NDANIEL 2:37 - Nanduk Ngget Tul Pidnak Wene

³⁷ Nagawan kar-e nagawan ereb-e teberag-et nde, kar-e nagawan terak minik kek tak-net yusu-o. Mbal Pem Nagawan aid arem woraso-net kat-nen tenagidnak wi yu-ge kinggem puruk, kat-nen tenagidnak wi yu tena burak amawi min karong min kek tak woraso elem min iri-ge at-net wok keramu-o.

NDANIEL 2:37 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 25:28

Ewil-Merondak iri na-nen-e Yoyakin iri na-ge konag-et kwat obosolat, nagawan nagawan erep Mbabilonia iri me mbo inpil mbiridnak nab-e kek tak inpigit lak yosolar-et nde, Yoyakin iri na-ge abuwa nggok irit kasolar-e, kek tak ibij-o.

ESERA 1:2

Wirik posolar-e: ”Yu-ge Perisia nap Nagawan Kores-nen yidnak wene-o: Nagawan Indo Aid Arem Tena Woraso Mbal Pem Nagawan iri na-nen-e an-e yi wi ndi wi oboksa enanggul pem nagawan mendak nebamu-o. Mendak nuburug-e, Yewura nggweyak pem Yerusalem iri me at uwi wururak yabu-ge an nebem pamu-o.

ESERA 7:12

”Engga yu-ge Nagawan Aratatasta an-nen aid arem iri me Nagawan Indo Kek tak Woraso Amawi Worak iri na-nen idnak imiri mbarak pidnak wene mondok aru nap Esera iri na kebem pusu-o.

NGGOMO WENE 8:15

Nagawan nagawan-e an-net yongga ondosola, o tena worali-o. Enmawi worak nab-e an-net yongga ondosola, mot mot kwarogolat worali-o.

NDANIEL 1:2

Nagawan Indo indi-n pidnak pem-et Nebukatnesat iri na lobok yosolar-e, Nagawan Yoyakim iri urugwe nggwe rak puruk, silobulo onggo nggok Yerusalem iri me Nagawan Indo ama woraso ereba na-ge ereb-e wanogolar-e, ap kamat inpidnak min silobulo onggo nggok mengga wanidnak min-et mburunuruk mberarik, at ugugwiwak uwi iri na me inpil mbutluk, silobulo mengga wanidnak ereba ugugwiwak uwi iri na arem yi mende ndi mende ndok wosa pugwi sa ereba na me pil nggwij-o.

NDANIEL 2:31

Nagawan kat-nen nabi kaigen-e yu-o: Kat keralu kimbiriwak pem-e ap ndak worak mondok nggok irit mendak kaigen-o. Yik kasolar-e, abinal worak-nen mondok aye worak irit kaigen-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

NDANIEL 4:19

Ndaniel, unu misig-e Mbelsasat, iri na-nen wene iri na kulurug-e, wendet lug-e, kwiye-nen ene lak siyak woragij-o. Iri yosola, Nagawan Nebukatnesat-nen Ndaniel yak tosolar-e: ”Kar-e nabi iri min nabi ebe iri min pem-e kar-e kwiye kudtag pug-o” luk yak tij-o. Yosoloma, Mbelsasat-nen onggo yosolar-e: ”Nab-o. Nabi kaigen iri ebe kwat momtak mende ereba-ge kat kuwim nap enpem nggal mbosola, kat kebem mbigit lak yurak-nen-e ob-er-o.

NDANIEL 4:22

Nab-o. Kar-e e mot-nen amawi worak iri-net yusu-o. Kat kunu kek tak worasu iri kobog-e mbal woragusu-o. Kat-nen tenagidnak wi-ge yi wi ndi wi oboksa kinggiyapma worasu-o.

NDANIEL 4:25

Nap kar-e ap ennggendumu-nen langgara wirik kubuwama, wam min lambuksa tusundumu ereba olengen tuju irit woragun-o. Nde, olengen tuju iri woralar-e, sapi nggal tusuangge tarosolat, we mbepme ereba-t nene yosolat woragun-o. Worala-ge, lilangen-nen piri rak kubuwa-o. Woraruk ombol nggwe-nen perak nap kat-nen perasolar-e: ’Mbal Pem Nagawan Mondok Kek tak iri na-ge nggweyakma yu-nen tenagidnak wi iri-ge Mbal Pem Nagawan inggem-et woralat, ta-nen nde at-nen lenak pidnak nab-e nggweyakma yu me-nen tenagidnak wi-ge inggem purak iri na ndak-net yusu-o’ luk peragun-o.

