NDANIEL 2:41 - Nanduk Ngget Tul Pidnak Wene

⁴¹ Nde, ap ndak worak iri na ijok min ijokngga min-e mimi nggweyak min mbesi min-nen nat karuk ndak worak kaigen iri-ge abok nggwe amawi worak iri-nen tenagidnak wi iri na-ge ngara arik tik arik tak kwat ma-o. Alat nde, mimi nggweyak iri-ge mbesi min nat karuk me, nagawan iri-nen tenagidnak wi iri-ge amawi worak irit ma-o.

NDANIEL 2:41 ပူးပေါင်းရင်းမြစ်များ

NDANIEL 2:40

Nde, empat pem tak posolat, at imbirig-e mbesi amawi nggal amawi worak misik-nen o tenaguwa-o. Mbesi-nen yi mende ndi mende ndamera yigisa keya boso iri na nggal-et nagawan amawi worak empat pem tak posolat men ma iri-nen-e nagawan erep ereba-nen tenagidnak wi ereba na oboksa ndamera yigisa keya buwa-o.

NDANIEL 2:42

Nde, ijokngga nggweyak min mbesi min-nen nat karuk konidnak iri-ge nagawan-nen tenagidnak wi ereb-e amawi worag-et nde, ereb-e amawi lak irit wolma iri ndak ndak-nen yusu-o.

NDANIEL 7:24

Nde, anggul ambo sepulu kaigen iri-ge nagawan sepulu-nen abok o tena wolma ereya ndak ndag-er-o. Iri woraruk ombol nggwe-ge nagawan ereya na nggal-e lag-o. Are, abage nin arik irit nagawan misik nam yosolar-e, nagawan kenan ereya na urugwe nggwe rak irit unpuwa-o.

NDANIEL 7:7

Nde, an-e yik karok worasoma-ge, empat pem tak posolat lok lok noso imbirik misik nam yij-o. Iri-ge mondok kwiye worak-nen amawi worak yik karug-e, enaboro min wat yoso irit nam yij-o. Nde, eyag-e nggok-nen mbesi amawi worak iri na bem-e at-nen wosa naso mende ereba na-ge leraben wanosolat ndamera lak tak pij-o. Iri yosolar-e, eyak ngen ereba na-ge ijok-nen lul lul wirij-o. Nde, iri-ge nanduk luwagid ereya na nggal-e lag-o. Iri-ge arig-et anggul ambo-ge sepulu worag-o.

NAM PARA WENE 12:3

Iri lug-e, mbal pem-nen kwiye worak mende misik nam agaij-o. Iri-ge aywa nggal nggok mimi mbi anggul-e tuju, anggul ambo-ge sepulu, nde, anggul ereya na irit sa nagawan-nen yurugwi topi pago irit nam agaij-o.

NAM PARA WENE 13:1

Iri luk, an yik kaginggal-e, yi koma arem-nen ndakngge isilepma worak misik nam yosola kagi-o. At iri anggul ambo-ge sepulu, nde, anggul-e tuju woragaij-o. Nde, anggul ambo ereya na bem iritsa nagawan-nen yurugwi topi pago, nde, anggulwak ereya na bem iritsa unnu-ge Mbal Pem Nagawan obok pugwi na mbarag-o.

NAM PARA WENE 17:12

Anggul ambo sepulu kaigen iri-ge nagawan sepulu awo o tena bigit lak worali irir-o. Alat nde, it iri na nagawan nggal wolmomtak amawi wok ondosola-ge, ndakngge isilepma worak iri na imin totno satu jam nak nagawan wolma-o.