NDANIEL 2:35 - Nanduk Ngget Tul Pidnak Wene

³⁵ Iri kwarosolat ereya na-net ap ndak worak iri na-ge mbud yosolat, ndamera mbesi min mimi nggweyak min tembaga min perak min emas min ereba na-ge nggilara nggurusa labuk yid iri-ge o kibi bem-nen nggandum mbato yugurugwi sa abapno keya bidnak nggal kwasa labuk yij-o. Nde, o wija-nen puk kuruk mborosolar-e, mondok ondoro tet lak tak pij-o. Alat nde, ap nggal ndak worak iri na tibirid kerep iri na perak ndobo nggal-et mondosolar-e, yi wi ndi wi oboksa yebet yij-o.

NDANIEL 2:35 ပူးပေါင်းရင်းမြစ်များ

NDAWI ENGGA 103:16

o wija-nen puk kasolar-e, pera mbosolat lak yoso-o. Ondoro na ngge me woraidnak nggal nde kwat yoso-o.

NDAWI ENGGA 22:27

Ap enlem oboksa-nen Nagawan Indo yebet karug-e, nden karuk tuguruk at eram lobok yogolar-e, ap enne lombok oboksa-nen at eram yunggusa tud luk at nak erembel wanuwa-o.

NDAWI ENGGA 37:10

Meya yugwi nab-e ndag-et nak lak ma-o. Onkore yukmu-ge, ondoro-ret lak irit ma-o.

NDAWI ENGGA 37:36

Nde, an eram nggwe mbiriginggal-e, lak yij-o. Lak yosoloma, ogore yigi-t nde, mondok kagit lag-o.

NDAWI ENGGA 46:9

At-nen-e yi wi ndi wi wim mbatli oboksa lak tak pusu-o. Yalawi min san min yigisa keya bosolat, ndumno ereba na-ge kan posolat kwarusu-o.

YESAYA 11:9

Mbal Pem Nagawan Ondobo marak Sion iri bem-e meya mende min lak tak onposo mende min mbi wolma bug-o. Yi koma yiriwak ena ud yi koma-nen kobong tak pid iri na nggal-et, yi wi ndi wi oboksa-nen Mbal Pem Nagawan owene nak kwarat enaru wolma-o. 11:10–27:13 Pasal yeba arem-e Mbal Pem Nagawan-nen-e Isarael nap min Yewura nap min entalu woraiga enlem nin nap-nen tena woragidnak wi enpem angin worak mende purak wene mbarak worasu-o. Iri-nen Mbal Pem Nagawan erembel wanugwi ndawi mberen min Mbal Pem Nagawan ilirak-nen yane worogola, inmiri yuwa wene min-et mbarak worasu-o.

YESAYA 8:9

Ap enlem oboksa wa-e. Kwiye min-et ndok werer-o! O kuri ap kuri woragwi nap wa-e. Kwara koler-o! Wim nggurak lid lud tak pogolar-et nde, kinndi-ge ndorosola-net kwarer-o! Ye, lid lud tak pogolar-et nde, kinndi-ge kwiye min-et kwarer-o!

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

OSEA 13:3

Iri kwatli iri bem-e it ap iri na-ge o age min lilangen min kuplila lak yoso nggal mondok lak ma-o. It iri-ge nggandum mbato aboro mbilarugwi sa-nen nggandum abaral o wija-nen puk kuruk mboroso nggal ap ereba-ge lak ma-o. Kule uru nggwe-nen kule mboroso luk, lak yoso nggal lak ma-o.

MIKA 4:13

Nagawan Indo-nen yosolar-e: ”Yerusalem woragwi nap wa-e. Mburugupndik, kit kunuwim nab-e kunuwok liri rak enper-o! Nde, an-nen-e sapi wam anggul ambo-ge mbesi pago, nde, ijok abis-e tembaga pago ereba na amawi nggal tak kinpimin-o. Iri rak kunpumu, kit-nen-e ap enlem kwarat yigisa lak tak unpugub-o. Nde, it-nen mengga wanidnak silobulo-ge mbal min nggweyak min ombol pem kek tak Nagawan Indo an namanggim pugub-o” luk yij-o.

1 KORINTUS 15:25

Nde, Mbal Pem Nagawan-nen Kerisut imin sirid nap pidsa-ge at ujok ma rak enpeyekluk woralar-e, Kerisut na-ge Nagawan worasolar-e, pemerinta-nen tena woragwi mende mondok at-nen tena wolma-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 12:8

aywa nggal nggok iri-ge urugwe nggwe rak puruk, at-nen idnak aid nap erep inmin-e aid arem wolmomtag-e lag-o luk,

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.