NDANIEL 2:34 - Nanduk Ngget Tul Pidnak Wene

³⁴ Nde, iri kwasa ndak worak iri na kat-nen yi karok worasoma-ge, kerep nggok misik abam nggwe-nen erambet limbik lambik lobok yosolar-e, ap ndak worak Iri na mbesi min mimi nggweyak min-nen ndak worak ijok iri na bem-et mbud yosolar-e, ijok iri na mondok yigisa ndamera labuk yij-o.

NDANIEL 2:34 ပူးပေါင်းရင်းမြစ်များ

NDAWI ENGGA 118:22

O wurugwi nap-nen o worogolat lena keya bidnak kerep iri na nde tugup lak o mabin kwat yij-o.

YESAYA 28:16

Iri kwatli iri bem-e Nagawan Indo Mondok Kek tak iri na-nen yosolar-e: ”Abok an-nen-e o mabin tugup lak wat kudtak puk iri-ge Sion iri me-t pimin-o. Kerep mondok amawi worak onggo nggok irit ebem wene mbara posolar-e: ’Ta-nen nde mondok indi an nebem wat tak puruk wolma-ge urugwe nggwe rak puwa bug-o’ luk yaga mbarak kerep irit pimin-o.

YESAYA 60:12

Nagawan misik-nen tenagidnak wi woragwi lombok-nen kat ndegel kuburak insili yogola-ge, yabera lak tak unpuwa-o.

YESAYA 8:9

Ap enlem oboksa wa-e. Kwiye min-et ndok werer-o! O kuri ap kuri woragwi nap wa-e. Kwara koler-o! Wim nggurak lid lud tak pogolar-et nde, kinndi-ge ndorosola-net kwarer-o! Ye, lid lud tak pogolar-et nde, kinndi-ge kwiye min-et kwarer-o!

NDANIEL 2:33

nde, awag-e mbesi bem-nen ndak worak, nde, ijog-e mbesi min mimi nggweyak min pem-nen nat karuk ndak worag-o.

NDANIEL 7:27

Nggweyakma yu me tena woragwi amawi min nggok kek tak woragwi oboksa min ereba na-ge Mbal Pem Nagawan Mondok Kek tak iri na ilirak wok unduwa-o. Nde, it-nen o tena woragwi amawi iri na-ge lak ma bug-o. Nggweyakma nap nagawan oboksa-ge tugup lak it nak ndegel onpogolat it-nen yidnak yidnak kwarogolat wolma-o” luk yak nirij-o.

NDANIEL 8:25

Ar-e indi tenggerak me, at-nen ap enmberam lasolar-e, mondok ombol nggwe nak yosolat wolma-o. Ar-e ondomok-nen kek yosolat, kirimbi yak indigit lak-nen ap kwarat lak tak onposolat wolma-o. Iri-nen nagawan mondok kek tak nggok iri na-t nde, kwiye lag-et imin wim mbaruwa-o. Alat nde, at yigisa lak tak puwa iri-ge ki nap enmawi bem-nen-e lak tak ubuwa bug-o.

MATIUS 16:18

Iri bem, an-nen yak kereyeg-o: Kar-e Peterus-nen yusu-o. Nde, kerep yu bem-nen an-nen idnak lambuk tak inpidnak nap iri-ge o wurugwi nggal wirimin-o. Nde, wat momtak elem amawi-nen an lambuk tak inpidnak nap iri na mondok urugwe nggwe rak unpuwa bug-o.

YOANES 1:13

Iri yidnak nap ndet onposolar-e, ki nap-nen ndet inpigit lag-o. Are, Ineid Mbal Pem Nagawan at-net ndet inpij-o.

YIDNAK YIDNAK WENE 4:11

Yesus iri-ge kit o wurugwi nap-nen mbo bigep kereb-et nde, at iri-ge o unggut nggwe paro pidnak kerep nde kwat yij-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

IBERANI 9:24

Nde, Kerisut-nen O Mondok Marak Sa iri me nggwid iri-ge, ininggi-nen wiridnak wi iri na me nggwij-e lag-o. Nde, ininggi-nen wiridnak wi iri-ge ndemeret wi-ge aid arem worasu iri ut mimirik-nen yusu-o. Alat nde, at-nen-e aid arem iri me-t nggwij-o. Nggwarig-e, nit nonowene mbarurak pem ar-e yawo-ge Mbal Pem Nagawan eram worasu-o.

1 PETERUS 2:7

Kerep iri na bem kinndi angin tubu yili nap kit kenmanggim-e ebe worak mende-nen yusu-t nde, at ebem inndi angin tubu yili buk nap enmanggim-e engga wene ya-nen yidnak ndak ndak kwat yusu-o: ”O wurugwi nap-nen mbo biga kerep iri na-ge o unggut paro pidnak kerep irit agaij-o” lug-e,

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 17:14

It iri-nen-e Lomba Wam Marik iri na min wim puwa-o. Alat nde, Lomba Wam Marik min at-nen wene mbo unpuruk, len enpaga at imin nugwi nap at-nen yidnak yidnak kwarugwi nap inmin-nen-e nagawan nagawan ereba na-ge urugwe nggwe rak unpuwa-o. Nde, iri yuwa iri-ge Lomba Wam Marik iri-ge ap yok nggok onmbol pem Nagawan Indo, nggweyak ma nagawan oboksa onmbol pem Nagawan me, urugwe nggwe rak unpuwa-o” luk yij-o.