NDANIEL 2:45 - Nanduk Ngget Tul Pidnak Wene

⁴⁵ Nap kat-nen yik kaigennggal-e, kerep misik erambet abam nggwe-nen limbik lambik lobok yasolar-e, mbesi min mimi nggweyak min tembaga min perak min emas min pem-nen ap ndak worak iri na-ge ndamera yigisa keya bosola kaigen iri-ge Mbal Pem Nagawan Mondok Nggok iri na-nen abok-nen kwat momtak irit mirik kibij-o. Nde, nabi kaigen iri-ge ndemeret yak kutluk, nabi ebe na iri nggal-o luk ndak ndag-et yak kirigi-o” luk yij-o.

NDANIEL 2:45 ပူးပေါင်းရင်းမြစ်များ

NDAK WIRIDNAK WENE 41:26

Sapi wam nggok nak tuju iri-ge olengen tuju ut mimirik kaigen-o. Nde, mbato ebe yok nggok ereya na irit olengen tuju ut mimirik kaigen-o. Iri-ge ebe-ge misiget nag-o.

NDAK WIRIDNAK WENE 41:28

Nde, iri-ge ndegel koboso nap an yanem yak korosolar-e: ’Iri-ge Mbal Pem Nagawan-nen kwarurak irit mirik kibij-o’ yak kirigi nar-o.

NDAK WIRIDNAK WENE 41:32

Kat-nen nabi mberen pem kaigen iri-ge ebe-ge yu-o: Mbal Pem Nagawan-nen ’Irit kwat mag-o’ luk wat tak posolat, yanem-et Mbal Pem Nagawan-nen kwarak puwa-o.

2 SEMUEL 7:22

Nagawan Indo Mbal Pem Nagawan wa-e. Kar-e ndemeret nggok lombok-nen yusu-o. Erep kat nggal mbi worasu bug-o. Mbal Pem Nagawan-e mondok kat karig-et nak-nen yusu-o luk iri wene-ge o nanduk ereba-net nenaru rak pidnak me, nir-e nenaru-o.

NEMIA 4:14

Nde, an-nen yik kasoma-ge, it ereba na-ge kwiye yogola-ge, an-nen it min ap onowe nggal ereba na min it-nen enne kulugwi nap ereba na min yak ondosolar-e: ”Kir-e wim nap enaye-ge yurak pug-o. Nagawan Indo amawi worak kwiye worak iri na kinndi yebet ker-o. Mondok kennggamirak min kinlirak min konkwerak min kunuwi min inmiri yurak pem mondok kenmawi konder-o” luk yak indigi-o.

NEMIA 9:32

Mbal Pem Nagawan wa-e. Kar-e nit Nenmbal Pem Nagawan kamawi worak-nen yusu-o! Kar-e Mbal Pem Nagawan mondok kek tak kwiye worak-nen yusu-o! Kar-e mondok tugup lag-et kat-nen urul pigen-e puksa tena woralat, kat-nen urul pidnak ereba na-ge ndak ndag-et kwaroso-o. Nde, Asiut nap nagawan nagawan woraiga kuri-nen yawo kuri anggun panggun tak nonpogola, nir-e andi bandi kwarat kagolat worali-o. Iri rak nonpogola-ge, nit-nen idnak nagawan nagawan min tepan ombo min kat kene lomboksa yugwi nap min enne kulugwi nap min iri-nen nonmborak min ap oboksa min oboksa-nen andi bandi rak ninpiga-o. Nde, nit-nen andi bandi kali iri-ge meme rak purak pug-o! Mondok yebet yebet tak wolmin-o!

NDAWI ENGGA 135:5

Ndemeret Nagawan Indo mondok nggok iri-ge an-e naru-o. At iri-ge mondok kugwiwak oboksa teberak puruk, kek tak terak minik-net yusu-o.

NDAWI ENGGA 145:3

Nagawan Indo-ge nggok mondok kek tak me, at-nen kek tak woraso-ge ap-nen irit wururag-e meya-o.

NDAWI ENGGA 2:9

Kat-nen-e it iri-ge posid wangun pem tenggerak unpugun-o. Kat-nen-e nggweyak yimbe nggal ndamera keya unpugun-o’ luk yak nirij-o” luk yij-o.

NDAWI ENGGA 96:4

Nagawan Indo-ge nggok me, mondok kek tak pugwi irit wolmag-o. Erembel wanugwi ereb-e aye kagwi-t nde, at nag-et aye kagolat wolmomtag-o.

