat-nen tenagidnak wi yu-ge kinggem puruk, kat-nen tenagidnak wi yu tena burak amawi min karong min kek tak woraso elem min iri-ge at-net wok keramu-o.

NDANIEL 3:15

Iri ala-ge, yawo-ge ndawi yogolat ene rak pugwi mende ene rak pogola, kuluruk ereya na-net kir-e emas-nen ndak wirigi iri na indipma yud tud mber-o. Kit nde iri kwarigit lak yogola-ge, mondok kan nggok mabidnak amare arem mbo kinpil nggurag-o. Iri kwat konposola-ge, no kugwiwak nggal-nen an ninggem-nen-e kinmiri yuwa-o?” luk yak indij-o.

NDANIEL 3:28

Iri ala karuk, nagawan-nen yosolar-e: ”Sanderak min Mesak min Abetnego min-nen erembel wanugwi Mbal Pem Nagawan iri nak erembel wanurag-o. At iri-net at ebem inndi angin tubu yidnak, at ndegel ubugwi nap ereya-ge inmiri yuwakluk at-nen idnak aid nap inpil lobok yamu, inmiri yij-o. It iri-ge an nene tara keya buruk, wat yurak irit indingen tak puruk, kugwiwak nin nan ereba na-ge endam tud luk, erembel wanurak larok yogolar-e, it ondomok Enmbal Pem Nagawan iri nag-et erembel wanugwi-o.

NDANIEL 3:29

Iri bem-e, ap enlem lombok min enne lombok min oboksa-nen Sanderak min Mesak min Abetnego min Enmbal Pem Nagawan iri na nde nggweyel puwa nab-e, mondok mbarep parep keya unpuruk, unuwi min mijara keya bosoma, tudsa owak nak nggururak wolma-o. Kugwiwak misik mbi-nen Mbal Pem Nagawan-nen inmiri yid iri nggal-e mondok inmiri yoso buk-nen yusu-o” luk yij-o.

NDANIEL 4:17

Nde, nit aid nap lid lud tak puruk, nenlengen lumbunugwi iri na-nen mbaridnak wene-ge yur-o. Nde, nit ninndi-nen pige-ge ap oboksa-nen enaru yogolar-e, Mbal Pem Nagawan Mondok Kek tak iri-ge nagawan-nen tenagidnak wi-ge at tena woralat, at-nen tenaga woraso wi iri-ge at-nen nagawan lenak puruk ininggem posolat, ap mondok teberag-et nde, inggem posolat na ndak-net yusu-o” luk aid nap-nen yij-o.

NDANIEL 4:25

Nap kar-e ap ennggendumu-nen langgara wirik kubuwama, wam min lambuksa tusundumu ereba olengen tuju irit woragun-o. Nde, olengen tuju iri woralar-e, sapi nggal tusuangge tarosolat, we mbepme ereba-t nene yosolat woragun-o. Worala-ge, lilangen-nen piri rak kubuwa-o. Woraruk ombol nggwe-nen perak nap kat-nen perasolar-e: ’Mbal Pem Nagawan Mondok Kek tak iri na-ge nggweyakma yu-nen tenagidnak wi iri-ge Mbal Pem Nagawan inggem-et woralat, ta-nen nde at-nen lenak pidnak nab-e nggweyakma yu me-nen tenagidnak wi-ge inggem purak iri na ndak-net yusu-o’ luk peragun-o.

NDANIEL 4:32

Kar-e ap ennggendumu-nen sera wirik kubuwama, wam min lambuksa tusundumu woralar-e, sapi nggal tusuangge tarosolar-e, olengen tuju irit woragun-o. Irit worasoma, kat-nen parosolar-e: ’Mbal Pem Nagawan Mondok Kek tak iri-ge nggweyakma nap-nen tenagidnak wi-ge at inggem-et woralat, nggweyakma nap-nen tenagidnak wi iri na at-nen-e at indi-nen peraruk lenak pidnak nap wok turak iri-ge ndak nag-o’ luk para yugun-o” luk yij-o.

NDANIEL 5:11

Nde, kat-nen tenagidnak wi arem-e ap misig-e marak mbal pem nagawan ereba na indi arem kobong yidnak worasu-o. Nde, nagawan kat keid o tena worala tarem-net ap iri-ge mondok indi tenggerak, kwara yebet kaso, indi nggat nggat worak kugwi indi nggat nggat nggal irit woraso-o. Nde, at iri-ge kat keid Nebukatnesat-nen-e ’Iri nggal kwat ma-o’ luk urul pugwi nap min kagwi buk mende kwarugwi nap min yi iminep ndi iminep enaru nap min wonaru mbenarugwi enaru nap min ereba na enanggul pem lenak pamu-o.

AMOS 3:7

Nagawan Indo Mondok Kek tak iri na-nen-e at-nen kwarurak piridnak iri na-ge at ndegel ubugwi ene lomboksa yugwi nap ereba kirimbi yak indigit lak-nen-e mondok kwaroso bug-o.

1 KORINTUS 14:25

at arem-nen kura woraso mende na para nam tak posola-ge, at iri-ge erare nggwe tud luk, Mbal Pem Nagawan erembel wanosolat-nen yosolar-e: ”Mbal Pem Nagawan-e ndemeret kit kennggendumu worasu-o” luk para yuwa-o.

TUGURUK YIDNAK WENE 10:17

Nde, Nagawan Indo Kenmbal Pem Nagawan-e kugwiwak oboksa min enmawi worak oboksa min tebek tak puruk, mondok terak minik kek tak-net yusu-o. Nde, ar-e Mbal Pem Nagawan mondok nggok, amawi worak me, at-nen yidnak yidnak nak kwarurag-o. Ar-e ap entare na lombonoso buk, ap onmbol pem lasolat, onggo terak lesa wanoso bug-o.

1 TIMOTIUS 6:15

Yesus na-ge Mbal Pem Nagawan nak-nen lud tak pidnak tarem-net nam ma-o. O tena woraso amawi worak iri-ge kek tak Mbal Pem Nagawan nak-nen yusu-o. Nggweyak tena woragwi nap pidsa onmbol pem Nagawan-nen yusu-o. Ar-e ki nap kek tak woragwi nap pidsa onmbol pem Nagawan Indo-nen yusu-o.

NAM PARA WENE 17:14

It iri-nen-e Lomba Wam Marik iri na min wim puwa-o. Alat nde, Lomba Wam Marik min at-nen wene mbo unpuruk, len enpaga at imin nugwi nap at-nen yidnak yidnak kwarugwi nap inmin-nen-e nagawan nagawan ereba na-ge urugwe nggwe rak unpuwa-o. Nde, iri yuwa iri-ge Lomba Wam Marik iri-ge ap yok nggok onmbol pem Nagawan Indo, nggweyak ma nagawan oboksa onmbol pem Nagawan me, urugwe nggwe rak unpuwa-o” luk yij-o.

NAM PARA WENE 19:16

Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.