NDANIEL 2:28 - Nanduk Ngget Tul Pidnak Wene

²⁸ Alat nde, aid arem woraso Mbal Pem Nagawan iri nak-nen kura wene oboksa-ge para nam tak poso-o. At iri-net abok-nen kwat momtak wene-t nde, yak kirij-o. Nde, nagawan kat nene yosoma, nabi bem kaigen iri-ge an-nen iri nggal-o luk yawo-n yak kirimin-o.

NDANIEL 2:28 ပူးပေါင်းရင်းမြစ်များ

NDAK WIRIDNAK WENE 40:8

it-nen yogolar-e: ”Lag-o, nab-o. Yawo kubu nabi kaige-t nde, ap-nen nabi iri ebe-ge iri nggal-o luk yak nindigit lak woragola-nen yili-o” luk yiga-o. Yogola karuk, Yusup-nen yosolar-e: ”Mbal Pem Nagawan nak-nen perak nde yak ondosola, nabi iri ebe-ge iri nggal-o luk yurag-e ndag-o. Iri ala-ge, kit nabi kaigep kerengga yer-o” luk yak tij-o.

NDAK WIRIDNAK WENE 41:16

Yosoloma, Yusup-nen onggo yosolar-e: ”Nab-o, ndegel koboso nap an-nen yoso-ge lag-o. Iri-ge Mbal Pem Nagawan nak-nen ebe-ge ndemeret ludsa para yoso-o” yij-o.

NDAK WIRIDNAK WENE 41:25

Yosoloma, Yusup-nen nagawan iri na yak tosolar-e: ”Nabi mberen kaigen ereya-ge ebe-ge misiget erep nak kaigen-o. Nde, iri-ge Mbal Pem Nagawan-nen kwarurak irit mirik kibij-o.

NDAK WIRIDNAK WENE 49:1

Iri luk, Yakup-nen at elirak yeba na wene mbo unpuruk-nen yak ondosolar-e: ”An neram panggosa yu me ndok werer-o. Nde, yawo an-e abok kit kenpem mburak mende mbi yak kindimin-o.

NDAWI ENGGA 115:3

Nit Nenmbal Pem Nagawan-e aid arem worasu-o. At-nen-e at indi-nen pidnak irit kwarusu-o.

YESAYA 2:2

Nde, abok woragolar-e, ndobo amun Nagawan Indo uwi worak worasu iri na-ge munduruk abu-t lujwarik, ndobo amun min ndobo yok nggok ereba na min anggul pem tugup lak nggasesa menluk keya buwa-o. Nde, iri yosola-ge, ap enlem oboksa-nen nggwid nggwid nggubunuruk at ama iri me mburuwa-o.

NDANIEL 1:20

Nde, pempa Nebukatnesat-nen-e iri me wene nde worasola-ge, at-nen-e ngge nggal-o? luk it kin wok onposolat, iri-nen ngge nggal kwarurag-o? luk kin wok onposoma-ge, it enpe ap sujwe empat ereya na-nen yugwi wene min it-nen yebet kagwi min-e at-nen tenagidnak wi iri me woragwi nap-nen ”Iri nggal kwat ma-o” luk urul pugwi nap min kwiye worak kwarugwi nap min ereba-nen enaru yidnak ereba-ge mariger-et nde, it empat ereya-nen enaru yidnag-e terak minik ombol nggwe irit eneyagaij-o.

NDANIEL 10:14

Nde, an lobok yigi-ge kat kelem nap enpem abok kwat ma mende ereba na kwara karu rak peyekluk lobok yigi-o. Nde, nabi nggal pem yik kaigen yu-ge abok-nen kwat ma wene kaigen-o” luk yak nirij-o.

NDANIEL 2:18

Yak undurug-e, Mbal Pem Nagawan-nen it enabuwa kasolat, nabi kaidnak iri ebe-ge iri nggal-o luk yigit lak iri na nam tak paga yak unduwaklug-e, ”Aid arem woraso Mbal Pem Nagawan eram tepan yurag-o” luk yak indij-o. Iri nggal kwariga iri-ge it ereya na min Mbabel iri me enaru yidnak inndi tenggerak ereba na inmin lambuksa indigit lak makluk-nen kwariga-o.

NDANIEL 2:22

At nak-nen wene kura mondok arem-et nde, pugara nam tak posolat, kubu nggwe-nen kwaridnak na ar-e aru-nen yusu-o. At iri-ge yaya iri na abinal-nen muruk tak worasu-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

NDANIEL 2:45

Nap kat-nen yik kaigennggal-e, kerep misik erambet abam nggwe-nen limbik lambik lobok yasolar-e, mbesi min mimi nggweyak min tembaga min perak min emas min pem-nen ap ndak worak iri na-ge ndamera yigisa keya bosola kaigen iri-ge Mbal Pem Nagawan Mondok Nggok iri na-nen abok-nen kwat momtak irit mirik kibij-o. Nde, nabi kaigen iri-ge ndemeret yak kutluk, nabi ebe na iri nggal-o luk ndak ndag-et yak kirigi-o” luk yij-o.