YESAYA 28:16

Iri kwatli iri bem-e Nagawan Indo Mondok Kek tak iri na-nen yosolar-e: ”Abok an-nen-e o mabin tugup lak wat kudtak puk iri-ge Sion iri me-t pimin-o. Kerep mondok amawi worak onggo nggok irit ebem wene mbara posolar-e: ’Ta-nen nde mondok indi an nebem wat tak puruk wolma-ge urugwe nggwe rak puwa bug-o’ luk yaga mbarak kerep irit pimin-o.

NDANIEL 2:24

Iri lug-e, Ndaniel iri na nagawan-nen Mbabel iri me woragwi inndi tenggerak enaru nap undurak lenak pid nap Ariok iri na eram mberarik-nen yak tosolar-e: ”Ap inndi tenggerak enaru nap ereba-ge undurak pug-o. Nagawan iri-nen nabi kagaij-e iri nggal-o luk an-nen para nagawan yak teyek-nen nagawan eram nibil mbiri-o” luk yak tij-o.

NDANIEL 2:28

Alat nde, aid arem woraso Mbal Pem Nagawan iri nak-nen kura wene oboksa-ge para nam tak poso-o. At iri-net abok-nen kwat momtak wene-t nde, yak kirij-o. Nde, nagawan kat nene yosoma, nabi bem kaigen iri-ge an-nen iri nggal-o luk yawo-n yak kirimin-o.

NDANIEL 2:29

Nagawan kat nene yosolat-nen nabi kaigen iri-ge abok woragolat-nen kwat yurak ambigit nggwe-t kaigen-o. Mbal Pem Nagawan-nen kura wene abok-nen kwat momtag-e kat kimbiri bem nam tak pij-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

NDANIEL 8:25

Ar-e indi tenggerak me, at-nen ap enmberam lasolar-e, mondok ombol nggwe nak yosolat wolma-o. Ar-e ondomok-nen kek yosolat, kirimbi yak indigit lak-nen ap kwarat lak tak onposolat wolma-o. Iri-nen nagawan mondok kek tak nggok iri na-t nde, kwiye lag-et imin wim mbaruwa-o. Alat nde, at yigisa lak tak puwa iri-ge ki nap enmawi bem-nen-e lak tak ubuwa bug-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MATIUS 21:24

Yogolikma-ge, Yesus-nen wene erep nggarosolar-e: ”Nde, an-nen na wene misiget nak kin wok kinpimin-o. Nde, kit-nen nde wene iri onggo yak norogola-ge, an-nen-e iri amawi bem-nen yi kwatlik ndi kwatlik kwarusu iri yak kindimin-o.

MATIUS 24:35

Mbal min nggweyak min-e lak ma-t nde, an-nen yidnak wene-ge lag-e ma bug-o.

LUKAS 17:20

Parisi nap erep-nen Yesus kin wok obogolar-e: ”Mbal Pem Nagawan-nen tenagaidnak wi-ge mepme tarem-nen wok yuwa-o?” luk yogoloma-ge, Yesus-nen wene erep nggarosolar-e: ”Mbal Pem Nagawan-nen tenagaidnak wi wok yosolar-e, ap-nen karuk yenggerak pugwi mende min wok yuwa bug-o.

TUGURUK YIDNAK WENE 10:17

Nde, Nagawan Indo Kenmbal Pem Nagawan-e kugwiwak oboksa min enmawi worak oboksa min tebek tak puruk, mondok terak minik kek tak-net yusu-o. Nde, ar-e Mbal Pem Nagawan mondok nggok, amawi worak me, at-nen yidnak yidnak nak kwarurag-o. Ar-e ap entare na lombonoso buk, ap onmbol pem lasolat, onggo terak lesa wanoso bug-o.

NAM PARA WENE 1:19

Iri bem-e, kat-nen kasu mende, yawo-n worasu mende na irit, abok-nen kwat ma mende na irit, engga bem mbari-o.

NAM PARA WENE 19:17

Iri luk, an yik kaginggal-e, aid nap misig-e molengen pem mendak worala kagi-o. At ene ngguloksa-nen teram nggwe yebaluk waring kasu towe ereba na yak yosolar-e: ”Yu me lobok yugupndik, Mbal Pem Nagawan-nen nggulok sagaidnak iri nokluk yu me ndok werer-o!

NAM PARA WENE 4:1

Iri rak puruk, an-nen nabi ngganggo nggal tuguruk misik kasolar-e, aid arem-nen tu misik kuwarak kagi-o. Karug-e, ene posid poba ene nggal wene nanduk yak nirid iri na ene-t kuligi-o. Nde, ene iri-nen yak norosolar-e: ”Abok-nen kwat ma mende mirik kebeyek-nen yu me luwasug-o” luk yak nirij-o.