NDANIEL 4:3

Mbal Pem Nagawan-nen kagwi buk mende kwaroso-ge mondok ija lombog-o! At-nen wi yurak mende kwaroso-ge wir-o! Mbal Pem Nagawan iri-ge nagawan irit men marik, pem irit woralik nalik irit wolma-o. Pempa woragolar-e, o tena wolmomtak amawi-ge at inggem nak irit wolma-o.

NDANIEL 4:32

Kar-e ap ennggendumu-nen sera wirik kubuwama, wam min lambuksa tusundumu woralar-e, sapi nggal tusuangge tarosolar-e, olengen tuju irit woragun-o. Irit worasoma, kat-nen parosolar-e: ’Mbal Pem Nagawan Mondok Kek tak iri-ge nggweyakma nap-nen tenagidnak wi-ge at inggem-et woralat, nggweyakma nap-nen tenagidnak wi iri na at-nen-e at indi-nen peraruk lenak pidnak nap wok turak iri-ge ndak nag-o’ luk para yugun-o” luk yij-o.

NDANIEL 4:34

Nde, nagawan an-nen yosolar-e: ”Olengen tuju iri na worarug-e, an nerengen-e mbal lik kasola-ge, ap nindi kwat yij-o. Iri yosola-ge, Mbal Pem Nagawan Mondok Kek tak iri na kek tak obosolat, at pem-et woralik nalik woraso iri na erembel wanosolat kek tak pigi-o. Iri yosolar-e: Mbal Pem Nagawan-e pem irit nagawan wolma-o. At-nen tenagidnak wi-ge pem irit wolma-o.

NDANIEL 5:18

Mbal Pem Nagawan Mondok Kek tak iri na-net kat keid Nebukatnesat iri na kwarak obosolar-e, mondok nagawan kek tak uburuk, anggu obok worak tak ebamu-o.

NDANIEL 7:14

At iri wok tosolar-e, kek tak obosolat, nagawan o tena wolmomtak amawi irit inggem pidnak me, yi nap ndi nap enlem oboksa, enne lombok, enlem lombok oboksa-nen at ndak ndegel obogolat woraiga-o. Nde, at-nen nagawan woralat, pem irit o tena wolma-o. Nde, o tena wolma iri na-ge mondok lak tak puwa bug-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

YOANES 19:11

Yak tosoloma-ge, Yesus-nen yosolar-e: ”Mbal Pem Nagawan-nen amawi iri kinggem pigit lak nggal-nen-e kat-nen an nebem wene mbarurag-e meya-o. Iri bem, kat meya yidnag-e marig-et nde, it an wesera kinggem nibiga nap-nen meya yidnag-e ijar-o” luk yij-o.

NAM PARA WENE 17:14

It iri-nen-e Lomba Wam Marik iri na min wim puwa-o. Alat nde, Lomba Wam Marik min at-nen wene mbo unpuruk, len enpaga at imin nugwi nap at-nen yidnak yidnak kwarugwi nap inmin-nen-e nagawan nagawan ereba na-ge urugwe nggwe rak unpuwa-o. Nde, iri yuwa iri-ge Lomba Wam Marik iri-ge ap yok nggok onmbol pem Nagawan Indo, nggweyak ma nagawan oboksa onmbol pem Nagawan me, urugwe nggwe rak unpuwa-o” luk yij-o.

NAM PARA WENE 19:16

Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.

NAM PARA WENE 4:11

”Nagawan Indo Nembal Pem Nagawan wa-e! Yi mende ndi mende oboksa kat-nen ndak worak pigenma-o. Kat kindi-n pidnak pem nak yi mende ndi mende ndak wat yarik, uruk worasu bem-e kerembel wanogotlat kek tak kobogolat yurak ndak kamawi worag-e kat nag-o” luk yugwi-o.

NAM PARA WENE 5:12

enne nggoksa ndawi yogolar-e: ”Waridnak Lomba Wam Marik iri-ge o tena buruk wolmomtak amawi min yi mende ndi mende ombo yurak min inndi nggat nggat elem min amawi elem min at ambigit tebe yurak min at nak kek tak uburak min at erembel wanurak min iri mende oboksa at nak-nen wanurag-e abam-net yusu-o!” luk yiga-o.