NDANIEL 2:47

Iri luk, nagawan-nen yosolar-e: ”Ndaniel wa-e. Ndemeret kat Kembal Pem Nagawan iri-ge mbal pem nagawan erep ereba enggendumu-nen mondok nggok lombok-nen yusu-o. At iri-ge nagawan ereb-e teberag-et nde, ar-e mondok terak minik kek tak-net yusu-o. Kura wene oboksa kilara nam tak poso-nen yusu-o. Kar-e kura wene-t nde, ebe-ge iri nggal-o luk nam para yigen pem-e kat Kembal Pem Nagawan-e an-e mondok naru yusu-o” luk yij-o.

NDANIEL 4:5

Alat nde, misik tarem-e an-e nene yosoma, kubu-ge nabi misik karug-e, wendet yosolar-e, nabi iri na bem nak nindi marok tenak worasolar-e, yamuksa woragit lag-o.

OSEA 3:5

Alat nde, it enlem Isarael nap nden karuk, tuguruk Nagawan Indo Enmbal Pem Nagawan eram lobok yogolat, it-nen idnak nagawan Ndaut-nen wigarak iri na eram lobok yogolat yurak tarem-e wok ma-o. Iri lug-e, ir-e Nagawan Indo aye worak woragolat, kek tak pogolat woragolar-e, at-nen enpem puwa imbiringgat wanogolat wolma-o.

AMOS 4:13

Mbal Pem Nagawan-net ndobo min o wija min ndak wirij-o. At-nen kwarurak indi-nen pidnag-e ki nap inmbiri bem nam tak poso-o. At-net lengge min kubu min kwarak pamu-o. Ar-e ndobo anggul pem waring kasu-o. Nde, at unu-ge Nagawan Indo Mbal Pem Nagawan Mondok Amawi worak irir-o!

WONARIDNAK WENE 24:14

Mbileyam-nen Mbalak yak tosolar-e: ”Yawo-ge an-e nelem nap endam mburusu-o. Alat nde, an mbirigit lak ma-net Isarael nap-nen kat kelem nap kwat unpuwa wene mbi yak kereyeg-o” yosoluk,

MATIUS 6:9

Kit-nen tepan yogolar-e, yu nggal yurag-o: Nit Nineid aid arem woraso wa-e. Kat kunu-ge kek tak irit wolmag-o.

TUGURUK YIDNAK WENE 31:19

Nde, yawo-ge ndawi yu-nen innggiri rak posolat wolmakluk ndawi yu-ge mbarak puruk Isarael nap mul ondosolat wolmin-o.

TUGURUK YIDNAK WENE 4:30

Kit kenpem lak tak onposo mende mbosola-t nde, anggun panggun arem woragolar-e, nden karuk Nagawan Indo Kenmbal Pem Nagawan eram mbutluk, at-nen yidnak yidnak kwarugub-o.

2 TIMOTIUS 3:1

Wene yu yebet yebet tak wolmin-o. Worok tak purak tarem-e nari wari rak unpurak mende-ge ap enpem mbuwa-o.

IBERANI 1:1

Nandug-e kwarat pem Mbal Pem Nagawan-nen nit nenlawingga yak ondosolar-e, Mbal Pem Nagawan ene lomboksa yugwi nap enpem nggwe-nen yak indij-o. Iri yosolar-e, tu nin tak nan tak pem yak ondosolat woragaij-o.

2 PETERUS 3:3

Mondog-et kit-nen yeberak wolmomtak wene nggulog-e yu-o. Woroksiyem woragolar-e, it ondomok inndi-n pidnak ukwe akwe yugwi nak kwarogolar-e, ap nggweyel unpugwi nap na men yogolar-e, kit nggweyel kunpuwa-o.

NAM PARA WENE 1:1

Engga yu arem-e Yesus Kerisut-nen abok-nen kwat momtak mende nam tak pidnak wene mbarak worasu-o. Nde, yanem-et kwat ma mende iri-ge Mbal Pem Nagawan-nen at ndegel ubugwi nap mirik unpuwakluk, Kerisut wok tij-o. Nde, Kerisut-nen-e kwat ma mende iri na-ge at ndegel oboso nap Yoanes na mirik ubuwaklug-e, at-nen idnak aid nab-e Yoanes eram ibil lobok yij-o.